Exodo 13
13
Say Impangisaklang ed saray Pangulowan ya Anak
1Say Katawan kuantod kinen Moises, 2“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”
Say Pista na Tinapay ya Anggapoy Libadura
3Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura. 4Diad sayan agew ed ononan bulan, say bulan na Abib, ontataynan kayo a manlapud Egipto. 5Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon. 6Diad loob na pitoran agew say kanen yon tinapay say ag pinaalsad libadura, tan diad kumapiton agew nepeg a walay pista a pamagalang ed Katawan. 7Diad loob na pitoran agew ag kayo mamangan na antokaman a tinapay a pinaalsad libadura; nepeg ya anggapoy narumog a libadura odino tinapay a pinaalsad libadura ed inerman a pasen ed dalin yo. 8No onggapo lay pista, ipaliwawa yod saray anak yo a gawaen yo ya, lapud samay ginawa ed sikayo na Katawan nen tinaynan yo so Egipto. 9Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to. 10Silibraan yo yan pista diad niganan panaon ed kapag taon.
Say Pangulowan ya Anak
11“Say Katawan iyakar to kayo ed dalin na saray Cananeo, say dalin a sinambaan ton iter ed sikayo tan saray lalaki yo. No niiter to lad sikayo, 12nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo, 13balet nepeg yon dondonen ed sikato so balang besag a kalakyan ya anak na asno diad pangibagat yo na sakey a kordiro. No ag yo dondonen so asno, poter yoy beklew to. Nepeg yon dondonen so balang pangulowan a lakin anak yo. 14Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi. 15Nen anawet so puso na ari na Egipto tan ag to kami pataynanen, say Katawan pinatey toy amin a lakin pangulowan ya anak ed dalin na Egipto, tan amin a besag a kalakyan ya anak na ayayep. Sikato yay makasengeg no akin et ibabagat mid Katawan so balang kalakyan a besag ya anak na ayep tan dodondonen mi ray pangulowan a lakin anak mi. 16Sakey a pakanudnunotan yan pista a singa bengatlan nisinger ed saray lima tayo odino diad muling tayo; ipanunot tod sikatayo a say Katawan impaway to tayod Egipto diad panamegley na baleg a pakayari to.’”
Say Lusek a Lorem tan say Lusek ya Apoy
17Nen inabuloyan na ari ed Egipto ya ontaynan iray Israelita, ag ira inwanwan na Dios ed dalan a mamaarap ed dalin na Filistia, anggaman ya asingger iman a dalan. Ninunot na Dios, “Ag ko labay a mangoman na kanunotan iray totoo tan ompawil irad Egipto no nanengneng dan nepeg da niy mibakal.” 18Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga.#13:18 DAYAT YA AMBALANGA: (“Dayat na Katanobungan” so litiral a talus to ya ed salitan Hebreo) Napaneknekan a nen inmona saray onggendan so totokuyen to: (1) saray pigaran dayat tan karanuman diad nanleetan na sabangan na Dayat na Suez tan say Dayat na Mediteraneo, say pasen a bibirbiren na karaklan ya akagawaan na saray nisalaysay ed Exodo 13, insan niparokey a sakopen toy (2) Dayat na Suez, tan (3) Dayat na Akaba. Nen tinaynan day Egipto iray Israelita akaarmas ira na para bakal.
19Inawit nen Moises iray pokel nen Jose, onung na impamasamba nen Jose a gawaen na saray Israelita. Inkuanen Jose, “No agwaten kayo na Dios ed kairapan, nepeg yon awiten manlapud sayan pasen iray pokel ko.”
20Tinaynan na saray Israelita so Sukot tan nankampo ra ed Etam a walad gilig na kalawakan. 21No agew say Katawan manayam ed bandad arap da a sakey a lusek a lorem, pian niwanwan to rad dalan; no labi manayam ed bandad arap da a sakey a lusek ya apoy, pian naliwawaan to ra. Diad onya makapambiahi ra ed agew tan labi. 22Say lusek a lorem et wala lawas ed bandad arap na saray totoo na agew, say lusek ya apoy no labi.
Currently Selected:
Exodo 13: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Exodo 13
13
Say Impangisaklang ed saray Pangulowan ya Anak
1Say Katawan kuantod kinen Moises, 2“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”
Say Pista na Tinapay ya Anggapoy Libadura
3Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura. 4Diad sayan agew ed ononan bulan, say bulan na Abib, ontataynan kayo a manlapud Egipto. 5Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon. 6Diad loob na pitoran agew say kanen yon tinapay say ag pinaalsad libadura, tan diad kumapiton agew nepeg a walay pista a pamagalang ed Katawan. 7Diad loob na pitoran agew ag kayo mamangan na antokaman a tinapay a pinaalsad libadura; nepeg ya anggapoy narumog a libadura odino tinapay a pinaalsad libadura ed inerman a pasen ed dalin yo. 8No onggapo lay pista, ipaliwawa yod saray anak yo a gawaen yo ya, lapud samay ginawa ed sikayo na Katawan nen tinaynan yo so Egipto. 9Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to. 10Silibraan yo yan pista diad niganan panaon ed kapag taon.
Say Pangulowan ya Anak
11“Say Katawan iyakar to kayo ed dalin na saray Cananeo, say dalin a sinambaan ton iter ed sikayo tan saray lalaki yo. No niiter to lad sikayo, 12nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo, 13balet nepeg yon dondonen ed sikato so balang besag a kalakyan ya anak na asno diad pangibagat yo na sakey a kordiro. No ag yo dondonen so asno, poter yoy beklew to. Nepeg yon dondonen so balang pangulowan a lakin anak yo. 14Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi. 15Nen anawet so puso na ari na Egipto tan ag to kami pataynanen, say Katawan pinatey toy amin a lakin pangulowan ya anak ed dalin na Egipto, tan amin a besag a kalakyan ya anak na ayayep. Sikato yay makasengeg no akin et ibabagat mid Katawan so balang kalakyan a besag ya anak na ayep tan dodondonen mi ray pangulowan a lakin anak mi. 16Sakey a pakanudnunotan yan pista a singa bengatlan nisinger ed saray lima tayo odino diad muling tayo; ipanunot tod sikatayo a say Katawan impaway to tayod Egipto diad panamegley na baleg a pakayari to.’”
Say Lusek a Lorem tan say Lusek ya Apoy
17Nen inabuloyan na ari ed Egipto ya ontaynan iray Israelita, ag ira inwanwan na Dios ed dalan a mamaarap ed dalin na Filistia, anggaman ya asingger iman a dalan. Ninunot na Dios, “Ag ko labay a mangoman na kanunotan iray totoo tan ompawil irad Egipto no nanengneng dan nepeg da niy mibakal.” 18Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga.#13:18 DAYAT YA AMBALANGA: (“Dayat na Katanobungan” so litiral a talus to ya ed salitan Hebreo) Napaneknekan a nen inmona saray onggendan so totokuyen to: (1) saray pigaran dayat tan karanuman diad nanleetan na sabangan na Dayat na Suez tan say Dayat na Mediteraneo, say pasen a bibirbiren na karaklan ya akagawaan na saray nisalaysay ed Exodo 13, insan niparokey a sakopen toy (2) Dayat na Suez, tan (3) Dayat na Akaba. Nen tinaynan day Egipto iray Israelita akaarmas ira na para bakal.
19Inawit nen Moises iray pokel nen Jose, onung na impamasamba nen Jose a gawaen na saray Israelita. Inkuanen Jose, “No agwaten kayo na Dios ed kairapan, nepeg yon awiten manlapud sayan pasen iray pokel ko.”
20Tinaynan na saray Israelita so Sukot tan nankampo ra ed Etam a walad gilig na kalawakan. 21No agew say Katawan manayam ed bandad arap da a sakey a lusek a lorem, pian niwanwan to rad dalan; no labi manayam ed bandad arap da a sakey a lusek ya apoy, pian naliwawaan to ra. Diad onya makapambiahi ra ed agew tan labi. 22Say lusek a lorem et wala lawas ed bandad arap na saray totoo na agew, say lusek ya apoy no labi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983