Exodo 15
15
Say Kanta nen Moises
1Insan si Moises tan saray Israelita kinanta ra yan kanta ed Katawan:
“Kantaan ko so Katawan,
lapud mapagalang ya impanalo to;
imbabantak tod dayat iray kabayo tan saray akakabayod sikaran totoo.
2Say Katawan so mabiskeg a manangyagel ko;
sikato so angilaban ed siak.
Sikatoy Dios ko, sikatoy idayew ko,
sikatoy Dios di amak, tan ikantak so nipaakar ed inkatalonggaring to.
3Sakey a bumabakal so Katawan;
Yahweh#15:3 YAHWEH: Nengneng yoy Gen. 2:4. so ngaran to.
4“Imbabantak tod dalem na dayat iray sondalon Egipsio tan saray karwahi ra;
nalner ed Dayat ya Ambalanga iray sankaabigan ya opisyal da.
5Tinabunan ira na danum;
singa ra sakey a baton linmereg ed kaaralman na dayat.
6“Say kawanan a limam, O Katawan,
et walaan na makapakebyew a pakayari;
bingbingkasen to ray kalaban.
7Diad talonggaring na katageyan mo
tataloen mo ray kalaban mo;
ondadalang so pasnuk mo tan popoolan mo ran singa dayami.
8Sinibukan mo so dayat, et nilusbo so danum;
inmalagey a singa padir;
inmawet so kaaraldaleman a dayat.
9Say kalaban kuanto, ‘Osilan ko ra tan erelen ko ra;
apagen koy kayamanan da tan alaen koy amin a labay ko;
baguten koy ispadak tan alaen koy amin a kayaryan da.’
10Balet sakey labat ya ingas mo,
O Katawan, et nalner la ray Egipsio;
linmereg iran singa ismay ed dalem na mabiskeg a danum.
11“Katawan, siopad saray diriyos so singa sika?
Siopay singa sikan makapakelaw ed inkasanto?
Siopay makapanggawa na saray milagro tan saray makapakelaw a gawa a singa saray ginagawam?
12Inyonat moy kawanan a limam,
et inakmun na dalin iray kalaban mi.
13Saray totoom ya inyagel mo et inwanwan mo ra lapud ag mangoman a panangarom;
diad panamegley na biskeg mo inwanwan mo ran amaarap ya anggad masanton dalin mo.
14Nadngelan ya na saray bansa, et manggiwgiw ira;
mankebyew iray Pilisteo ed takot da.
15Ataktakot iray pangulo na Edom;
manggiwgiw iray makapanyarin totoo na Moab;
nakalan na biskeg na linawa iray Cananeo.
16Takot tan kebyew so niwalad sikara.
Nanengneng day biskeg mo, O Katawan,
et mampotiy bosaleg dan mantanyareg,
anggad makadalan iray totoom
ya inagwat mod inkaaripen.
17O Katawan, inalam ira tan intanem mo rad palandey mo,
say pasen a pinilim a panayaman mo,
say Timplom a sikan dili so amaalagey.
18Sika, Katawan, so manari ed ando lan ando.”
Say Kanta nen Miriam
19Nanakar ed amagan dalin iray Israelita nen ombabaliw irad dayat. Balet nen ombabaliw iray kabayo na saray Egipsio, saray karwahi ra tan saray kutsiro ra, pinapawil na Katawan so danum, tan tinatabunan to ra.
20Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira. 21Et si Miriam kinantaan to ra:
“Kantaan yoy Katawan, lapud mapagalang ya impanalo to;
imbabantak tod dayat iray kabayo tan saray akakabayod sikaran totoo.”
Say Ampait a Danum
22Manlapud Dayat ya Ambalanga si Moises inwanwan ton amaarap ed kalawakan na Sur iray Israelita. Taloy agew a nanakar irad kalawakan, balet anggapoy nalmo ran danum. 23Insan akasabi rad pasen a tatawagen na Mara, balet ampait diman so danum, kanyan ag nayarin inomen. Sikato yay makasengeg a Mara#15:23 MARA: Diad salitay Hebreo “ampait” so kabaliksan to yan ngaran. so ngaran to man a pasen. 24Nanriklamod kinen Moises iray totoo tan tinepet da, “Antoy inomen tayo?” 25Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum.
Diman so angitdan na Katawan na saray ganggan a nepeg dan tombuken, tan diman so anubokan tod sikara. 26Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”
27Insan akasabi ra ed Elim a kawalaan na labinduan sobul tan pitomplon kiew a palmira; nankampo rad man ed abay na danum.
Currently Selected:
Exodo 15: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Exodo 15
15
Say Kanta nen Moises
1Insan si Moises tan saray Israelita kinanta ra yan kanta ed Katawan:
“Kantaan ko so Katawan,
lapud mapagalang ya impanalo to;
imbabantak tod dayat iray kabayo tan saray akakabayod sikaran totoo.
2Say Katawan so mabiskeg a manangyagel ko;
sikato so angilaban ed siak.
Sikatoy Dios ko, sikatoy idayew ko,
sikatoy Dios di amak, tan ikantak so nipaakar ed inkatalonggaring to.
3Sakey a bumabakal so Katawan;
Yahweh#15:3 YAHWEH: Nengneng yoy Gen. 2:4. so ngaran to.
4“Imbabantak tod dalem na dayat iray sondalon Egipsio tan saray karwahi ra;
nalner ed Dayat ya Ambalanga iray sankaabigan ya opisyal da.
5Tinabunan ira na danum;
singa ra sakey a baton linmereg ed kaaralman na dayat.
6“Say kawanan a limam, O Katawan,
et walaan na makapakebyew a pakayari;
bingbingkasen to ray kalaban.
7Diad talonggaring na katageyan mo
tataloen mo ray kalaban mo;
ondadalang so pasnuk mo tan popoolan mo ran singa dayami.
8Sinibukan mo so dayat, et nilusbo so danum;
inmalagey a singa padir;
inmawet so kaaraldaleman a dayat.
9Say kalaban kuanto, ‘Osilan ko ra tan erelen ko ra;
apagen koy kayamanan da tan alaen koy amin a labay ko;
baguten koy ispadak tan alaen koy amin a kayaryan da.’
10Balet sakey labat ya ingas mo,
O Katawan, et nalner la ray Egipsio;
linmereg iran singa ismay ed dalem na mabiskeg a danum.
11“Katawan, siopad saray diriyos so singa sika?
Siopay singa sikan makapakelaw ed inkasanto?
Siopay makapanggawa na saray milagro tan saray makapakelaw a gawa a singa saray ginagawam?
12Inyonat moy kawanan a limam,
et inakmun na dalin iray kalaban mi.
13Saray totoom ya inyagel mo et inwanwan mo ra lapud ag mangoman a panangarom;
diad panamegley na biskeg mo inwanwan mo ran amaarap ya anggad masanton dalin mo.
14Nadngelan ya na saray bansa, et manggiwgiw ira;
mankebyew iray Pilisteo ed takot da.
15Ataktakot iray pangulo na Edom;
manggiwgiw iray makapanyarin totoo na Moab;
nakalan na biskeg na linawa iray Cananeo.
16Takot tan kebyew so niwalad sikara.
Nanengneng day biskeg mo, O Katawan,
et mampotiy bosaleg dan mantanyareg,
anggad makadalan iray totoom
ya inagwat mod inkaaripen.
17O Katawan, inalam ira tan intanem mo rad palandey mo,
say pasen a pinilim a panayaman mo,
say Timplom a sikan dili so amaalagey.
18Sika, Katawan, so manari ed ando lan ando.”
Say Kanta nen Miriam
19Nanakar ed amagan dalin iray Israelita nen ombabaliw irad dayat. Balet nen ombabaliw iray kabayo na saray Egipsio, saray karwahi ra tan saray kutsiro ra, pinapawil na Katawan so danum, tan tinatabunan to ra.
20Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira. 21Et si Miriam kinantaan to ra:
“Kantaan yoy Katawan, lapud mapagalang ya impanalo to;
imbabantak tod dayat iray kabayo tan saray akakabayod sikaran totoo.”
Say Ampait a Danum
22Manlapud Dayat ya Ambalanga si Moises inwanwan ton amaarap ed kalawakan na Sur iray Israelita. Taloy agew a nanakar irad kalawakan, balet anggapoy nalmo ran danum. 23Insan akasabi rad pasen a tatawagen na Mara, balet ampait diman so danum, kanyan ag nayarin inomen. Sikato yay makasengeg a Mara#15:23 MARA: Diad salitay Hebreo “ampait” so kabaliksan to yan ngaran. so ngaran to man a pasen. 24Nanriklamod kinen Moises iray totoo tan tinepet da, “Antoy inomen tayo?” 25Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum.
Diman so angitdan na Katawan na saray ganggan a nepeg dan tombuken, tan diman so anubokan tod sikara. 26Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”
27Insan akasabi ra ed Elim a kawalaan na labinduan sobul tan pitomplon kiew a palmira; nankampo rad man ed abay na danum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983