Забур 96
96
Аллагь виридалайни виневай гьаким я
1 Реббиди пачагьвал ийизва:
чили авурай хвешивал,
шадвал авурай гзаф кьадар атӀайри!
2Булутар ва мичӀивал гва Адан къваларив,
гьахъвални дуван диб я Адан тахтунин.
3ЦӀай физва вилик кваз Адан,
кузва Адан душманар, гвай патарив.
4Адан цӀайлапанри алем экуь ийизва,
чилиз аквазва, зурзазва.
5Мум хьиз, кӀунтӀар цӀразва, Ребби акурла,
акурла Агъа вири чилерин.
6Хабар гузва цавари Адан гьахъуникай,
вири халкьариз аквазва Адан баркалла.
7Регъуь хьурай виридаз бутриз къуллугъ ийизвай,
бутралди дамахар ийизвайбуруз.
Тарифа Реббидин, аллагьар вири!
8 Сигьандиз ван хьана ва шад хьана,
Ягьудатдин хуьрери
хвешивал авуна
Ви гьахъ дуванрал, я Ребби.
9Вун, Аллагь, Ребби,
виниз я вири чилелай,
хкаж хьанва виниз вири аллагьрал.
10Ребби кӀандайбур, такӀан хьухь писвал!
Ада уьмуьр хуьзва Адаз вафа ийизвайбурун,
абур азад ийизва
небгетрин гъилерикай.
11Экуьни нур язава гьахъ-михьибуруз,
шадвал гва чпин рикӀер михьибурув.
12Шад хьухь, гьахъ-михьибур, Реббидал,
шукур ая,
Адан пак ТӀварцӀин тариф ая.
Currently Selected:
Забур 96: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
