Забур 97
97
Ребби – дуьньядин Дуванбег
1Мани.
Реббидиз лагь цӀийи мани,
куьз лагьайтӀа аламатар авуна Ада;
Адан эрчӀи гъили, Адан пак гъили,
гъана Адаз гъалибвал.
2Реббиди къалурна хиласвал вичив гвай,
Вичин гьахъвал къалурна халкьариз.
3Ада рикӀел хкана регьимни
Исраилдиз Вичин вафа хуьн.
Чилин вири вилаятриз акуна
чи Аллагьдив гвай хиласвал.
4Шаддаказ эвера, вири чил, Реббидиз!
КӀевиз эвера, шадвал ая, тарифдин мани лагь!
5 Кинур ягъиз, тариф ая Реббидин,
кинур ягъиз ва манидин сесерив.
6Къаргъудинни крчарин сесер галаз
шад гьарай ая Пачагьдин вилик,
Реббидин вилик!
7Гьуьлуь къал авурай ва ана авай кьван вирида,
алемди ва ана уьмуьр тухузвайбуру.
8Кап ягърай вацӀари,
шадвал авурай дагълари санал 9Реббидин вилик,
куьз лагьайтӀа къвезва чилин дуван ийиз Ам.
Чилин дуван гьахъвал гваз ийида Ада,
инсанрин дуван – адалат гваз.
Currently Selected:
Забур 97: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
