Забур 62
62
Аллагьдихъ къаних хьун
1 Ягьудатдин кьурумда Давуда лагьай мани.
2Аллагь, вун зи Аллагь я!
За Вун жагъурзава.
Къаних хьанва зи рикӀ Вахъ,
гьалдай физва беден зи Ваз минетиз,
кьуру хьанвай, бегьер тегъир,
яд авачир чилерал.
3Зун Ваз килигна пакханада,
заз акуна Ви къуватни ви баркалла.
4Зи меци Ви тарифда,
Ви регьим уьмуьрдилай хъсан тирвиляй.
5Зал чан аламай кьван гагьда зал тарифда за Ви,
гъилер цавуз хкажда Ви хатурдай.
6Зи рикӀ няметрив ацӀанвайди хьиз,
шаддаказ Ви тарифзава сиви зи,
7жуван месел гъидай чӀавуз рикӀел Вун,
йифен сятда Вакай фикир ийирла;
8вучиз лагьайтӀа зи куьмек я Вун,
Ви луварин хъендик хвеши жеда заз.
9Зи чан игис жезва Вав,
эрчӀи гъилив Вуна кьунва зун.
10Зи чан къачуз кӀандайбур
агъа дуьньядиз аватда.
11Абур туруник ярх жеда,
абурукай чакъалриз кван жеда.
12Аллагьдал пачагьди
чӀехи шадвал ийизва;
Аллагьдал кьин кьазвай кьван вирибурун
тариф ийида,
тапархъанар лал жеда.
Currently Selected:
Забур 62: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
