Забур 61
61
Аллагьди гудай далдадиз ихтибар авун
1Манидаррин чӀехидаз. Ядутун патал. Давудан мани.
2Анжах са Аллагьдивай
заз секинвал жагъизва,
Гьадав гва зи куьмек.
3Са Гьам я зи раг, зи куьмек я,
зи къеле я Ам – кӀевиз ян гудач за.
4Гьикьван куьне гьужумарда гьа са касдал,
вирида санал чукӀурда ам,
алгъанвай цал хьиз,
галтад жезвай жугъун хьиз?
5Анжах гьикӀ ам гьуьрмет авай чкадилай алуддатӀа,
ийизва фикир, шадвалзава тапунал.
Хийир-дуьа ийизва сивелди,
амма рикӀяй лянетзава.
Макьамдин ара
6Тек са Аллагьдик
секин хьухь, зи рикӀ,
Гьадав гва зи умуд.
7Анжах Гьам я зи раг, зи куьмек,
зи къеле я Ам, татаб жедач зун.
8Аллагьдив
зи куьмек, Зи баркалла гва.
Аллагь зи къуватдин раг,
зи далда я.
9Адак умуд кутур, халкь,
гьар са вахтунда;
Адан вилик жуван рикӀ ичӀира,
вучиз лагьайтӀа Аллагь я чаз катдай чка.
Макьамдин ара
10Кьиникь галайбур анжах челек-фелек я,
инсанар анжах таб я са;
эциг терездал – абурун хел хкаж жеда,
вири санал нефесдилай кьезил я.
11Тарашнавайдак кутамир умуд,
чуьнуьхнавайдал дамахмир кьуру.
Мад артух хьуй девлет,
амма агудмир рикӀер адав.
12Аллагьди садра лагьана,
кьведра я заз икӀ ван хьайиди:
Аллагьдив къуват гва,
13Вав, Агъа, регьим гва.
Вуна гьардаз гузва эвез авур крарин.
Currently Selected:
Забур 61: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
