Забур 51
51
Аллагьдин дуван ва регьим
1Манидаррин чӀехидаз. Давудан шиир. 2Эдами Дуэга Шаулаз: «Давуд Ахимеликан кӀвале ава» лагьай чӀавуз.
3ЧӀуру кардал вуч дамахар ийизва на, къуват авайди?
Аллагьдин регьим даимди я!
4Ви меци зиян ийизва,
хци авунвай уьлгуьч хьиз я ам, фендигар.
5Хъсандалай гзаф кӀанда ваз пис кар,
таб гзаф кӀан я гьахъ гафунилай.
Макьамдин ара
6Тергдай гафар кӀанда ваз,
фендигар мез!
7Амма вун тергда даим яз
Аллагьди;
Ада, кьуна, чукурда вун ви чардахдикай;
чан алайбурун чиляй ви дувул акъудда.
Макьамдин ара
8Гьахъ-михьибуруз кичӀе жеда, акурла,
хъуьреда вал, лугьуда:
9«Ингье инсан, Аллагьдикай
вичиз далда такьурди,
вичин хазинайрихъ агъуна,
масадбур тергиз мягькем хьайиди».
10 Аллагьдин КӀвале къацудаказ экъечӀнавай
зейтун тарциз зун ухшар я,
Аллагьдин муьгьуьббатдихъ
за иман ийизва мидаим яз.
11Вуна авурдай
за шукурарда датӀана Ваз,
Ваз вафа хуьзвайбурун вилик зун
вил алаз жеда ТӀварцӀел Ви,
куьз лагьайтӀа иер я Ам.
Currently Selected:
Забур 51: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
