Забур 38
38
Уьмуьрдин ката-калтуг рикӀеллаз хьун
1Манидаррин чӀехиди тир Ядутуназ. Давудан мани.
2За фикирна: «Зун килигиз жеда жуван рекьериз,
мез хуьда за гунагьдикай;
залпанд гьалда сивелни
небгет кумай кьван гагь вилик зи».
3Амма зун лал тирла, са куьтӀни тийиз,
авай вири къакъатна киснавай зун,
зи хажалат къати жезвай.
4КуькӀвена зи рикӀ.
За гьеле фикирар ийизмаз, цӀай къати хьана,
гьа чӀавуз за лагьана мецелди жуван:
5«Я Ребби! Заз къалур ая ажал зи,
кьадар лагь зи йикъарин,
чир ая заз, гьикьван тади
квайди ятӀа уьмуьр зи.
6Ингье, Вуна заз ганвай йикъар са кап кьван.
Зи уьмуьр Ви вилик гьич са затӀни туш.
РикӀивайни, гьар са уьмуьр –
ката-калтуг я.
Макьамдин ара
7РикӀивайни, гьар сад, хъен хьиз, къекъвезва:
гьарда гьаваян ката-калтуг ийизва,
кӀватӀзава, ам низ гьатдатӀа течиз.
8Гила, Агъа, квел вил алаз жеда зун?
За тек са Вак умуд кутунва.
9Зи тахсиркарвилерикай зун азад ая,
зи намусдив хкуьриз тамир дилибурув.
10Зун кис хьанва, ахъайзавач сивни за,
вучиз лагьайтӀа гьакӀ авунва На.
11Ягъунар Жуван къакъуда завай,
зун Ви гъилик рекьизва.
12Гунагьдай На ахмур ийиз, гузва жаза;
На инсанрин хазинаяр терг ийизва, гъуьчӀре хьиз.
РикӀивайни, ажал галай
гьар сад челек-фелек я.
Макьамдин ара
13Ребби! Ван хьухь зи дуьадин,
за гьарайдиз це яб,
зи накъвариз куьтӀ тавуна акъвазмир.
Зун масанай атана ацукьнавайди я Ви,
чара чилин кас я зун, зи вири бан-бубаяр хьиз.
14Заз хъел аваз килигмир, за мадни хъвер авун патал,
зун техфенмаз, гьеле текьенмаз».
Currently Selected:
Забур 38: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
