Забур 37
37
Азиятдик квайдан дуьа
1 Давудан мани. РикӀел хкиз тун.
2Я Ребби, хъилеваз ахмур мийир заз,
жаза гумир гъазабда аваз.
3За сух хьана хьелер Ви,
Ви гъилни зал алазва заландиз.
4Ви хъилекай
зи бедендик сагъ чка кумач.
Зи гунагьдикай
сагъламвални амач зи кӀарабра.
5Зи гунагьар зи кьилел акьахнава,
абур, пар хьиз, залан я заз.
6Зи хирери ни къачунва, ктӀизва
зи ахмакьвиляй.
7Зи юкь какур хьанва, михьиз алгъанва,
вири югъди хажалатиз къекъвезва.
8Зи бедендал ифин ала,
адак сагъ са чка кумач.
9Зун гьалдай фенва, барбатӀ хьанва писдаказ,
рикӀин азабдик гьарайзава за.
10Ви вилик ква, Агъа, зи вири мурадар,
Вакай чуьнуьхнавач зи агь чӀугунар.
11Эцязава зи рикӀи, зи къуватар квахьнава,
хкахьзава лап эквни зи вилерин.
12Зи азарриз килигна катзава закай
зи дустар, зун кӀандайбур,
акъвазнава къуншиярни зи яргъа.
13Зи чан къачуз кӀанибуру туькӀуьрзава заз желе,
Заз зидвализ кӀанибур рахазва зи кьиникьикай,
яргъи югъди туькӀуьрзава чӀуру фендер.
14Заз, лагьайтӀа, бишидаз хьиз, ван къвезвач,
за, лалда хьиз, ахъайзавач пӀузарар.
15Закай хьанва ван текъвезвай хьтинди,
сивяй жаваб гьат тийирди.
16Я Ребби! Зи кьве вил ала вал.
Вуна жаваб гуда, Агъа, зи Аллагь!
17За лагьана: «Абурув гъалиб жез тамир,
Тамир зи вилик кьуру дамахиз,
жедайла зи кӀвачер татаб».
18Зун ярх хьуниз мукьва я,
зи тӀални зи вилик ква датӀана.
19За хиве кьазва гунагьар зи,
жува авур тахсирдикай хажалат ава.
20Захъ галаз душманвал ийизвайбур мягькем хьанва,
са тахсирни зак квачиз зун такӀанбур гзаф хьанва.
21Хъсанвилин эвездай заз писвал ийизвайбуру
душманвал ийизва захъ галаз
хъсанвилин гуьгъуьна авайвиляй зун.
22Ребби! Зун гадармир!
Завай яргъаз къакъат мийир, Аллагь зи!
23Зи куьмекдиз тади ая,
я Агъа, зи Куьмек!
Currently Selected:
Забур 37: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
