TAGA ROMA 14
14
Panaganus cadagiti bassit ti pammatida.
1Awatenyo ti #Rom. 15:1. 1 Cor. 8:9, 11.nacapuy iti pammati, ngem saan a casuppiat cadagiti panpanunot a pagduaduaan.
2Ta adda mamati a mabalinna a canen ti isu-amin; ngem ti nacapuy mangan laeng ti natnateng.
3Ti mangan, saanna coma nga umsien #Col. 2:16.ti saan a mangan; ket ti saan a mangan, dina babalawen ti mangan; ta isu inawat ti Dios.
4Siasinoca a mangbabalaw iti adipen ti sabali? Iti imatang ni apona adda a sitatacder wenno maitublac. Ngem matengngelto a sititibker; ta ti Apo mannacabalin a mangtengngel kencuana a sititibker.
5Maysa a tao patgenna ti maysa nga aldaw a #Gal. 4:10.nangnangrona ngem iti sabali; ti sabali ipategna a padapada dagiti isu-amin nga aldaw. Tunggal maysa sipepennec coma iti panunotna met laeng.
6Ti mangpateg iti aldaw, patganna a maipaay iti Apo; (ket ti saan a mangpateg iti aldaw, saanna a patgan a maipaay iti Apo.) Ti mangan, mangan a maipaay iti Apo, #1 Cor. 10:31. 1 Tim. 4:3, 4.ta agyaman iti Dios; ket ti saan a mangan, saan a mangan a maipaay iti Apo ken agyaman iti Dios.
7Ta #2 Cor. 5:15. Gal. 2:20. 1 Tes. 5:10.awan cadatayo ti agbiag a maipaay iti bagina met laeng, ket awan met ti matay a maipaay iti bagina met laeng.
8Ta uray agbiagtayo, agbiagtayo a maipaay iti Apo, ket uray mataytayo, mataytayo a maipaay iti Apo: uray ngarud no agbiagtayo, uray mataytayo, cucuanatay ti Apo.
9Ta gaput itoy a panggep, ni #Rom. 8:34.Cristo natay ket #D. Ara. 10:36, 42.nagbiag manen, tapno isu coma ti Apo dagiti natay ken dagiti nabiag.
10Ngem, sica apayapay babalawem ni cabsatmo? ket sica apayapay umsiem ni cabsatmo? #Mat. 25:31, 32. Rom. 2:16.ta agparangtayto amin iti saclang ti pangocoman ti Dios.
11Ta adda a naisurat:
#
Isa. 45:23. Agsipud ta siac agbiagac, cuna ti Apo, agparintumengto caniac ti amin a tumeng.
Ket amin a dila agipudnonto iti Dios.
12Iti casta #Mat. 12:36. 1 Ped. 4:5.tunggal maysa cadatayo idatagnanto iti Dios ti kinaisuna met laeng.
Saantay nga agiinnocom.
13Ditay ngarud agiinnocomen iti maysa ken maysa; no di ket ikeddengyo coma a nangnangrona daytoy, nga #1 Cor. 8:13; 10:32.awan ti mangicabil iti sangoanan ti cabsat ti pacaitibcolan wenno pacaiculboan.
14Ammoc ket capcapnecac ken Apo Jesus, nga #D. Ara. 10:15.awan ti adda a casisigudna ti narugit; #1 Cor. 8:7, 10.ngem iti mangipapan nga adda aniaman a narugit, narugit kencuana.
15Ta no gapu iti taraonmo, ni cabsatmo agliday, saanca a magnan iti panagayat. #1 Cor. 8:11.Saanmo a pucawen gapu iti taraonmo daydiay nacaigapuan ni Cristo a natay.
16Saanyo ngarud nga ipalubos nga agsaoda ti dakes a maipapan iti pagimbaganyo:
17Ta ti pagarian #1 Cor. 8:8.ti Dios saan nga isu ti pannangan ken panaginum, no di ket kinalinteg, ken talna, ken rag-o iti Espiritu Santo.
18Ta ti agservi a cas itoy ken Cristo, macaay-ayo iti Dios, ken anamungan dagiti tattao.
19Iti casta ngarud, #2 Tim. 2:22. Heb. 12:14.surutentayo dagiti banbanag nga agpataud iti talna ken dagiti #2 Cor. 12:19. 1 Tes. 5:11.banbanag a macapalaing iti maysa ken maysa.
20Saanmo a racraken, gapu iti taraonmo, ti aramid ti Dios. Dagiti #Tit. 1:15.isu-amin a banbanag nadalusda a pudno; #1 Cor. 8:9-12.nupay casta, dakesda no ti pannangan ti tao, pacaitibcolan.
21Nasayaat ti saan a mangan ti lasag #1 Cor. 8:13.ken di uminum ti arac, wenno agaramid iti aniaman a pacaitibcolan ni cabsatmo,
22Ti pammati nga adda kenca, salimetmetam a maipaay kenca met laeng iti imatang ti Dios. Nagasat daydiay saan a mangpabasol ti bagina met laeng gapu iti anamunganna a macan.
23Ngem ti adda duaduana, no mangan macabasol, ta salungasingenna ti pammatina; ta isu-amin a saan a mayannurot iti pammati, isu ti basol.
Currently Selected:
TAGA ROMA 14: TB1973
Highlight
Share
Compare
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
