Popular Bible Verses from TAGA ROMA 14

Share

Ta ti pagarian ti Dios saan nga isu ti pannangan ken panaginum, no di ket kinalinteg, ken talna, ken rag-o iti Espiritu Santo. Ta ti agservi a cas itoy ken Cristo, macaay-ayo iti Dios, ken anamungan dagiti tattao.

Ta uray agbiagtayo, agbiagtayo a maipaay iti Apo, ket uray mataytayo, mataytayo a maipaay iti Apo: uray ngarud no agbiagtayo, uray mataytayo, cucuanatay ti Apo.

Iti casta ngarud, surutentayo dagiti banbanag nga agpataud iti talna ken dagiti banbanag a macapalaing iti maysa ken maysa.

Ditay ngarud agiinnocomen iti maysa ken maysa; no di ket ikeddengyo coma a nangnangrona daytoy, nga awan ti mangicabil iti sangoanan ti cabsat ti pacaitibcolan wenno pacaiculboan.

Ta adda a naisurat: Agsipud ta siac agbiagac, cuna ti Apo, agparintumengto caniac ti amin a tumeng. Ket amin a dila agipudnonto iti Dios. Iti casta tunggal maysa cadatayo idatagnanto iti Dios ti kinaisuna met laeng.

Awatenyo ti nacapuy iti pammati, ngem saan a casuppiat cadagiti panpanunot a pagduaduaan.

Siasinoca a mangbabalaw iti adipen ti sabali? Iti imatang ni apona adda a sitatacder wenno maitublac. Ngem matengngelto a sititibker; ta ti Apo mannacabalin a mangtengngel kencuana a sititibker.