DAGITI PROVERBIO 26
26
Nadumaduma a panangipadpad ken sursuro ti kinasingpet.
1Cas nieve iti calgaw, #1 Sam. 12:17.ken cas tudo iti panagani, casta a ti dayaw saan a mayarnged iti maag.
2Cas iti billit-tuleng iti panagtawtawatawna, cas iti salsallapingaw iti panagtayabna, casta ti #Num. 23:8. Deut. 23:5.lunod nga awan gapgapuna saan nga agdisso.
3 #
Sal. 32:9. Ti baot maipaay iti cabayo, ti freno iti asno, ket #Prov. 19:29.ti pang-or iti bucot dagiti maag.
4Dica makisungbat iti maag a cas iti kinamaagna, #2 Sam. 16:11. 1 Ar. 18:36.di la ket ta maipadpadca met kencuana.
5Sungbatam ti maag cas maiparbeng iti kinamaagna, #Mat. 16:1-4.tapno saan nga agsirib cadagiti matana met laeng.
6Ti mangibaon iti maysa a pacdaar a maipaiggem iti maag. Pucolanna ti sacana met laeng, ken inumenna ti pacairurumenan.
7Dagiti sacsaca ti pilay agbibitin a silulupoy: casta ti pangngarig iti ngiwat dagiti maag.
8Cas ti maysa a mangigalut iti bato iti palatibong, casta ti mangipaay iti dayaw iti maag.
9 Cas maysa a siit a maisalugsug iti ima ti nabartec, casta ti pangngarig iti ngiwat dagiti maag.
10 Cas ti pumapana a sugatenna amin, casta ti manangdan iti maag ken ti manangdan cadagiti lumabas.
11Cas iti #2 Ped. 2:22.aso nga agsubli iti saruana, casta ti maag a mangsunot iti kinamaagna.
12 #
Prov. 29:20. Makitam ti maysa a tao a masirib cadagiti matana met laeng? Adadda ti namnama iti maysa a maag ngem iti daydiay.
13 #
Prov. 22:13. Ti nasadut cunana, Adda leon idiay dalan; adda leon cadagiti lanlansangan.
14 Cas iti panagpuspus ti rikep ti ruangan iti nacaisigoanna, casta ti aramiden tay nasadut idiay iddana.
15 #
Prov. 19:24. Ti nasadut ilumlumna ti imana iti pinggan, ket isu mautuyan iti panangidanonna iti ngiwatna.
16Ti nasadut nasirsirib cadagiti matana met laeng ngem cadagiti pito a tattao a macaammo a sumungbat.
17Ti lumabas ket macapungtot iti ringgor nga awan bibiangna, cas itay mangtiliw iti aso a lapayagenna.
18Cas itay mauyong nga agipurruac iti aluten, panpana, ken patay;
19Casta ti tao a mangallilaw iti caarrubana, ket cunana, #Efe. 5:4.Saanac aya nga agrabrabac laeng ita?
20Gapu ti caawan ti pagsungrod maiddep ti apuy; ket no awan ti agdaydayengdeng, agsardeng ti riri.
21 Cas ti uging parayrayenna dagiti beggang, ken ti sungrod iti apuy; casta ti #Prov. 15:18; 29:22.mannakiriri a tao parayrayenna ti ringgor.
22 #
Prov. 18:8. Dagiti sasao ti agdaydayengdeng arigda la naimas a cancanen, ket dumanonda iti caungan a paset.
23Dagiti bibig a tarabitab ken ti nadangkes a puso arigda la bacca a damili a nacalupcupan iti lati ti pirac.
24Ti gumurgura mangallilaw cadagiti bibigna; ngem penpenenna ti ulbod iti unegna:
25 #
Sal. 28:3. Jer. 9:8. No nasayaat ti panagsaona, saanmo a patpatien; ta adda pito a macarimon idiay pusona:
26Nupay ti gurana abbonganna iti kinasicap, ti kinadangkesna maiparangarangto a sibabatad iti saclang ti gimong.
27 #
Sal. 7:15, 16; 10:2. Prov. 28:10. Ecle. 10:8. Siasinoman a mangcali iti palab-og isu matnagto idiay; ket ti mangitulatid iti bato, agsublinto daydiay a mangladdit kencuana.
28Ti naulbod a dila guraenna ti nadanarna; ket ti napasablog a ngiwat mamataud iti pannacadadael.
Currently Selected:
DAGITI PROVERBIO 26: TB1973
Highlight
Copy
Compare
Share
Want to have your highlights saved across all your devices? Sign up or sign in
Ti Biblia © 1973 Philippine Bible Society
