Popular Bible Verses from DAGITI PROVERBIO 26

Share

Dica makisungbat iti maag a cas iti kinamaagna, di la ket ta maipadpadca met kencuana. Sungbatam ti maag cas maiparbeng iti kinamaagna, tapno saan nga agsirib cadagiti matana met laeng.

Cas iti aso nga agsubli iti saruana, casta ti maag a mangsunot iti kinamaagna.

Gapu ti caawan ti pagsungrod maiddep ti apuy; ket no awan ti agdaydayengdeng, agsardeng ti riri.

Siasinoman a mangcali iti palab-og isu matnagto idiay; ket ti mangitulatid iti bato, agsublinto daydiay a mangladdit kencuana.

Makitam ti maysa a tao a masirib cadagiti matana met laeng? Adadda ti namnama iti maysa a maag ngem iti daydiay.

Ti lumabas ket macapungtot iti ringgor nga awan bibiangna, cas itay mangtiliw iti aso a lapayagenna.