DAGITI PROVERBIO 2
2
Ti isusurot ken sirib mangabac iti kinatalingenngen ken kinasingpet.
1Anacco, no awatemto dagiti saoc, #Prov. 4:21.ket ipenpenmo kenca dagiti bilinco;
2Iti casta iyallingagmo ta lapayagmo iti kinasirib, ken icapetmo ita pusom iti panacaawat;
3Wen, awagam ti kinasaririt; ket idir-im ta timecmo a maipaay iti pannacaawat;
4 #
Prov. 3:14. Mat. 13:44. No isu birukem a cas pirac, ken tontonem a cas nalmeng a gamgameng:
5Iti casta maawatamto ti panagbuteng ken ni Jehova, ken masaracamto ti pannacaammo iti Dios.
6Ta ni Jehova mangted iti sirib; agtaud iti ngiwatna ti pannacaammo ken pannacaawat:
7Ipenpenna iti natarnaw a sirib a maipaay iti nalinteg; #Sal. 84:9. isu ti calasag dagiti magna iti kinaimbag,
8Tapno mabantayanna dagiti dandana ti kinajusticia, ken #1 Sam. 2:9. Sal. 66:9.masalacnibanna ti dalan dagiti sasantona.
9Iti casta maawatamto ti kinalinteg ken kinajusticia, ken ti kinaagpapada, wen, tunggal naimbag a dana.
10Ta ti sirib sumrecto dita pusom, ket ti pannacaammo macaay-ayonto ita cararuam;
11Ti kinaannad salluadannacanto; ti pannacaawat igaganacanto:
12Tapno ilisidaca iti dalan ti dakes, cadagiti tattao nga agsao cadagiti naulpit a banbanag;
13Isuda a mangbaybay-an cadagiti dana ti kinalinteg, #Juan 3:19, 20.tapno magnada cadagiti dalan ti kinasipnget;
14Isuda a #Prov. 10:23. Jer. 11:15.maragsacan nga agaramid iti dakes, ken #Rom. 1:32.marayray-aw iti kinaulpit ti dakes;
15Isuda a nakillo cadagiti dalanda, ken sisusungitda cadagiti desdesda:
16 #
Prov. 5:3, 20; 6:24. Tapno ilisidaca iti gangannaet a babai, wen, iti gangannaet a mangpasablog babaen cadagiti saona;
17 # bil. 2, 14, 25. A baybay-anna ti gayyem ti kinabalasangna, ken lipatenna ti tulag ti Diosna:
18Ta ti #Prov. 7:27.balayna agirig ken patay, ket dagiti desdesna agturongda cadagiti natay;
19Siasinoman a mapan kencuana dida agsublin, dida met magun-odanen dagiti dandana ti biag:
20 #
Sal. 37:9. Tapno macapagnaca iti dalan dagiti naimbag a tattao, ken mataginayonmo dagiti dandana dagiti nalinteg.
21Ta ti nalinteg agtalinaedto ditoy daga, ket ti napnoan-imbag agtaengto kencuana.
22 #
Sal. 37:38. Ngem dagiti nadangkes magudasdanto ditoy daga, ket dagiti nagulib maparutdanto kencuana.
Currently Selected:
DAGITI PROVERBIO 2: TB1973
Highlight
Copy
Compare
Share
Want to have your highlights saved across all your devices? Sign up or sign in
Ti Biblia © 1973 Philippine Bible Society
