Popular Bible Verses from DAGITI PROVERBIO 2

Share

Ta ni Jehova mangted iti sirib; agtaud iti ngiwatna ti pannacaammo ken pannacaawat

Anacco, no awatemto dagiti saoc, ket ipenpenmo kenca dagiti bilinco; Iti casta iyallingagmo ta lapayagmo iti kinasirib, ken icapetmo ita pusom iti panacaawat; Wen, awagam ti kinasaririt; ket idir-im ta timecmo a maipaay iti pannacaawat; No isu birukem a cas pirac, ken tontonem a cas nalmeng a gamgameng: Iti casta maawatamto ti panagbuteng ken ni Jehova, ken masaracamto ti pannacaammo iti Dios.

Ipenpenna iti natarnaw a sirib a maipaay iti nalinteg; isu ti calasag dagiti magna iti kinaimbag, Tapno mabantayanna dagiti dandana ti kinajusticia, ken masalacnibanna ti dalan dagiti sasantona.

Ta ti nalinteg agtalinaedto ditoy daga, ket ti napnoan-imbag agtaengto kencuana. Ngem dagiti nadangkes magudasdanto ditoy daga, ket dagiti nagulib maparutdanto kencuana.

Tapno ilisidaca iti gangannaet a babai, wen, iti gangannaet a mangpasablog babaen cadagiti saona; A baybay-anna ti gayyem ti kinabalasangna, ken lipatenna ti tulag ti Diosna