ECLESIASTES 3

Amin a banbanag adda tiempoda, ket naimbagda iti tiempoda a nakedngan. Ti kinadangcoc ti tao, ken ti pannacayaspingna cadagiti an-animal.

1Maipaay iti tunggal banag adda nakedngan a tiempo, ket maysa a tiempo maipaay iti #bil. 17. Ecle. 8:6.tunggal panggep iti baba ti langit:

2Pannawen ti pannacayanac, #Heb. 9:27.ken pannawen ti pannacatay, pannawen ti panagmula, ken pannawen ti panagparot iti naimula;

3Pannawen ti panangpapatay, ken pannawen ti panangagas; pannawen ti panangrugpo, ken pannawen ti panangbangon;

4Pannawen ti panagsangit, ken pannawen ti panagcatawa; pannawen ti panagdung-aw, ken pannawen ti panagsala;

5Pannawen ti panagibelleng cadagiti batbato, ket pannawen ti panagurnong cadagiti batbato; pannawen ti panagaracup #1 Cor. 7:5.ket pannawen ti panangmedmed iti panagaracup;

6Pannawen ti panagbiroc, ket pannawen ti panangpucaw; pannawen ti panangsalimetmet, ket pannawen ti panagibelleng;

7 # Gen. 44:13. Pannawen ti panagpigis, ken pannawen ti panagdait; pannawen ti panagulimec, ken pannawen #Amos 5:13.ti panagsao;

8Pannawen ti panagayat, ken pannawen ti #Luc. 14:26.panaggura; pannawen a maipaay iti gubat, ken pannawen a maipaay iti talna.

9 # Ecle. 1:3; 2:22. Ania ti magunguna iti agaramid iti daydiay a nagbannoganna?

10 # Ecle. 1:13. Nakitac ti panagbannog nga inted ti #Gen. 3:17-19.Dios cadagiti annac dagiti tattao tapno agwatwatda kencuana.

11Isu inaramidna ti tunggal banag a #Gen. 1:31.naimnas iti pannawenna: casta met nga isu insaadna ti kinaagnanayon idiay pusoda, nupay casta ti tao, #Ecle. 8:17. Rom. 11:33.dina matontonan ti aramid nga inaramid ti Dios nanipud idi punganay agingga iti panungpalan.

12 # bil. 22. Ammoc nga awan ti aniaman a naimimbag a maipaay cadacuada, ngem ti panagrag-o ken iti #Sal. 34:14; 37:3.panagaramidda ti naimbag iti bayat ti panagbiagda.

13Ket casta met a tunggal tao mangan coma ken uminum, ken agrag-o iti kinaimbag iti amin a pagbannoganna, #Ecle. 2:24; 5:19; 9:9.isu a sagut ti Dios.

14Ammoc a ti aniaman nga aramiden ti Dios, addanto iti agnanayon: #Sant. 1:1.awan ti aniaman a mainayon kencuana, wenno aniaman a makissay kencuana; ket ti Dios inaramidna tapno agbuteng coma dagiti tattao iti sangoananna.

15 # Ecle. 1:9. Ti adda addan idi ugma: ket ti addanto nabayagen nga adda: ket paaddaen manen ti Dios ti naglabasen.

16Ket maysa pay #Ecle. 5:8.nakitac iti baba ti init, iti disso a pangocoman adda met kinadangcoc sadiay; ket iti ayan ti kinalinteg, adda sadiay ti kinadangkes.

17Kinunac itoy pusoc, #Rom. 2:6-8. 2 Cor. 5:10. 2 Tes. 1:6-7.Ocomento ti Dios ti nalinteg ken ti nadangcoc; ta adda pannawen sadiay a maipaay iti #bil. 1.tunggal panggep ken maipaay iti tunggal aramid.

18Kinunac itoy pusoc, dagitoy, maipuon cadagiti annac dagiti tattao, tapno suuten coma ida ti Dios, ken tapno makitada coma nga isuda met laeng cacasda la cadagiti animal.

19 # Sal. 49:12, 20; 73:22. Ecle. 2:16. Ta ti mapasamac cadagiti annac dagiti tattao mapasamac cadagiti animal; maymaysa met laeng a banag ti mapasamac cadacuada: cas ti pannacatay ti maysa, casta ti pannacatay ti sabali; wen, addaanda amin iti maymaysa nga angsen, ket ti tao awanan iti kinasaysayaat ngem cadagiti animal: ta isuda amin kinaubbaw.

20Isuda amin mapanda iti maymaysa a disso; isuda #Gen. 3:19.amin aggapuda iti tapoc, ket isuda amin agsublida manen ti tapoc.

21Asino ti macaammo iti espiritu ti tao, no agpangato, ken ti espiritu ti animal no agpababa iti daga?

22 # Ecle. 2:24. Gapuna a nakitac nga awan ti aniaman a naimimbag ngem iti panagrag-o coma ti maysa a tao cadagiti gapuananna; ta dayta ti apagna: ta asino ti mangisublinto kencuana tapno makitana no #Ecle. 6:12; 8:7; 10:14.ania ti addanto iti calpasanna?

Currently Selected:

ECLESIASTES 3: TB1973

Highlight

Copy

Compare