MGA SALMO 29
29
Ang Tingug sang Ginoo sa Bagyo
Salmo ni David.
1Ipahanungud sa Ginoo, O mga anak sang mga gamhanan, ipahanungud sa Ginoo ang himaya kag kusug.
2Ipahanungud sa Ginoo ang himaya nga takus sa iya ngalan;
simbaha ang Ginoo sa balaan nga pagpanaput.#Sal. 96:7-9.
3Ang tingug sang Ginoo yara sa mga tubig;
ang Dios sang himaya nagadaguub,
ang Ginoo, sa ibabaw sang madamung tubig.
4Ang tingug sang Ginoo gamhanan;
ang tingug sang Ginoo puno sang pagkahari.
5Ang tingug sang Ginoo nagabali sang mga cedro,
ang Ginoo nagabali sang mga cedro sang Libano.
6Ginapalumpatlumpat man niya sila kaangay sang mga tinday,
ang Libano kag ang Sirion kaangay sang mga tinday nga baka nga talonon.
7Ang tingug sang Ginoo nagapihak sang mga dabdab sang kalayo.
8Ang tingug sang Ginoo nagapakurug sang kamingawan,
ang Ginoo nagapakurug sang kamingawan sang Cades.
9Ang tingug sang Ginoo nagapabata sang mga usa nga babayi,
kag nagahublas sang mga kagulangan;
kag sa iya templo ang tanan nagasiling, “Himaya!”
10Ang Ginoo naglingkod subong nga Hari sa Anaw;
ang Ginoo nagalingkod subong nga Hari sa gihapon.
11Ang Ginoo magahatag sang kusug sa iya katawohan!
Ang Ginoo magapakamaayo sang iya katawohan nga may paghidait!
Currently Selected:
MGA SALMO 29: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
