MGA SALMO 16
16
Ang Maayong Panublion
Miktam ni David.
1Tipigi ako, O Dios, kay sa imo nagadangup ako.
2Nagasiling ako sa Ginoo, “Ikaw akon Ginoo;
luwas sa imo wala ako sing kaayohan.”
3Nahanungud sang mga balaan nga yara sa duta, sila mga halangdon,
nga sa ila yara ang bug-os kong kalipay.
4Pabuaron ang mga kasubo sang nagahatag sing mga dolot sa iban nga dios;
ang ila mga halad-nga-ilimnon nga dugo dili ko pag-ihalad
ukon ibutang ang ila mga ngalan sa akon mga bibig.
5Ang Ginoo amo ang bahin sang akon panublion kag ang akon tagayan;
ikaw nagapadayon sang akon kapalaran.
6Ang mga latid naholog sa akon sa mga duug nga mahamungayaon;
hoo, may matahum ako nga panublion.
7Pakamaayohon ko ang Ginoo nga nagalaygay sa akon;
ginatudloan ako sang akon tagiposoon sa mga kagab-ihon.
8Ang Ginoo ginabutang ko sa gihapon sa akon atubangan;
bangud nga sia yara sa akon too, indi ako mationg.
9Busa nagakalipay ang akon tagiposoon, kag nagakasadya ang akon kalag;
ang akon unud man magapuyo sing malig-on.
10Kay indi mo pagbayaan ang akon kalag sa Sheol,#1 Cor. 15:4.
ukon magtugut ka nga ang imo balaan makakita sing kaduluntan.#Binu. 13:35.
11Ipakita mo sa akon ang banas sang kabuhi;
sa imo atubangan yara ang kabug-osan sang kalipayan,#Binu. 2:25-28.
sa imo too yara ang mga kalipayan sa gihapon.
Currently Selected:
MGA SALMO 16: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
