MGA SALMO 146
146
Pagdayaw bangud sang Matarung nga mga Binuhatan sang Dios
1Dayawa ninyo ang Ginoo!
Dayawa ang Ginoo, O kalag ko!
2Samtang nga nagakabuhi ako dayawon ko ang Ginoo;
magaamba ako sing mga pagdayaw sa akon Dios sa nagakabuhi ako.
3Dili kamo magsalig sa mga principe,
ukon sa anak sang tawo, nga sa iya wala sing bulig.
4Kon maggowa ang iya ginhawa nagabalik sia sa iya duta;
sa amo nga adlaw nagakawala ang iya mga hunahuna.
5Bulahan sia nga ang iya kabulig amo ang Dios ni Jacob,
nga ang iya paglaum yara sa Ginoo nga iya Dios,
6nga naghimo sang langit kag duta,
sang dagat, kag sang tanan nga yara sa ila;
nga nagabantay sang kamatooran sa gihapon;
7nga nagahikot sing katarungan sa pinigus;
nga nagahatag sing kalan-on sa mga gutum.
Ang Ginoo nagabuhi sang mga binilanggo;
8ang Ginoo nagapamuklat sang mga mata sang bulag.
Ang Ginoo nagabangon sang nagadunguk;
ang Ginoo nagahigugma sang matarung.
9Ang Ginoo nagatipig sang mga manlulugayaw,
ginasakdag niya ang ilo kag balo nga babayi;
apang ang dalanon sang malauton ginapabaliskad niya.
10Ang Ginoo magahari sa gihapon,
ang imo Dios, O Sion, sa tanan nga kaliwatan.
Dayawa ninyo ang Ginoo!
Currently Selected:
MGA SALMO 146: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
