MGA SALMO 138
138
Pagpasalamat bangud sa Kahamuut sang Ginoo
Salmo ni David.
1Magapasalamat ako sa imo, O Ginoo, sa bug-os kong tagiposoon;
sa atubangan sang mga dios magaamba ako sing mga pagdayaw sa imo;
2magasimba ako nayon sa imo balaan nga templo
kag magapasalamat sa imo ngalan tungud sang imo malig-on nga paghigugma kag sang imo kamatooran;
kay ginpadaku mo ang imo polong
labaw sa bug-os mong ngalan.
3Sa adlaw nga nagpanawag ako, ginsabat mo ako,
ginpabakud mo ako sa kusug sang akon kalag.
4Ang tanan nga hari sang duta magapasalamat sa imo O Ginoo,
kay nakabati sila sang mga polong sang imo baba;
5kag magaambahan sila sang mga dalanon sang Ginoo,
kay daku ang himaya sang Ginoo.
6Kay bisan ang Ginoo mataas, apang sia nagatamud sa mga kubus;
apang ang matinaastaason nakilala niya sa malayo.
7Bisan nagalakat ako sa tunga sang kalisdanan,
ikaw magabuhi sa akon;
ikaw magauntay sang imo kamut batok sa kasingkal sang akon mga kaaway,
kag ang imo kamut nga too magaluwas sa akon.
8Ang Ginoo magahimpit sang nahanungud sa akon;
ang imo malig-on nga paghigugma, O Ginoo, nagapadayon sa gihapon.
Dili pagbayai ang binuhatan sang imo mga kamut.
Currently Selected:
MGA SALMO 138: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
