MGA SALMO 127
127
Ang Kauswagan kag ang Palaabuton Nagagikan sa Ginoo
Ambahanon sa mga Pagtaklad. Salmo ni Salomon.
1Kon indi ang Ginoo magpatindug sang balay,
nagapangabudlay sa wala sing pulus ang mga nagapatindug sini.
Kon indi ang Ginoo magbantay sang banwa,
ang manugbantay nagapulaw lamang sa wala sing pulus.
2Awat lang sa inyo nga magbugtaw sa pagbangon,
sa pagpahuway sing olihi,
sa pagkaon sang kalan-on sang pagpangabudlay;
kay sa amo nagahatag sia sa iya hinigugma sing katologon.
3Yari karon, ang mga anak panublion gikan sa Ginoo,
kag ang bunga sang tiyan amo ang iya balus.
4Subong sang mga baslay sa kamut sang gamhanan nga tawo
amo man ang mga anak sang pagkapamatan-on.
5Bulahan ang tawo
nga ang iya baslayan puno sa ila!
Indi sila mahuy-an
kon magpakighambal sila sa ila mga kaaway sa sulud sang gawang.
Currently Selected:
MGA SALMO 127: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
