MGA SALMO 126
126
Pagpasalamat bangud sa Pagpahauli
Ambahanon sa mga Pagtaklad.
1Sang ginpabalik sang Ginoo ang mga nagpauli sa Sion,
kaangay kami sa mga nagdamgo.
2Niyan ang amon baba napuno sang kinadlaw,
kag ang amon dila sang inamba;
niyan nagsiling sila sa tunga sang mga pungsud,
“Ang Ginoo nakahimo sing dalagku nga mga butang tungud sa ila.”
3Ang Ginoo nakahimo sing dalagku nga mga butang tungud sa aton;
nga sa sini masadya kita.
4Pahaulii ang amon kabihagan, O Ginoo,
subong sang mga ilig sa Bagatnan!
5Ang mga nagasab-ug sa mga luha
magaani sa kalipay!
6Ang nagagowa kag nagahibi,
nga nagadala sing binhi nga inugsab-ug,
sa wala sing duhaduha magabalik nga may kalipay,
nga nagadala sang iya mga linaylay.
Currently Selected:
MGA SALMO 126: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
