MGA SALMO 108
108
Pangamuyo nga Buligan batok sa Kaaway
(Sal. 57:7-11; 60:5-12)
Ambahanon. Salmo ni David.
1Ang akon tagiposoon malig-on, O Dios,
ang akon tagiposoon malig-on!
Magaamba ako, magaamba ako sing mga pagdayaw!
Pagmata, kalag ko!
2Pagmata, salterio kag arpa!
Ako gid magamata sing aga pa!
3Magapasalamat ako sa imo, O Ginoo, sa tunga sang mga katawohan,
magaamba ako sing mga pagdayaw sa tunga sang mga pungsud.
4Kay ang imo malig-on nga paghigugma daku sa ibabaw sang mga langit,
ang imo kamatooran nagalambut sa mga kahawaan.
5Pagpakataason ka, O Dios, labaw sa kalangitan!
Ang imo himaya labaw sa bug-os nga duta.
6Agud nga maluwas ang imo hinigugma,
luwasa sang imo too nga kamut, kag sabta kami!
7Ang Dios nagpamolong sa iya pagkabalaan:
“Sa kalipay bahinbahinon ko ang Siquem,
kag takson ang Nalupyakan sang Sucot.
8Akon ang Galaad; akon ang Manases;
ang Efraim man amo ang apin sang akon olo;
ang Juda amo ang akon cetro.
9Ang Moab amo ang akon hinawan;
sa Edom ihaboy ko ang akon sapin;
magahugyaw ako sa ibabaw sang Filistia.”
10Sin-o bala ang magadala sa akon sa banwang napamakuran?
Sin-o bala ang nagtuytuy sa akon pakadto sa Edom?
11Wala mo bala kami pag-isikway, O Dios?
Wala ka nagagowa, O Dios, upud sa amon mga kasoldadosan.
12Hatagi kami sing bulig batok sa kasumpung,
kay walay pulus ang bulig sang tawo!
13Paagi sa Dios magaisganan kami;
kay sia ang magatapak sang amon mga kasumpung.
Currently Selected:
MGA SALMO 108: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
