MGA HULUBATON 17
17
1Maayo pa ang hungit nga mamala kag may kalinong sa sini
sang sa balay nga puno sang sinalosalo nga may sinuay.
2Ang alagad nga nagahisayo sing maalamon magagahum sa anak nga nagapakahuya,
kag may bahin sa panublion sa tunga sang mga mag-utud.
3Ang tunawan nga kolon tungud sa pilak, kag ang horno tungud sa bulawan,
apang ang Ginoo nagatilaw sang mga tagiposoon.
4Ang manughimo sing malaut nagatalupangud sa mga bibig nga malauton;
kag ang butigon nagapamati sa dila nga matistis.
5Ang bisan sin-o nga nagauligyat sang imol nagapakahuya sang iya Magbubuhat;
ang nagakalipay sa kalalat-an indi makaluwas sa silot.
6Ang mga anak sang mga anak amo ang purungpurung sang mga tigulang,
kag ang himaya sang kabataan amo ang ila mga ginikanan.
7Ang halangdon nga hambal indi angay sa buangbuang;
kubus pa gid ang mga bibig nga butigon sa principe.
8Ang hamham subong sang bilidhon nga bato sa mga mata sang may iya sini;
bisan diin sia magliso nagauswag sia.
9Ang nagatabon sang paglalis nagapangita sing gugma,
apang ang nagasulitsulit sang butang nagapabulag sang mahirup nga abyan.
10Ang isa ka badlong nagadukut sing madalum pa sa mahangponon
sang sa isa ka gatus ka lapdus sa buangbuang.
11Ang malaut nga tawo nagapangita lamang sing ribuk,
busa ang manugbalita nga mapintas ipadala batok sa iya.
12Maayo pa magsugata sa tawo ang oso nga ginkawatan sang iya mga totoy,
sang sa buangbuang sa iya kabuangan.
13Ang bisan sin-o nga nagabalus sing malaut sa maayo,
ang malaut indi magbiya sa iya balay.
14Ang pagsugud sang kasuayon subong sang isa nga nagapagowa sing tubig;
busa bayai ang sinuay sa wala pa sing inaway.
15Ang nagapakamatarung sang malauton kag nagatagudili sang matarung
sila nga duha alangay nga kangil-aran sa Ginoo.
16Busa may bili bala sa kamut sang buangbuang sa pagbakal sing kaalam,
sa ginatan-aw nga wala sia sing paghangup?
17Ang isa ka abyan nagahigugma sa tanan nga tion,
kag ang isa ka utud natawo tungud sa kapiotan.
18Ang tawo nga nawad-an sing paghangup nagapakigdagpi sing mga kamut,
kag nagamanugpasalig sa atubangan sang iya isigkatawo.
19Nagahigugma sang paglalis ang nagahigugma sang kasuayon;
ang nagapataas sang iya gawang nagapangita sing kalaglagan.
20Ang may tagiposoon nga malalison indi makakita sing kaayohan,
kag ang may dila nga balingag nagakaholog sa kalalat-an.
21Ang nagaanak sing buangbuang nagahimo sini sa iya kasubo;
kag ang amay sang buangbuang wala sing kalipay.
22Ang tagiposoon nga malipayon maayo nga bolong,
apang ang espiritu nga boong nagapamala sang mga tul-an.
23Ang malaut nga tawo nagabaton sing hamham gikan sa dughan
sa pagpatiko sang mga dalanon sang katarungan.
24Ang kaalam yara sa atubangan sang nawung sang may paghangup,
apang ang mga mata sang buangbuang yadto sa mga ukbung sang duta.
25Ang anak nga buangbuang kalisud sa iya amay
kag kapaitan sa nag-anak sa iya.
26Ang pagsilot man sang matarung indi maayo;
ukon ang pagsakit sang dungganon tungud sa ila pagkatadlong.
27Ang nagapanalagsahon sang iya mga polong may ihibalo,
kag ang mabugnaw sing espiritu tawo nga mahangponon.
28Bisan ang buangbuang kon maghipus sia ginaisip nga maalam;
kon magkium sia sang iya mga bibig, ginakabig sia nga mahalongon.
Currently Selected:
MGA HULUBATON 17: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
