JOB 30
30
Si Job Nagakalisud sang Iya Pagkakailo
1“Apang karon sila nga mga bataon pa sa akon,
nagayaguta sa akon,
nga ang ila mga ginikanan ginhikayan ko
sa pagbutang upud sa mga ido sang akon panong.
2Ang kusug sang ila mga kamut, ano bala ang pulus sini sa akon,
mga tawo nga sa ila ang kusug nawala?
3Nagapanghuyus sila sa kinawad-on kag gutum,
nagakitkit sila sang mala nga duta sa kangitngitan sang kahapayan kag kamingaw;
4nagapanggabut sila sing gamut nga maasin sa mga puongpuong,
kag ang mga gamut sang enebro amo ang ila kalan-on.
5Ginasobol sila gikan sa katawohan;
sa olihi nila ginasinggitan sila subong sang sa olihi sang makawat.
6Sa bagay nga nagapuyo sila sa mga nalupyakan nga makahaladluk,
sa mga gikab sang duta kag sang mga igang.
7Sa mga puongpuong nagaima sila;
sa idalum sang katunukan nagatipon sila sing tingub.
8Mga anak sila sang mga buangbuang, mga anak sang mga tawo nga walay dungug,
ginsobol sila pagowa sa duta.
9“Kag karon ako nangin-ila ambahanon,
ako hulubaton sa ila.
10Ginakangil-aran nila ako, nagapalayo sila sa akon;
nagapanupla kon makita nila ako.
11Kay gintugakan sang Dios ang akon banting kag ginsakit ako,
ginpilak nila ang busal sa atubangan nakon.
12Sa akon too nagatindug ang mga huroshuros,
ginapatiran nila ang akon mga tiil,
nagatrinsera sila batok sa akon sang ila mga dalanon sang kalaglagan.
13Ginasamad nila ang akon banas,
nagabulig sila sa akon kalalat-an;
mga tawo nga walay kabulig.
14Nagakari sila subong nga paagi sa masangkad nga bulwang;
nagaligid sila sa tunga sang kalaglagan.
15Ang mga kakugmat nagaliso sa akon;
ginalagas nila ang akon kadungganan subong sang hangin,
kag ang akon kaayohan nagataliwan subong sang panganud.
16“Kag karon ang akon kalag naula sa akon;
ang mga adlaw sang kapipit-an nagdakup sa akon.
17Sa kagab-ihon ang akon mga tul-an ginasuntok sa akon,
kag ang mga ngutngut nga nagaut-ut sa akon wala nagapahuway.
18Sa dakung kusug sang Dios namusingan ang akon panapton;
nagabugkos ini sa akon subong sang li-ab sang akon bayo.
19Ginpilak sang Dios ako sa lunang,
kag nanginkaangay ako sang yab-ok kag mga abo.
20Nagatu-aw ako sa imo kag wala mo ako pagsabta;
nagatindug ako, kag wala nagatan-aw sa akon.
21Sa akon nanginmapintas ka;
sa kusug sang imo kamut ginahingabut mo ako.
22Ginabayaw mo ako sa hangin, ginapasakay mo ako sa sini,
kag gintunaw mo ako sa unus.
23Kay nahibaloan ko nga dalhon mo ako sa kamatayon,
kag sa balay nga natangdo tungud sa tanan nga buhi.
24“Apang wala bala ang isa nagauntay sang kamut sa iya pagkapukan,
ukon sa iya kalalat-an nagasinggit sing tabang?
25Wala bala ako maghibi sa iya nga yara sa kalisud?
Wala bala magkasubo ang akon kalag tungud sa mga nawad-an?
26Apang sang nagpangita ako sang kaayohan, niyan nag-abut ang malaut;
kag sang naghulat ako sang kapawa, nag-abut ang kadudulman.
27Ang akon tagiposoon magamo, kag wala nagapahuway;
ang mga adlaw sang kapipit-an nagaabut sa akon.
28Nagalakat ako nga nag-itum, apang indi paagi sa adlaw;
nagatindug ako sa katilingban, kag nagasinggit sing tabang.
29Utud ako sa mga chacal,
kag kaupud sang mga avestruz.
30Ang akon panit maitum kag nagakataktak gikan sa akon,
kag ang akon mga tul-an nagakasonog sa kainit.
31Busa ang akon arpa nagbaylo sa paglalaw,
kag ang akon lantoy sa tingug sang mga nagahibi.
Currently Selected:
JOB 30: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
