JEREMIAS 45
45
Ang Balita ni Jeremias kay Baruc
1Ang polong nga ginpamolong ni Jeremias nga manalagna kay Baruc nga anak ni Nerias, sang pagsulat niya sa tolon-an sini nga mga polong gikan sa baba ni Jeremias, sa ikap-at nga tuig ni Joaquim#2 Hari 24:1; 2 Cron. 36:5-7; Dan. 1:1-2. nga anak ni Josias, hari sang Juda: 2“Amo ini ang ginasiling sang Ginoo, ang Dios sang Israel, sa imo, O Baruc: 3Ikaw nagsiling, ‘Kailo ako karon! kay ang Ginoo nagdugang sing kasubu sa akon kasakit; ginalapyo ako sa akon pag-ugayong, kag wala ako sing pahuway.’ 4Amo ini ang isiling mo sa iya, Amo ini ang ginasiling sang Ginoo: Yari karon, ang akon ginpatindug gub-on ko, kag ang akon gintanum gabuton ko—nga amo, ang bug-os nga duta. 5Kag nagapangita ka bala sing mga butang nga dalagku tungud sa imo kaugalingon? Dili sila pagpangitaa; kay, yari karon, magadala ako sing malaut sa tanan nga unud, nagasiling ang Ginoo; apang ang imo kabuhi ihatag ko sa imo nga inagaw sa tanan nga duug diin ka nagakadto.”
Currently Selected:
JEREMIAS 45: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
