ISAIAS 20

Gintagna nga Dag-on sang Asiria ang Egipto kag Etiopia

1Sa tuig nga si Tartan nag-abut sa Asdod, sang si Sargon nga hari sang Asiria nagpadala sa iya, kag gin-away niya ang Asdod kag gin-agaw ini,— 2sa sadto nga tion ang Ginoo nagpamolong paagi kay Isaias nga anak ni Amoz, nga nagasiling, “Lakat, kag ubaha ang panapton nga sako sa imo mga balikawang kag huksa ang mga sapin sa imo tiil,” kag ginhimo niya ini, nga nagalakat nga hubo kag wala sing sapin— 3ang Ginoo nagsiling, “Kaangay sang akon alagad nga si Isaias nga naglakat nga hubo kag wala sing sapin sing tatlo ka tuig nga tanda kag katingalahan nahanungud sa Egipto kag nahanungud sa Etiopia, 4sa amo ang hari sang Asiria magadala sang mga bihag gikan sa Egipto kag sang mga tinapok gikan sa Etiopia, pamatan-on kag tigulang, hubo kag wala sing sapin, kag wala sing tabon nga mga balikawang, sa kahuluy-an sang Egipto. 5Niyan mahangawa sila kag malibogan bangud sang Etiopia nga ila palaabuton kag sang Egipto nga ila himaya. 6Kag ang pumuluyo sa sini nga duta sa baybayon magasiling sa sadto nga adlaw, “Yari karon, amo ini ang aton palaabuton bisan diin kita mapalagyo sa pagpakitabang nga luwason gikan sa hari sang Asiria! Kag kita, paano bala ang pagpalagyo ta?’”

Currently Selected:

ISAIAS 20: ABHIL82

Highlight

Compare

Copy