ISAIAS 15
15
Ang Lulan sang Moab
1Ang lulan sang Moab.#Isa. 25:10-12; Jer. 48:1-47; Ezeq. 25:8-11; Amos 2:1-3; Sof. 2:8-11.
Kay sa isa ka gab-i ginwagwag ang Ar
ang Moab ginlaglag;
kay sa isa ka gab-i ginwagwag ang Kir
ang Moab ginlaglag.
2Nagsaka sila sa Bayit kag sa Dibon
sa mga duug nga mataas sa paghibi;
ang Moab nagahaya
sa Nebo kag sa Medeba.
Sa tanan nilang olo yara ang kaupaw,
ang tagsa ka bungut ginkiskisan;
3sa ila mga dalan nagatampion sila sing panapton nga sako;
sa ila mga atop kag sa ila mga nakawaan
ang tagsa nagahaya kag nagahibi sing tama.
4Ang Hesbon nagasinggit kag ang Eleale,
nabatian ang ila tingug bisan tubtub sa Jahaz;
busa nagasinggit ang lupit nga tawo sang Moab;
nagakurug ang iya kalag sa sulud niya.
5Ang akon tagiposoon nagasinggit tungud sang Moab;
ang iya mga dungganon nagapalagyo sa Zoar,
sa Eglat-selisi-ya.
Kay sa taklaran sang Luhit
nagataklad sila nga nagahibi;
kay sa dalanon sang Horonaim
nagasinggit sila sang kalaglagan;
6kay ang mga tubig sang Nimrim magamingaw;
kay nalaya ang hilamon, kag ang gutuk nga hilamon nawala,
walay berde nga butang.
7Busa ang kabuganaan nga naagum nila
kag ang nasuput nila
dalhon nila
sa tabok sang Suba sang mga Sauce.
8Kay ang singgit
nagalibut sa mga dulunan sang Moab;
ang haya niya tubtub sa Eglaim,
ang haya niya tubtub sa Beer-elim.
9Kay ang mga tubig sang Dimon puno sang dugo;
apang magadala ako sing dugang pa sa Dimon,
isa ka leon sa mga nakapalagyo sang Moab,
sa salin sang duta.
Currently Selected:
ISAIAS 15: ABHIL82
Highlight
Share
Compare
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
