GENESIS 36
36
Ang mga Kaliwatan ni Esau
(1 Cron. 1:34-54)
1Ini sila amo ang mga kaliwatan ni Esau (nga amo, si Edom). 2Si Esau nagpangasawa gikan sa mga Canaanhon:#Gen. 26:34. kay Ada anak ni Elon nga Hethanon, kag kay Oholibama nga anak ni Zibeon nga Hevhanon, 3kag kay Basemat nga anak ni Ismael, utud ni Nebayot.#Gen. 28:9. 4Kag si Ada nag-anak kay Esau, kay Elifaz; si Basemat nag-anak kay Reuel; 5kag si Oholibama nag-anak kay Jeus, kay Jalam, kag kay Core. Ini sila amo ang mga lalaking anak ni Esau nga natawo sa iya sa duta sang Canaan.
6Niyan ginkuha ni Esau ang iya mga asawa, ang iya mga anak nga lalaki, ang iya mga anak nga babayi, kag ang tanan nga bahin sang iya panimalay, ang iya kahayupan, ang tanan niyang kasapatan, kag ang bug-os niyang pagkabutang nga natipon niya sa duta sang Canaan; kag nagkadto sa duta nga malayo kay Jacob nga iya utud. 7Kay ang pagkabutang nila tama kadaku sa ila sa pagpuyo sing tingub; ang duta nga ila ginpanlugayawan indi makaigo sa ila bangud sang ila kahayupan. 8Gani si Esau nagpuyo sa kabakoloran sang Seir; si Esau amo si Edom.
9Kag ini sila amo ang mga kaliwatan ni Esau nga amay sang mga Edomnon sa kabakoloran sang Seir. 10Ini sila amo ang mga ngalan sang mga lalaking anak ni Esau: si Elifaz nga anak ni Ada nga asawa ni Esau, si Reuel nga anak ni Basemat nga asawa ni Esau. 11Ang mga lalaking anak ni Elifaz si Teman, si Omar, si Zefo, si Gatam, kag si Kenaz. 12(Si Timna babayi ni Elifaz, nga anak ni Esau; nag-anak sia kay Elifaz sa kay Amalec.) Ini sila amo ang mga lalaking anak ni Ada, asawa ni Esau. 13Ini sila amo ang mga anak nga lalaki ni Reuel: si Nahat, si Zera, si Sama, kag si Miza. Ini sila amo ang mga lalaking anak ni Basemat, asawa ni Esau. 14Ini sila amo ang mga lalaking anak ni Oholibama nga asawa ni Esau nga anak nga babayi ni Ana, ang anak nga babayi ni Zibeon: sia nag-anak sa kay Esau kay Jeus, kay Jalam, kag kay Core.
15Ini sila amo ang mga puno sang mga lalaking anak ni Esau. Ang mga lalaking anak ni Elifaz nga panganay ni Esau: kanday puno Teman, Omar, Zefo, Kenaz, 16Core, Gatam, kag Amalec; ini sila amo ang mga puno gikan kay Elifaz sa duta sang Edom; ini sila mga lalaking anak ni Ada. 17Ini sila amo ang mga lalaking anak ni Reuel, anak ni Esau: kanday puno Nahat, Zera, Sama, kag Miza; ini sila amo ang mga puno gikan kay Reuel sa duta sang Edom; ini sila amo ang mga lalaking anak ni Basemat, asawa ni Esau. 18Ini sila amo ang mga lalaking anak ni Oholibama, asawa ni Esau: kanday puno Jeus, Jalam, kag Core; ini sila amo ang mga puno gikan kay Oholibama nga anak nga babayi ni Ana, asawa ni Esau. 19Ini sila amo ang mga lalaking anak ni Esau (nga amo, Edom), kag ini sila amo ang ila mga puno.
20Ini sila amo ang mga lalaking anak ni Seir nga Horhanon, ang mga pumuluyo sang duta: si Lotan, si Sobal, si Zibeon, si Ana, 21si Dison, si Ezer, kag si Disan; ini sila amo ang mga puno, nga gikan sa mga Horhanon, ang mga lalaking anak ni Seir sa duta sang Edom. 22Ang mga lalaking anak ni Lotan amo si Hori kag si Heman; kag si Timna babaying utud ni Lotan. 23Ini sila amo ang mga lalaking anak ni Sobal: si Alvan, si Manahat, si Ebal, si Sefo, kag si Onam. 24Ini sila amo ang mga lalaking anak ni Zibeon: si Aya kag si Ana; amo ini si Ana nga nakasapu sang mga tuburan nga mainit sa kamingawan, sang ginapahalab niya ang mga asno ni Zibeon nga iya amay. 25Ini sila amo ang kabataan ni Ana: si Dison kag si Oholibama nga babaying anak ni Ana. 26Ini sila amo ang mga lalaking anak ni Dison: si Hemdan, si Esban, si Etran, kag si Ceran. 27Ini sila amo ang mga lalaking anak ni Ezer: si Bilhan, si Zaavan, kag si Acan. 28Ini sila amo ang mga lalaking anak ni Disan: si Uz kag si Aran. 29Ini sila amo ang mga puno gikan sa mga Horhanon: sanday Lotan, Sobal, Zibeon, Ana, 30Dison, Ezer, Disan: ini sila amo ang mga puno nga gikan sa mga Horhanon, sono sa ila mga kabaranggayan sa duta sang Seir.
31Ini sila amo ang mga hari nga naghari sa duta sang Edom, sa wala pa maggahum ang hari sa mga Israelnon. 32Si Bela nga anak ni Beor naggahum sa Edom, ang ngalan sang iya banwa amo ang Dinaba. 33Napatay si Bela, kag naghari nga salili niya si Jobab nga anak ni Zera sang Bozra. 34Napatay si Jobab, kag naghari nga salili niya si Husam gikan sa duta sang mga Temanhon. 35Napatay si Husam, kag naghari nga salili niya si Hadad nga anak ni Badad, nga nagdaug kay Midian sa duta sang Moab, ang ngalan sang iya banwa amo ang Avit. 36Napatay si Hadad, kag naghari nga salili niya si Samla sang Masreca. 37Napatay si Samla, kag naghari nga salili niya si Saul sang Rehobot sa ubay sang Eufrates. 38Napatay si Saul, kag naghari nga salili niya si Baal-hanan nga anak ni Acbor. 39Napatay si Baal-hanan nga anak ni Acbor, kag naghari nga salili niya si Hadar, ang ngalan sang iya banwa amo ang Pau; ang ngalan sang iya asawa si Mehetabel, ang anak ni Matred, nga anak ni Me-zahab.
40Amo ini ang mga ngalan sang mga puno nga gikan kay Esau, sono sa ila mga panimalay kag sa ila mga duug, sa ila mga ngalan: sanday puno Timna, Alva, Jetet, 41Oholibama, Ela, Pinon, 42Kenaz, Teman, Mibzar, 43Magdiel, kag Iram; ini sila amo ang mga puno gikan kay Edom (nga amo, si Esau, ang amay ni Edom), sono sa ila mga puluy-an sa duta nga ila kaugalingon.
Currently Selected:
GENESIS 36: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society