EXODO 35
35
Mga Pagsolondan tungud sa Inugpahuway
1Ginpatipon ni Moises ang bug-os nga katilingban sang katawohan sang Israel, kag nagsiling sa ila, “Ini sila amo ang mga butang nga ginsogo sang Ginoo nga himoon ninyo. 2Magpangabudlay kamo sa anum ka adlaw, apang sa ikapitong adlaw may balaan nga adlaw kamo nga inugpahuway sang maligdong nga pahuway sa Ginoo; ang bisan sin-o nga maghimo sing bisan anong buluhaton sa sini patyon;#Ex. 20:8-11; 23:12; 31:15; 23:21; Lev. 23:3; Deut. 5:12-14. 3dili kamo magdabok sing kalayo sa bug-os ninyong puluy-an sa adlaw nga inugpahuway.”
Ang Israel Magdala sing Dolot
(Ex. 25:1-9)
4Kag si Moises nagsiling sa bug-os nga katilingban sang katawohan sang Israel, “Ini amo ang butang nga ginsogo sang Ginoo. 5Kuha kamo sa inyo sing dolot sa Ginoo; ang bisan sin-o nga may maalwan nga tagiposoon, padalha sia sing dolot sa Ginoo: bulawan, pilak, kag saway; 6asul kag purpura kag escarlata kag lino nga manipis; bulbul sang mga kanding, 7mga panit sang mga carnero nga lalaki nga linugum sing pula, kag mga panit sang kanding; kahoy nga acasia, 8lana nga sa suga, mga pahumut nga sa lana nga ihalaplas kag sa incienso nga mahamut, 9kag mga bato nga onice kag mga bato nga inugtampok, sa efod kag sa hapin sa dughan.
Ang mga Gamit sa Kayangkayang
(Ex. 39:32-43)
10“Kag pakari-a ang tagsa ka tawo nga sampaton nga yara sa inyo kag ipahimo ang tanan nga nasogo sang Ginoo: 11ang kayangkayang, ang iya layanglayang kag ang iya tabon, ang iya mga kaw-it kag ang iya mga tapi, ang iya mga balabag, ang iya mga haligi, kag ang iya mga boho nga palatindugan; 12ang kaban nga may iya nga mga yayongan, ang pakilooyan, kag ang kumbung sang lipon; 13ang latok, nga may iya nga mga yayongan kag ang iya mga gamit, kag ang tinapay nga Pahayag; 14ang candelero man nga sa suga, nga may iya nga mga gamit kag ang iya mga suga, kag ang lana sa suga; 15kag ang halaran sang incienso, nga may iya nga mga yayongan, kag ang lana nga ihalaplas kag ang incienso nga mahamut, kag ang lipon sang ganhaan, sa ganhaan sang kayangkayang; 16ang halaran sang halad-nga-sinonog, nga may iya nga saladang nga saway, ang iya mga yayongan, kag ang tanan niyang gamit, ang batiya kag ang iya tulungtungan; 17ang mga bungbung sang luwang, ang iya mga haligi kag ang ila mga boho nga palatindugan, kag ang lipon sa gawang sang luwang; 18ang mga palpal sang kayangkayang kag ang mga palpal sang luwang, kag ang ila mga banting; 19ang mga panapton nga matahum nga sa pag-alagad sa balaan nga duug, ang mga panapton nga balaan kay Aaron nga sacerdote, kag ang mga panapton sang iya mga anak, sa pag-alagad sa pagkasacerdote.”
Ang Katawohan Nagadala sing Dolot
20Niyan ang bug-os nga katilingban sang katawohan sang Israel nagtaliwan gikan sa atubangan ni Moises. 21Kag nag-abut sila, ang tagsatagsa nga ang iya tagiposoon nagtandug sa iya, kag ang tagsatagsa nga may kabubut-on sa iya espiritu, kag nagdala sang dolot sa Ginoo nga sa buluhaton sang layanglayang nga tiliponan, kag nga sa tanan niya nga pag-alagdan, kag nga sa mga panapton nga balaan. 22Gani nag-abut sila, mga lalaki kag mga babayi; ang kapid-an nga may maalwan nga tagiposoon nagdala sing mga sibit nga napunihan kag mga aritos kag mga singsing nga inugpat-in kag pulseras, tanan nga huluyason nga bulawan, ang tagsa ka tawo naghalad sing dolot nga bulawan sa Ginoo. 23Kag ang tagsa ka tawo nga may purpura ukon escarlata, ukon lino nga manipis ukon bulbul sang mga kanding ukon mga panit sang mga carnero nga linugum sing pula ukon mga panit sang kanding, nagdala sa ila. 24Ang tagsatagsa nga sarang makadolot sang pilak ukon saway nagdala sini subong nga dolot sa Ginoo; kag ang tagsa ka tawo nga may kahoy nga acasia sa bisan anong buluhaton sang pag-alagdan, nagdala sini. 25Kag ang tanan nga babayi nga sampaton nagbolong sa ila mga kamut, kag nagdala sang ginbolong nila, sang purpura, sang escarlata, kag sang lino nga manipis; 26ang tanan nga babayi nga natandug sang ila tagiposoon sa kaalam nagbolong sang bulbul sang mga kanding. 27Kag ang mga manugdumala nagdala sing mga bato nga onice kag sang mga bato nga inugtampok, nga sa efod kag sa hapin sa dughan, 28kag sang pahumut kag sang lana nga sa suga, kag sa lana nga ihalaplas, kag sa incienso nga mahamut. 29Ang katawohan sang Israel nagdala sing dolot nga kinabubut-on sa Ginoo, ang tagsa ka lalaki kag babayi, nga ang ila tagiposoon nagtandug sang ila kabubut-on sa pagdala tungud sa tanan nga buluhaton nga ginsogo sang Ginoo paagi kay Moises nga himoon.
Ang Pagtawag kay Bezalel kag kay Oholiab
(Ex. 31:1-11)
30Kag si Moises nagsiling sa katawohan sang Israel, “Tan-awa, ang Ginoo nagtawag sa ngalan kay Bezalel nga anak ni Uri, ang anak ni Hur, sang kabikahan ni Juda; 31kag ginpuno niya sia sang Espiritu sang Dios, sa kaalam, sa paghangup kag sa ihibalo, kag sa tanan nga bagay sang buluhaton, 32sa pagpadugi sang buluhaton nga sinampaton, sa pagbuhat sa bulawan kag sa pilak kag sa saway, 33sa paglagari sing mga bato nga inugtampok, kag sa paggutib sang kahoy, sa pagpangabudlay sa tanan nga bagay sang buluhaton nga sinampaton. 34Kag iya sia gindaldal agud nga magtudlo, sia kag si Oholiab, ang anak ni Ahisamac sang kabikahan ni Dan. 35Ginpuno niya sila sing pagkasampaton sa pagpangabudlay sa tanan nga bagay sang buluhaton sang manugtigib ukon sang sampaton nga tawo ukon sang manugborda sa asul kag sa purpura kag sa escarlata kag sa lino nga manipis, ukon sang manughabol—sa ila nga nagahimo sang bisan anong buluhaton ukon sang mga nagapadugi sang mga buluhaton nga sinampaton.
Currently Selected:
EXODO 35: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
EXODO 35
35
Mga Pagsolondan tungud sa Inugpahuway
1Ginpatipon ni Moises ang bug-os nga katilingban sang katawohan sang Israel, kag nagsiling sa ila, “Ini sila amo ang mga butang nga ginsogo sang Ginoo nga himoon ninyo. 2Magpangabudlay kamo sa anum ka adlaw, apang sa ikapitong adlaw may balaan nga adlaw kamo nga inugpahuway sang maligdong nga pahuway sa Ginoo; ang bisan sin-o nga maghimo sing bisan anong buluhaton sa sini patyon;#Ex. 20:8-11; 23:12; 31:15; 23:21; Lev. 23:3; Deut. 5:12-14. 3dili kamo magdabok sing kalayo sa bug-os ninyong puluy-an sa adlaw nga inugpahuway.”
Ang Israel Magdala sing Dolot
(Ex. 25:1-9)
4Kag si Moises nagsiling sa bug-os nga katilingban sang katawohan sang Israel, “Ini amo ang butang nga ginsogo sang Ginoo. 5Kuha kamo sa inyo sing dolot sa Ginoo; ang bisan sin-o nga may maalwan nga tagiposoon, padalha sia sing dolot sa Ginoo: bulawan, pilak, kag saway; 6asul kag purpura kag escarlata kag lino nga manipis; bulbul sang mga kanding, 7mga panit sang mga carnero nga lalaki nga linugum sing pula, kag mga panit sang kanding; kahoy nga acasia, 8lana nga sa suga, mga pahumut nga sa lana nga ihalaplas kag sa incienso nga mahamut, 9kag mga bato nga onice kag mga bato nga inugtampok, sa efod kag sa hapin sa dughan.
Ang mga Gamit sa Kayangkayang
(Ex. 39:32-43)
10“Kag pakari-a ang tagsa ka tawo nga sampaton nga yara sa inyo kag ipahimo ang tanan nga nasogo sang Ginoo: 11ang kayangkayang, ang iya layanglayang kag ang iya tabon, ang iya mga kaw-it kag ang iya mga tapi, ang iya mga balabag, ang iya mga haligi, kag ang iya mga boho nga palatindugan; 12ang kaban nga may iya nga mga yayongan, ang pakilooyan, kag ang kumbung sang lipon; 13ang latok, nga may iya nga mga yayongan kag ang iya mga gamit, kag ang tinapay nga Pahayag; 14ang candelero man nga sa suga, nga may iya nga mga gamit kag ang iya mga suga, kag ang lana sa suga; 15kag ang halaran sang incienso, nga may iya nga mga yayongan, kag ang lana nga ihalaplas kag ang incienso nga mahamut, kag ang lipon sang ganhaan, sa ganhaan sang kayangkayang; 16ang halaran sang halad-nga-sinonog, nga may iya nga saladang nga saway, ang iya mga yayongan, kag ang tanan niyang gamit, ang batiya kag ang iya tulungtungan; 17ang mga bungbung sang luwang, ang iya mga haligi kag ang ila mga boho nga palatindugan, kag ang lipon sa gawang sang luwang; 18ang mga palpal sang kayangkayang kag ang mga palpal sang luwang, kag ang ila mga banting; 19ang mga panapton nga matahum nga sa pag-alagad sa balaan nga duug, ang mga panapton nga balaan kay Aaron nga sacerdote, kag ang mga panapton sang iya mga anak, sa pag-alagad sa pagkasacerdote.”
Ang Katawohan Nagadala sing Dolot
20Niyan ang bug-os nga katilingban sang katawohan sang Israel nagtaliwan gikan sa atubangan ni Moises. 21Kag nag-abut sila, ang tagsatagsa nga ang iya tagiposoon nagtandug sa iya, kag ang tagsatagsa nga may kabubut-on sa iya espiritu, kag nagdala sang dolot sa Ginoo nga sa buluhaton sang layanglayang nga tiliponan, kag nga sa tanan niya nga pag-alagdan, kag nga sa mga panapton nga balaan. 22Gani nag-abut sila, mga lalaki kag mga babayi; ang kapid-an nga may maalwan nga tagiposoon nagdala sing mga sibit nga napunihan kag mga aritos kag mga singsing nga inugpat-in kag pulseras, tanan nga huluyason nga bulawan, ang tagsa ka tawo naghalad sing dolot nga bulawan sa Ginoo. 23Kag ang tagsa ka tawo nga may purpura ukon escarlata, ukon lino nga manipis ukon bulbul sang mga kanding ukon mga panit sang mga carnero nga linugum sing pula ukon mga panit sang kanding, nagdala sa ila. 24Ang tagsatagsa nga sarang makadolot sang pilak ukon saway nagdala sini subong nga dolot sa Ginoo; kag ang tagsa ka tawo nga may kahoy nga acasia sa bisan anong buluhaton sang pag-alagdan, nagdala sini. 25Kag ang tanan nga babayi nga sampaton nagbolong sa ila mga kamut, kag nagdala sang ginbolong nila, sang purpura, sang escarlata, kag sang lino nga manipis; 26ang tanan nga babayi nga natandug sang ila tagiposoon sa kaalam nagbolong sang bulbul sang mga kanding. 27Kag ang mga manugdumala nagdala sing mga bato nga onice kag sang mga bato nga inugtampok, nga sa efod kag sa hapin sa dughan, 28kag sang pahumut kag sang lana nga sa suga, kag sa lana nga ihalaplas, kag sa incienso nga mahamut. 29Ang katawohan sang Israel nagdala sing dolot nga kinabubut-on sa Ginoo, ang tagsa ka lalaki kag babayi, nga ang ila tagiposoon nagtandug sang ila kabubut-on sa pagdala tungud sa tanan nga buluhaton nga ginsogo sang Ginoo paagi kay Moises nga himoon.
Ang Pagtawag kay Bezalel kag kay Oholiab
(Ex. 31:1-11)
30Kag si Moises nagsiling sa katawohan sang Israel, “Tan-awa, ang Ginoo nagtawag sa ngalan kay Bezalel nga anak ni Uri, ang anak ni Hur, sang kabikahan ni Juda; 31kag ginpuno niya sia sang Espiritu sang Dios, sa kaalam, sa paghangup kag sa ihibalo, kag sa tanan nga bagay sang buluhaton, 32sa pagpadugi sang buluhaton nga sinampaton, sa pagbuhat sa bulawan kag sa pilak kag sa saway, 33sa paglagari sing mga bato nga inugtampok, kag sa paggutib sang kahoy, sa pagpangabudlay sa tanan nga bagay sang buluhaton nga sinampaton. 34Kag iya sia gindaldal agud nga magtudlo, sia kag si Oholiab, ang anak ni Ahisamac sang kabikahan ni Dan. 35Ginpuno niya sila sing pagkasampaton sa pagpangabudlay sa tanan nga bagay sang buluhaton sang manugtigib ukon sang sampaton nga tawo ukon sang manugborda sa asul kag sa purpura kag sa escarlata kag sa lino nga manipis, ukon sang manughabol—sa ila nga nagahimo sang bisan anong buluhaton ukon sang mga nagapadugi sang mga buluhaton nga sinampaton.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society