EXODO 34
34
Ang Ikaduhang mga Tapitapi nga Bato
(Deut. 10:1-5)
1Ang Ginoo nagsiling kay Moises, “Basbas ka sing duha ka tapitapi nga bato kaangay sang nahauna; kag ako magasulat sa mga tapitapi sang mga polong nga didto sa nahauna nga mga tapitapi, nga ginboong mo. 2Maghanda ka sa pagkaaga, kag sa aga magtukad ka sa Bukid nga Sinai, kag mag-atubang ka sa akon didto sa putokputokan sang bukid. 3Wala sing bisan sin-o nga magtukad upud sa imo, kag wala sing bisan sin-o nga two nga makita sa bug-os nga bukid; kag dili pagpahalba ang mga panong ukon ang kabakahan sa atubang sang bukid.” 4Gani nagbasbas si Moises sing duha ka tapitapi kaangay sang nahauna; kag sang aga pa nagbugtaw si Moises kag nagtukad sa Bukid nga Sinai, sono sa nasogo sang Ginoo sa iya, kag nagdala sa iya kamut sing duha ka tapitapi nga bato. 5Kag ang Ginoo nagpanaug sa panganud kag nagtindug didto upud sa iya, kag nagbantala sang ngalan sang Ginoo. 6Ang Ginoo nag-agi sa atubangan niya, kag nagbantala, “Ang Ginoo, ang Ginoo, Dios nga maloloy-on kag mainayohon, makuli sa pagpangakig, kag bugana sa malig-on nga paghigugma kag sa pagkatutum, 7nga nagatipig sing malig-on nga paghigugma sa mga linibo, nga nagapatawad sang kalautan kag sang paglapas kag sang sala, kag indi nga mas-a magpasaylo sang malalison, nga nagapaduaw sang kalautan sang mga ginikanan sa mga anak kag sa mga anak sang mga anak, tubtub sa ikatlo kag sa ikap-at nga kaliwatan.”#Ex. 20:5-6; Num. 14:18; Deut. 5:9-10; 7:9-10. 8Kag si Moises nagdalidali, kag nagyaub nayon sa duta, kag nagsimba. 9Kag nagsiling sia, “Kon karon ako nakapahamuut sa imo itololok, O Ginoo, ginaampo ko sa imo, magpatunga ang Ginoo sa amon, kay tingkoyan ining katawohan; kag patawara ang amon kalautan kag ang amon sala, kag batona kami nga imo panublion.”
10Kag nagsiling sia, “Yari karon, nagahimo ako sing katipan. Sa atubangan sang bug-os mo nga katawohan magahimo ako sing mga katingalahan, subong sang wala pa nga mas-a mahimo sa bug-os nga duta ukon sa bisan ano nga pungsud; kag ang bug-os nga katawohan diin yara ka makakita sang binuhatan sang Ginoo; kay butang nga makahalanguyus ang himoon ko upud sa imo.
Ang Israel Ginpaandaman batok sa Diwata sang Canaan
(Deut. 7:1-5)
11“Tanda-i ang ginsogo ko sa imo sining adlaw. Yari karon, ginasobol ko gikan sa imo atubangan ang mga Amornon, ang mga Canaanhon, ang mga Hethanon, ang mga Pereznon, ang mga Hevhanon, kag ang mga Jebusnon. 12Andam ka sa imo kaugalingon, basi nga magpakigkatipan ka sa mga pumuluyo sang duta diin nagakadto ka, basi nga manginsiod ini sa tunga nimo. 13Apang wagwagon ninyo ang ila mga halaran, kag dugmokon an gila mga obelisco, kag tapson ninyo ang ila Asherim 14(kay dili ka magsimba sa iban nga dios, kay ang Ginoo, nga ginahingalanan Maimon, Dios nga maimon), 15basi nga magpakigkatipan ka sa mga pumuluyo sang duta, kag sila magmakihilawason sa pagsonod sa ila mga dios kag maghalad sa ila mga dios kag mag-agda ang isa sa imo, magkaon ka sang iya halad, 16kag magkuha ka sa ila mga anak nga babayi nga sa imo mga anak nga lalaki, kag magmakihilawason ang ila mga anak nga babayi sa pagsonod sa ila mga dios kag himoon nga ang imo mga anak nga lalaki magmakihilawason man sa pagsonod sa ila mga dios.
17“Dili ka maghimo nga sa imo sing mga dios nga tinunaw.#Ex. 20:4; Lev. 19:4; Deut. 5:8; 27:15.
Ang Tatlo ka Tinangdo nga Piesta
(Ex. 23:14-19; Lev. 23:4-44; Deut. 16:1-17)
18“Bantayan mo ang piesta sang tinapay nga walay tapay.#Ex. 12:14-20; Lev. 23:6-8; Num. 28:16-25. Sa pito ka adlaw magkaon ka sing tinapay nga walay tapay, sono sa ginsogo ko sa imo, sa napat-ud nga tion sa bulan nga Abib; kay sa bulan nga Abib naggowa ka gikan sa Egipto. 19Ang tanan nga panganay akon,#Ex. 13:2. ang tanan nga imo kahayupan nga lalaki, ang mga panganay sang baka kag sang carnero. 20Ang panganay sang asno tubson mo sang isa ka cordero, kag kon indi mo sia pagtubson niyan longgoon mo ang iya li-og. Ang tanan nga panganay sang imo mga anak tubson mo.#Ex. 13:13. Kag walay bisan sin-o nga mag-atubang sa akon nga walay dala.
21“Magpangabudlay ka sa anum ka adlaw, apang magpahuway ka sa ikapito nga adlaw;#Ex. 20:9-10; 23:12; 31:15; 35:2; Lev. 23:3; Deut. 5:13-14. sa tion sang pag-arado kag sang pag-ani magpahuway ka. 22Kag hiwaton mo ang piesta sang mga semana, sang mga bunga nga nahauna sang ani sang trigo,#Lev. 23:15-21; Num. 28:26-31. kag ang piesta sang pagdamisag sa katapusan sang tuig.#Lev. 23:39-43. 23Makatlo sa isa ka tuig magaatubang ang tanan mo nga lalaki sa Ginoong Dios, ang Dios sang Israel. 24Kay sobolon ko ang mga pungsud gikan sa imo atubangan, kag palaparon ko ang imo ginsakpan; kag wala sing bisan sin-ong tawo nga magakaibog sang imo duta, kon magtaklad ka sa pag-atubang sa Ginoo nga imo Dios sing makatlo sa isa ka tuig.
25“Dili mo pag-idolot ang dugo sang akon halad upud sa tinapay nga mgy tapay; kag ang halad sang piesta sang pascua dili pag-ibilin tubtub sa aga.#Ex. 12:10. 26Ang ali sang mga bunga nga nahauna sang imo duta dalhon mo sa balay sang Ginoo nga imo Dios.#Deut. 26:2. Dili mo paglagaon ang tinday sang kanding sa gatas sang iya inang.”#Deut. 14:21. 27Kag ang Ginoo nagsiling kay Moises, “Isulat mo ining mga polong; kay sono sa tinutuyo sining mga polong nakahimo ako sing katipan sa imo kag sa Israel.” 28Kag didto sia upud sa Ginoo sing kap-atan ka adlaw kag kap-atan ka gab-i; wala sia magkaon sing tinapay ukon mag-inum sing tubig. Kag nagsulat sia sa mga tapitapi sang mga polong sang katipan, ang napulo ka sogo.
Si Moises Nagabalik gikan sa Bukid
29Sang nagdulhog si Moises sa Bukid nga Sinai, nga may duha ka tapitapi sang pagpamatuud sa iya kamut sang sia nagdulhog sa bukid, wala sia makahibalo nga ang panit sang iya nawung nagsilak bangud sang iya pagpakighambal sa Ginoo. 30Kag sang nakita ni Aaron kag sang tanan nga katawohan sang Israel si Moises, yari karon, ang panit sang iya nawung nagsilak, kag nahadluk sila sa pagpalapit sa iya. 31Apang gintawag sila ni Moises; kag nagbalik sa iya si Aaron kag ang tanan nga manugdumala sang katilingban, kag si Moises nagpamolong sa ila. 32Kag sang olihi nagpalapit ang tanan nga katawohan sang Israel, kag ginhatag niya sa ila sa sogo ang tanan nga napamolong sa iya sang Ginoo sa Bukid nga Sinai. 33Kag sang nakatapus si Moises sa pagpakighambal sa ila, nagbutang sia sing isa ka tabon sa iya nawung; 34apang kon si Moises magsulud sa pag-atubang sa Ginoo sa pagpakighambal sa iya, ginkuha niya ang tabon, tubtub nga naggowa sia; kag kon maggowa sia, kag magpamolong sa katawohan sang Israel sang ginsogo sa iya, 35nakita sang katawohan sang Israel ang nawung ni Moises, nga ang panit sang nawung ni Moises nagsilak; kag si Moises nagbutang liwat sang tabon sa iya nawung, tubtub nga nagsulud sia sa pagpakighambal sa iya.#2 Cor. 3:7-16.
Currently Selected:
EXODO 34: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
EXODO 34
34
Ang Ikaduhang mga Tapitapi nga Bato
(Deut. 10:1-5)
1Ang Ginoo nagsiling kay Moises, “Basbas ka sing duha ka tapitapi nga bato kaangay sang nahauna; kag ako magasulat sa mga tapitapi sang mga polong nga didto sa nahauna nga mga tapitapi, nga ginboong mo. 2Maghanda ka sa pagkaaga, kag sa aga magtukad ka sa Bukid nga Sinai, kag mag-atubang ka sa akon didto sa putokputokan sang bukid. 3Wala sing bisan sin-o nga magtukad upud sa imo, kag wala sing bisan sin-o nga two nga makita sa bug-os nga bukid; kag dili pagpahalba ang mga panong ukon ang kabakahan sa atubang sang bukid.” 4Gani nagbasbas si Moises sing duha ka tapitapi kaangay sang nahauna; kag sang aga pa nagbugtaw si Moises kag nagtukad sa Bukid nga Sinai, sono sa nasogo sang Ginoo sa iya, kag nagdala sa iya kamut sing duha ka tapitapi nga bato. 5Kag ang Ginoo nagpanaug sa panganud kag nagtindug didto upud sa iya, kag nagbantala sang ngalan sang Ginoo. 6Ang Ginoo nag-agi sa atubangan niya, kag nagbantala, “Ang Ginoo, ang Ginoo, Dios nga maloloy-on kag mainayohon, makuli sa pagpangakig, kag bugana sa malig-on nga paghigugma kag sa pagkatutum, 7nga nagatipig sing malig-on nga paghigugma sa mga linibo, nga nagapatawad sang kalautan kag sang paglapas kag sang sala, kag indi nga mas-a magpasaylo sang malalison, nga nagapaduaw sang kalautan sang mga ginikanan sa mga anak kag sa mga anak sang mga anak, tubtub sa ikatlo kag sa ikap-at nga kaliwatan.”#Ex. 20:5-6; Num. 14:18; Deut. 5:9-10; 7:9-10. 8Kag si Moises nagdalidali, kag nagyaub nayon sa duta, kag nagsimba. 9Kag nagsiling sia, “Kon karon ako nakapahamuut sa imo itololok, O Ginoo, ginaampo ko sa imo, magpatunga ang Ginoo sa amon, kay tingkoyan ining katawohan; kag patawara ang amon kalautan kag ang amon sala, kag batona kami nga imo panublion.”
10Kag nagsiling sia, “Yari karon, nagahimo ako sing katipan. Sa atubangan sang bug-os mo nga katawohan magahimo ako sing mga katingalahan, subong sang wala pa nga mas-a mahimo sa bug-os nga duta ukon sa bisan ano nga pungsud; kag ang bug-os nga katawohan diin yara ka makakita sang binuhatan sang Ginoo; kay butang nga makahalanguyus ang himoon ko upud sa imo.
Ang Israel Ginpaandaman batok sa Diwata sang Canaan
(Deut. 7:1-5)
11“Tanda-i ang ginsogo ko sa imo sining adlaw. Yari karon, ginasobol ko gikan sa imo atubangan ang mga Amornon, ang mga Canaanhon, ang mga Hethanon, ang mga Pereznon, ang mga Hevhanon, kag ang mga Jebusnon. 12Andam ka sa imo kaugalingon, basi nga magpakigkatipan ka sa mga pumuluyo sang duta diin nagakadto ka, basi nga manginsiod ini sa tunga nimo. 13Apang wagwagon ninyo ang ila mga halaran, kag dugmokon an gila mga obelisco, kag tapson ninyo ang ila Asherim 14(kay dili ka magsimba sa iban nga dios, kay ang Ginoo, nga ginahingalanan Maimon, Dios nga maimon), 15basi nga magpakigkatipan ka sa mga pumuluyo sang duta, kag sila magmakihilawason sa pagsonod sa ila mga dios kag maghalad sa ila mga dios kag mag-agda ang isa sa imo, magkaon ka sang iya halad, 16kag magkuha ka sa ila mga anak nga babayi nga sa imo mga anak nga lalaki, kag magmakihilawason ang ila mga anak nga babayi sa pagsonod sa ila mga dios kag himoon nga ang imo mga anak nga lalaki magmakihilawason man sa pagsonod sa ila mga dios.
17“Dili ka maghimo nga sa imo sing mga dios nga tinunaw.#Ex. 20:4; Lev. 19:4; Deut. 5:8; 27:15.
Ang Tatlo ka Tinangdo nga Piesta
(Ex. 23:14-19; Lev. 23:4-44; Deut. 16:1-17)
18“Bantayan mo ang piesta sang tinapay nga walay tapay.#Ex. 12:14-20; Lev. 23:6-8; Num. 28:16-25. Sa pito ka adlaw magkaon ka sing tinapay nga walay tapay, sono sa ginsogo ko sa imo, sa napat-ud nga tion sa bulan nga Abib; kay sa bulan nga Abib naggowa ka gikan sa Egipto. 19Ang tanan nga panganay akon,#Ex. 13:2. ang tanan nga imo kahayupan nga lalaki, ang mga panganay sang baka kag sang carnero. 20Ang panganay sang asno tubson mo sang isa ka cordero, kag kon indi mo sia pagtubson niyan longgoon mo ang iya li-og. Ang tanan nga panganay sang imo mga anak tubson mo.#Ex. 13:13. Kag walay bisan sin-o nga mag-atubang sa akon nga walay dala.
21“Magpangabudlay ka sa anum ka adlaw, apang magpahuway ka sa ikapito nga adlaw;#Ex. 20:9-10; 23:12; 31:15; 35:2; Lev. 23:3; Deut. 5:13-14. sa tion sang pag-arado kag sang pag-ani magpahuway ka. 22Kag hiwaton mo ang piesta sang mga semana, sang mga bunga nga nahauna sang ani sang trigo,#Lev. 23:15-21; Num. 28:26-31. kag ang piesta sang pagdamisag sa katapusan sang tuig.#Lev. 23:39-43. 23Makatlo sa isa ka tuig magaatubang ang tanan mo nga lalaki sa Ginoong Dios, ang Dios sang Israel. 24Kay sobolon ko ang mga pungsud gikan sa imo atubangan, kag palaparon ko ang imo ginsakpan; kag wala sing bisan sin-ong tawo nga magakaibog sang imo duta, kon magtaklad ka sa pag-atubang sa Ginoo nga imo Dios sing makatlo sa isa ka tuig.
25“Dili mo pag-idolot ang dugo sang akon halad upud sa tinapay nga mgy tapay; kag ang halad sang piesta sang pascua dili pag-ibilin tubtub sa aga.#Ex. 12:10. 26Ang ali sang mga bunga nga nahauna sang imo duta dalhon mo sa balay sang Ginoo nga imo Dios.#Deut. 26:2. Dili mo paglagaon ang tinday sang kanding sa gatas sang iya inang.”#Deut. 14:21. 27Kag ang Ginoo nagsiling kay Moises, “Isulat mo ining mga polong; kay sono sa tinutuyo sining mga polong nakahimo ako sing katipan sa imo kag sa Israel.” 28Kag didto sia upud sa Ginoo sing kap-atan ka adlaw kag kap-atan ka gab-i; wala sia magkaon sing tinapay ukon mag-inum sing tubig. Kag nagsulat sia sa mga tapitapi sang mga polong sang katipan, ang napulo ka sogo.
Si Moises Nagabalik gikan sa Bukid
29Sang nagdulhog si Moises sa Bukid nga Sinai, nga may duha ka tapitapi sang pagpamatuud sa iya kamut sang sia nagdulhog sa bukid, wala sia makahibalo nga ang panit sang iya nawung nagsilak bangud sang iya pagpakighambal sa Ginoo. 30Kag sang nakita ni Aaron kag sang tanan nga katawohan sang Israel si Moises, yari karon, ang panit sang iya nawung nagsilak, kag nahadluk sila sa pagpalapit sa iya. 31Apang gintawag sila ni Moises; kag nagbalik sa iya si Aaron kag ang tanan nga manugdumala sang katilingban, kag si Moises nagpamolong sa ila. 32Kag sang olihi nagpalapit ang tanan nga katawohan sang Israel, kag ginhatag niya sa ila sa sogo ang tanan nga napamolong sa iya sang Ginoo sa Bukid nga Sinai. 33Kag sang nakatapus si Moises sa pagpakighambal sa ila, nagbutang sia sing isa ka tabon sa iya nawung; 34apang kon si Moises magsulud sa pag-atubang sa Ginoo sa pagpakighambal sa iya, ginkuha niya ang tabon, tubtub nga naggowa sia; kag kon maggowa sia, kag magpamolong sa katawohan sang Israel sang ginsogo sa iya, 35nakita sang katawohan sang Israel ang nawung ni Moises, nga ang panit sang nawung ni Moises nagsilak; kag si Moises nagbutang liwat sang tabon sa iya nawung, tubtub nga nagsulud sia sa pagpakighambal sa iya.#2 Cor. 3:7-16.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society