EXODO 36
36
1Si Bezalel kag si Oholiab kag ang tagsa ka tawo nga sampaton nga sa ila ginbutang sang Ginoo ang kaalam kag ang paghangup sa paghibalo sa pagbuhat sang tanan nga buluhaton nga sa paghimo sang santuario magabuhat sono sa tanan nga ginsogo sang Ginoo.”
Si Moises Nagapugong sang Katawohan sa Paghatag
2Kag gintawag ni Moises si Bezalel kag si Oholiab kag ang tagsa ka tawo nga sampaton nga sa ila tagiposoon ginbutangan sang Ginoo sing kaalam, ang tagsatagsa nga ang iya tagiposoon nagtandug sa iya sa pagkadto sa buluhaton sa paghimo sini; 3kag ginbaton nila kay Moises ang tanan nga dolot nga gindala sang katawohan sang Israel nga sa buluhaton sang santuario. Nagdala pa sila sing mga dolot nga kinabubut-on agaaga, 4gani ang tanan nga sampaton nga tawo nga nagahimo sang tanan nga buluhaton sang santuario nag-abut, ang tagsatagsa gikan sa buluhaton nga ginhimo niya, 5kag nagsiling kay Moises, “Ang katawohan nagdala sing labi pa kadamu sang sa kinahanglan sang buluhaton nga ginsogo sang Ginoo nga himoon.” 6Gani si Moises nagsogo, kag ginpabantala nila ini sa bug-os nga dologan, “Dili na ang bisan sin-ong lalaki ukon babayi maghimo sing bisan ano pa nga buluhaton nga sa dolot sang santuario.” Gani ginpunggan ang katawohan sa pagdala; 7kay may kasangkapan sila nga tuman na sa paghimo sang tanan nga buluhaton, kag madamu pa.
Ang Paghimo sang Kayangkayang
(Ex. 26:1-37)
8Kag ang tanan nga tawo sa ila nga sampaton nga naghimo sang buluhaton naghimo sang kayangkayang nga may napulo ka kumbung; sa lino nga manipis nga binolong, kag sa asul kag sa purpura kag sa escarlata, nga may mga querubin nga himo sang sampaton nga manugbuhat. 9Ang kalabaon sang tagsa ka kumbung duha ka pulo kag walo ka maniko, kag ang kasangkaron sang tagsa ka kumbung apat ka maniko; isa ka takus ang tanan nga kumbung.
10Kag gintambitambi niya ang lima ka kumbung, kag ang iban nga lima ka kumbung gintambitambi niya. 11Kag naghimo sia sing mga sulusingsing nga asul sa kilid sang isa ka kumbung nga nahigad gid gikan sa hamitan sang nahaunang tinambitambi; amo man ang ginhimo niya sa kilid sang kumbung nga nahigad gid sang ikaduhang tinambitambi. 12Naghimo sia sing kalim-an ka sulusingsing sa isa ka kumbung, kag naghimo sia sing kalim-an ka sulusingsing sa kilid sang kumbung sa ikaduhang tinambitambi; ang mga sulusingsing nagatunguray. 13Kag naghimo sia sing kalim-an ka kaw-it nga bulawan, kag gintabid ang mga kumbung sa isa kag isa paagi sang mga kaw-it; gani ang kayangkayang nangin-isa.
14Naghimo man sia sing mga kumbung nga bulbul sang mga kanding nga layanglayang nga taklap sa kayangkayang; ginhimo niya sila nga napulog isa ka kumbung. 15Ang kalabaon sang isa ka kumbung katloan ka maniko, kag apat ka maniko ang kasangkaron sang tagsa ka kumbung; isa ka takus ang napulog isa ka kumbung. 16Gintambitambi niya ang lima ka kumbung sing pain, kag ang anum ka kumbung sing pain. 17Kag naghimo sia sing kalim-an ka sulusingsing sa kilid sang kumbung nga nahigad gid sa nahaunang tinambitambi, kag naghimo sia sing kalim-an ka sulusingsing sa kilid sang kumbung sa ikaduhang tinambitambi. 18Kag naghimo sia sing kalim-an ka kaw-it nga saway sa pagtabid sang layanglayang agud nga mangin-isa ini. 19Kag naghimo sia sa layanglayang sing taklap nga mga panit sang mga carnero nga lalaki nga linugum sing pula, kag taklap nga mga panit sang kanding.
20Niyan naghimo sia nga sa kayangkayang sing mga tapi sa patindug nga kahoy nga acasia. 21Napulo ka maniko ang kalabaon sang isa ka tapi, kag isa ka maniko kag tunga ang kasangkaron sang tagsa ka tapi. 22May duha ka dila ang tagsa ka tapi, nga naangut ang isa sa isa; ginhimo niya ang subong sini sa tanan nga tapi sang kayangkayang. 23Naghimo sia sang mga tapi nga sa kayangkayang: duha ka pulo ka tapi nga sa kilid nga nabagatnan nayon sa bagatnan; 24kag naghimo sia sing kap-atan ka boho nga palatindugan nga naaporohan sing pilak sa idalum sang duha ka pulo ka tapi, duha ka boho sa idalum sang isa ka tapi nga sa iya duha ka dila, kag duha ka boho sa idalum sang isa pa ka tapi nga sa iya duha ka dila. 25Kag sa ikaduhang kilid sang kayangkayang, sa kilid nga naaminhan, naghimo sia sing duha ka pulo ka tapi, 26kag ang ila kap-atan ka boho nga palatindugan nga naaporohan sing pilak, duha ka boho sa idalum sang isa ka tapi. 27Kag sa likod nga bahin sang kayangkayang nayon sa katundan naghimo sia sing anum ka tapi. 28Kag duha pa ka tapi ang ginhimo niya nga sa mga pamusud sang kayangkayang sa nalikod nga bahin. 29Kag nagbulagay sila sa sadsaran, apang nagtabiray sila tubtub sa ukbung nila, sa isa ka argolya; ginhimo niya ang subong sini sa duha sa ila, sa duha ka pamusud. 30May walo ka tapi nga may ila nga mga boho nga palatindugan nga naaporohan sing pilak: napulog anum ka boho, duha ka boho sa idalum sang tagsa ka tapi.
31Kag naghimo sia sing mga balabag nga kahoy nga acasia, lima nga sa mga tapi sa isa ka kilid sang kayangkayang, 32kag lima ka balabag nga sa mga tapi sang ikaduhang kilid sang kayangkayang, kag lima ka balabag nga sa mga tapi sang kayangkayang sa bahin sa likod nayon sa katundan. 33Kag naghimo sia sang balabag nga natunga nga mag-agi sa tunga sang mga tapi gikan sa isa ka pamusud tubtub sa isa. 34Kag gintaklapan niya sing bulawan ang mga tapi, kag naghimo sang ila mga argolya nga bulawan nga goloan sang mga balabag, kag gintaklapan sing bulawan ang mga balabag.
35Kag naghimo sia sang kumbung nga asul kag purpura kag escarlata kag lino nga manipis; nga may querubin nga himo sang sampaton nga manugbuhat, ini ginhimo niya. 36Kag naghimo sia nga sa iya sing apat ka haligi nga acasia, kag gintaklapan sila sing bulawan; ang ila mga panga bulawan, kag nagbasia sia nga sa ila sing apat ka boho nga palatindugan nga naaporohan sing pilak. 37Naghimo man sia sing lipon nga sa ganhaan sang layanglayang, nga asul kag purpura kag escarlata kag lino nga manipis, nga buhat sang manugborda; 38kag ang iya lima ka haligi pati ang ila mga panga. Gintaklapan niya ang ila mga oloolo, kag ang ila mga liogliog sing bulawan, apang ang ila lima ka boho nga palatindugan naaporohan sing saway.
Currently Selected:
EXODO 36: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
EXODO 36
36
1Si Bezalel kag si Oholiab kag ang tagsa ka tawo nga sampaton nga sa ila ginbutang sang Ginoo ang kaalam kag ang paghangup sa paghibalo sa pagbuhat sang tanan nga buluhaton nga sa paghimo sang santuario magabuhat sono sa tanan nga ginsogo sang Ginoo.”
Si Moises Nagapugong sang Katawohan sa Paghatag
2Kag gintawag ni Moises si Bezalel kag si Oholiab kag ang tagsa ka tawo nga sampaton nga sa ila tagiposoon ginbutangan sang Ginoo sing kaalam, ang tagsatagsa nga ang iya tagiposoon nagtandug sa iya sa pagkadto sa buluhaton sa paghimo sini; 3kag ginbaton nila kay Moises ang tanan nga dolot nga gindala sang katawohan sang Israel nga sa buluhaton sang santuario. Nagdala pa sila sing mga dolot nga kinabubut-on agaaga, 4gani ang tanan nga sampaton nga tawo nga nagahimo sang tanan nga buluhaton sang santuario nag-abut, ang tagsatagsa gikan sa buluhaton nga ginhimo niya, 5kag nagsiling kay Moises, “Ang katawohan nagdala sing labi pa kadamu sang sa kinahanglan sang buluhaton nga ginsogo sang Ginoo nga himoon.” 6Gani si Moises nagsogo, kag ginpabantala nila ini sa bug-os nga dologan, “Dili na ang bisan sin-ong lalaki ukon babayi maghimo sing bisan ano pa nga buluhaton nga sa dolot sang santuario.” Gani ginpunggan ang katawohan sa pagdala; 7kay may kasangkapan sila nga tuman na sa paghimo sang tanan nga buluhaton, kag madamu pa.
Ang Paghimo sang Kayangkayang
(Ex. 26:1-37)
8Kag ang tanan nga tawo sa ila nga sampaton nga naghimo sang buluhaton naghimo sang kayangkayang nga may napulo ka kumbung; sa lino nga manipis nga binolong, kag sa asul kag sa purpura kag sa escarlata, nga may mga querubin nga himo sang sampaton nga manugbuhat. 9Ang kalabaon sang tagsa ka kumbung duha ka pulo kag walo ka maniko, kag ang kasangkaron sang tagsa ka kumbung apat ka maniko; isa ka takus ang tanan nga kumbung.
10Kag gintambitambi niya ang lima ka kumbung, kag ang iban nga lima ka kumbung gintambitambi niya. 11Kag naghimo sia sing mga sulusingsing nga asul sa kilid sang isa ka kumbung nga nahigad gid gikan sa hamitan sang nahaunang tinambitambi; amo man ang ginhimo niya sa kilid sang kumbung nga nahigad gid sang ikaduhang tinambitambi. 12Naghimo sia sing kalim-an ka sulusingsing sa isa ka kumbung, kag naghimo sia sing kalim-an ka sulusingsing sa kilid sang kumbung sa ikaduhang tinambitambi; ang mga sulusingsing nagatunguray. 13Kag naghimo sia sing kalim-an ka kaw-it nga bulawan, kag gintabid ang mga kumbung sa isa kag isa paagi sang mga kaw-it; gani ang kayangkayang nangin-isa.
14Naghimo man sia sing mga kumbung nga bulbul sang mga kanding nga layanglayang nga taklap sa kayangkayang; ginhimo niya sila nga napulog isa ka kumbung. 15Ang kalabaon sang isa ka kumbung katloan ka maniko, kag apat ka maniko ang kasangkaron sang tagsa ka kumbung; isa ka takus ang napulog isa ka kumbung. 16Gintambitambi niya ang lima ka kumbung sing pain, kag ang anum ka kumbung sing pain. 17Kag naghimo sia sing kalim-an ka sulusingsing sa kilid sang kumbung nga nahigad gid sa nahaunang tinambitambi, kag naghimo sia sing kalim-an ka sulusingsing sa kilid sang kumbung sa ikaduhang tinambitambi. 18Kag naghimo sia sing kalim-an ka kaw-it nga saway sa pagtabid sang layanglayang agud nga mangin-isa ini. 19Kag naghimo sia sa layanglayang sing taklap nga mga panit sang mga carnero nga lalaki nga linugum sing pula, kag taklap nga mga panit sang kanding.
20Niyan naghimo sia nga sa kayangkayang sing mga tapi sa patindug nga kahoy nga acasia. 21Napulo ka maniko ang kalabaon sang isa ka tapi, kag isa ka maniko kag tunga ang kasangkaron sang tagsa ka tapi. 22May duha ka dila ang tagsa ka tapi, nga naangut ang isa sa isa; ginhimo niya ang subong sini sa tanan nga tapi sang kayangkayang. 23Naghimo sia sang mga tapi nga sa kayangkayang: duha ka pulo ka tapi nga sa kilid nga nabagatnan nayon sa bagatnan; 24kag naghimo sia sing kap-atan ka boho nga palatindugan nga naaporohan sing pilak sa idalum sang duha ka pulo ka tapi, duha ka boho sa idalum sang isa ka tapi nga sa iya duha ka dila, kag duha ka boho sa idalum sang isa pa ka tapi nga sa iya duha ka dila. 25Kag sa ikaduhang kilid sang kayangkayang, sa kilid nga naaminhan, naghimo sia sing duha ka pulo ka tapi, 26kag ang ila kap-atan ka boho nga palatindugan nga naaporohan sing pilak, duha ka boho sa idalum sang isa ka tapi. 27Kag sa likod nga bahin sang kayangkayang nayon sa katundan naghimo sia sing anum ka tapi. 28Kag duha pa ka tapi ang ginhimo niya nga sa mga pamusud sang kayangkayang sa nalikod nga bahin. 29Kag nagbulagay sila sa sadsaran, apang nagtabiray sila tubtub sa ukbung nila, sa isa ka argolya; ginhimo niya ang subong sini sa duha sa ila, sa duha ka pamusud. 30May walo ka tapi nga may ila nga mga boho nga palatindugan nga naaporohan sing pilak: napulog anum ka boho, duha ka boho sa idalum sang tagsa ka tapi.
31Kag naghimo sia sing mga balabag nga kahoy nga acasia, lima nga sa mga tapi sa isa ka kilid sang kayangkayang, 32kag lima ka balabag nga sa mga tapi sang ikaduhang kilid sang kayangkayang, kag lima ka balabag nga sa mga tapi sang kayangkayang sa bahin sa likod nayon sa katundan. 33Kag naghimo sia sang balabag nga natunga nga mag-agi sa tunga sang mga tapi gikan sa isa ka pamusud tubtub sa isa. 34Kag gintaklapan niya sing bulawan ang mga tapi, kag naghimo sang ila mga argolya nga bulawan nga goloan sang mga balabag, kag gintaklapan sing bulawan ang mga balabag.
35Kag naghimo sia sang kumbung nga asul kag purpura kag escarlata kag lino nga manipis; nga may querubin nga himo sang sampaton nga manugbuhat, ini ginhimo niya. 36Kag naghimo sia nga sa iya sing apat ka haligi nga acasia, kag gintaklapan sila sing bulawan; ang ila mga panga bulawan, kag nagbasia sia nga sa ila sing apat ka boho nga palatindugan nga naaporohan sing pilak. 37Naghimo man sia sing lipon nga sa ganhaan sang layanglayang, nga asul kag purpura kag escarlata kag lino nga manipis, nga buhat sang manugborda; 38kag ang iya lima ka haligi pati ang ila mga panga. Gintaklapan niya ang ila mga oloolo, kag ang ila mga liogliog sing bulawan, apang ang ila lima ka boho nga palatindugan naaporohan sing saway.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society