EXODO 33
33
Ang Pagtambong sang Ginoo Ginsaad
1Ang Ginoo nagpamolong kay Moises, “Halin ka, taklad ka gikan diri, ikaw kag ang katawohan nga ginpataklad mo gikan sa duta sang Egipto, pakadto sa duta nga ginsumpa ko kay Abraham,#Gen. 12:7. kay Isaac,#Gen. 26:3. kag kay Jacob,#Gen. 28:13. nga nagasiling, ‘Sa imo mga kaliwatan ihatag ko ini.’ 2Kag ipadala ko sa una nimo ang akon manugtunda, kag sobolon ko ang mga Canaanhon, ang mga Amornon, ang mga Hethanon, ang mga Pereznon, ang mga Hevhanon, kag ang mga Jebusnon. 3Tukad sa duta nga nagailig sing gatas kag dugus; kay ako indi magtaklad sa tunga ninyo, kay kamo katawohan nga tingkoyan, basi nga papason ko kamo sa dalanon.”
4Sang nabatian sang katawohan ini nga malaut nga mga balita, naglalaw sila; kag wala sing tawo nga nagbutang sang iya mga puni. 5Kay ang Ginoo nagsiling kay Moises, “Isiling sa katawohan sang Israel, ‘Kamo katawohan nga tingkoyan; kon sa isa ka tion magtaklad ako upud sa tunga ninyo, papason ko kamo. Busa karon huksa sa inyo ang inyo mga puni, agud nga ako makahibalo sang himoon ko sa inyo.’” 6Busa ang katawohan sang Israel nagpanghukas sang ila mga puni, kutub sa bukid nga Horeb padayon.
7Karon kinabatasan ni Moises ang pagkuha sang layanglayang kag pagpatindug sini sa gowa sang dologan, malayo sa dologan; kag gintawag niya ini, ang layanglayang nga tiliponan. Kag ang tagsatagsa nga nagpangita sa Ginoo naggowa pakadto sa layanglayang nga tiliponan, nga yadto sa gowa sang dologan. 8Kon si Moises magkadto sa layanglayang, ang bug-os nga katawohan nagbangon, kag nagtindug ang tagsa ka tawo sa ganhaan sang iya layanglayang, kag naglantaw kay Moises, tubtub nga sia nakasulud sa layanglayang. 9Kon si Moises magsulud sa layanglayang, ang haligi nga panganud nagpaubus kag nagtindug sa ganhaan sang layanglayang, kag ang Ginoo nagpamolong kay Moises. 10Kag ang bug-os nga katawohan nakakita sang pagtindug sang haligi nga panganud sa ganhaan sang layanglayang, kag ang bug-os nga katawohan nagtindug kag nagsimba, ang tagsa ka tawo sa ganhaan sang iya layanglayang. 11Sa amo ang Ginoo nagpamolong kay Moises sa nawung kag nawung, subong sang isa ka tawo nga nagahambal sa iya abyan. Kag nagbalik sia sa dologan, apang ang iya alagad nga si Josue nga anak ni Nun, isa ka pamatan-on, wala maghalin sa layanglayang.
12Si Moises nagsiling sa Ginoo, “Tan-awa, nagasiling ka sa akon, ‘Pataklara ining katawohan’; kag wala mo ako pagpahibaloa kon sin-o ang ipadala mo upud sa akon. Apang ikaw nakasiling, ‘Kilala ko ikaw sa ngalan, kag nakapahamuut ka man sa akon itololok.’ 13Busa karon, ginaampo ko sa imo, kon nakapahamuut ako sa imo itololok, ipakilala mo sa akon karon ang imo mga dalanon, agud nga makilala ko ikaw sa katuyoan nga makapahamuut ako sa imo itololok. Talupangda man nga ining pungsud imo katawohan.” 14Kag ang Ginoo nagsiling, “Ang akon pagtambong magaupud sa imo, kag papahuwayon ko ikaw.” 15Kag si Moises nagsiling sa iya, “Kon ang imo pagtambong indi mag-upud sa akon, indi kami pagpataklara gikan diri. 16Kay sa ano bala karon makilala nga ako nakapahamuut sa imo itololok, ako kag ang imo katawohan? Indi bala nga ikaw nagaupud sa amon, sa bagay nga napain kami, ako kag ang imo katawohan, gikan sa tanan nga katawohan nga yara sa kadaygan sang duta?”
17Kag ang Ginoo nagsiling kay Moises, “Himoon ko ini nga butang man nga napamolong mo; kay nakapahamuut ka sa akon itololok, kag nakilala ko ikaw sa ngalan.” 18Si Moises nagsiling, “Ginaampo ko sa imo, ipakita sa akon ang imo himaya.” 19Kag nagsiling sia, “Paagihon ko ang bug-os nakon nga pagkaayo sa atubangan mo, kag ibantala ko sa atubangan mo ang akon ngalan ‘Ang Ginoo’; kag magamaayo ako sa pagaayohan ko, kag magakalooy ako sa pagakalooyan ko.#Roma 9:15. 20Apang,” nagsiling sia, “indi ka makakita sang akon nawung; kay wala sing tawo nga makakita sa akon kag mabuhi.” 21Kag ang Ginoo nagsiling, “Yari karon, may duug sa luyo ko diin magtindug ka sa igang; 22kag sang nagaagi ang akon himaya ibutang ko ikaw sa litik sang igang, kag tabonan ikaw sang akon kamut tubtub nga ako makaligad; 23niyan kuhaon ko ang akon kamut, kag makita mo ang akon likod; apang ang akon nawung indi makita.”
Currently Selected:
EXODO 33: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
EXODO 33
33
Ang Pagtambong sang Ginoo Ginsaad
1Ang Ginoo nagpamolong kay Moises, “Halin ka, taklad ka gikan diri, ikaw kag ang katawohan nga ginpataklad mo gikan sa duta sang Egipto, pakadto sa duta nga ginsumpa ko kay Abraham,#Gen. 12:7. kay Isaac,#Gen. 26:3. kag kay Jacob,#Gen. 28:13. nga nagasiling, ‘Sa imo mga kaliwatan ihatag ko ini.’ 2Kag ipadala ko sa una nimo ang akon manugtunda, kag sobolon ko ang mga Canaanhon, ang mga Amornon, ang mga Hethanon, ang mga Pereznon, ang mga Hevhanon, kag ang mga Jebusnon. 3Tukad sa duta nga nagailig sing gatas kag dugus; kay ako indi magtaklad sa tunga ninyo, kay kamo katawohan nga tingkoyan, basi nga papason ko kamo sa dalanon.”
4Sang nabatian sang katawohan ini nga malaut nga mga balita, naglalaw sila; kag wala sing tawo nga nagbutang sang iya mga puni. 5Kay ang Ginoo nagsiling kay Moises, “Isiling sa katawohan sang Israel, ‘Kamo katawohan nga tingkoyan; kon sa isa ka tion magtaklad ako upud sa tunga ninyo, papason ko kamo. Busa karon huksa sa inyo ang inyo mga puni, agud nga ako makahibalo sang himoon ko sa inyo.’” 6Busa ang katawohan sang Israel nagpanghukas sang ila mga puni, kutub sa bukid nga Horeb padayon.
7Karon kinabatasan ni Moises ang pagkuha sang layanglayang kag pagpatindug sini sa gowa sang dologan, malayo sa dologan; kag gintawag niya ini, ang layanglayang nga tiliponan. Kag ang tagsatagsa nga nagpangita sa Ginoo naggowa pakadto sa layanglayang nga tiliponan, nga yadto sa gowa sang dologan. 8Kon si Moises magkadto sa layanglayang, ang bug-os nga katawohan nagbangon, kag nagtindug ang tagsa ka tawo sa ganhaan sang iya layanglayang, kag naglantaw kay Moises, tubtub nga sia nakasulud sa layanglayang. 9Kon si Moises magsulud sa layanglayang, ang haligi nga panganud nagpaubus kag nagtindug sa ganhaan sang layanglayang, kag ang Ginoo nagpamolong kay Moises. 10Kag ang bug-os nga katawohan nakakita sang pagtindug sang haligi nga panganud sa ganhaan sang layanglayang, kag ang bug-os nga katawohan nagtindug kag nagsimba, ang tagsa ka tawo sa ganhaan sang iya layanglayang. 11Sa amo ang Ginoo nagpamolong kay Moises sa nawung kag nawung, subong sang isa ka tawo nga nagahambal sa iya abyan. Kag nagbalik sia sa dologan, apang ang iya alagad nga si Josue nga anak ni Nun, isa ka pamatan-on, wala maghalin sa layanglayang.
12Si Moises nagsiling sa Ginoo, “Tan-awa, nagasiling ka sa akon, ‘Pataklara ining katawohan’; kag wala mo ako pagpahibaloa kon sin-o ang ipadala mo upud sa akon. Apang ikaw nakasiling, ‘Kilala ko ikaw sa ngalan, kag nakapahamuut ka man sa akon itololok.’ 13Busa karon, ginaampo ko sa imo, kon nakapahamuut ako sa imo itololok, ipakilala mo sa akon karon ang imo mga dalanon, agud nga makilala ko ikaw sa katuyoan nga makapahamuut ako sa imo itololok. Talupangda man nga ining pungsud imo katawohan.” 14Kag ang Ginoo nagsiling, “Ang akon pagtambong magaupud sa imo, kag papahuwayon ko ikaw.” 15Kag si Moises nagsiling sa iya, “Kon ang imo pagtambong indi mag-upud sa akon, indi kami pagpataklara gikan diri. 16Kay sa ano bala karon makilala nga ako nakapahamuut sa imo itololok, ako kag ang imo katawohan? Indi bala nga ikaw nagaupud sa amon, sa bagay nga napain kami, ako kag ang imo katawohan, gikan sa tanan nga katawohan nga yara sa kadaygan sang duta?”
17Kag ang Ginoo nagsiling kay Moises, “Himoon ko ini nga butang man nga napamolong mo; kay nakapahamuut ka sa akon itololok, kag nakilala ko ikaw sa ngalan.” 18Si Moises nagsiling, “Ginaampo ko sa imo, ipakita sa akon ang imo himaya.” 19Kag nagsiling sia, “Paagihon ko ang bug-os nakon nga pagkaayo sa atubangan mo, kag ibantala ko sa atubangan mo ang akon ngalan ‘Ang Ginoo’; kag magamaayo ako sa pagaayohan ko, kag magakalooy ako sa pagakalooyan ko.#Roma 9:15. 20Apang,” nagsiling sia, “indi ka makakita sang akon nawung; kay wala sing tawo nga makakita sa akon kag mabuhi.” 21Kag ang Ginoo nagsiling, “Yari karon, may duug sa luyo ko diin magtindug ka sa igang; 22kag sang nagaagi ang akon himaya ibutang ko ikaw sa litik sang igang, kag tabonan ikaw sang akon kamut tubtub nga ako makaligad; 23niyan kuhaon ko ang akon kamut, kag makita mo ang akon likod; apang ang akon nawung indi makita.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society