DEUTERONOMIO 14
14
1“Kamo mga anak sang Ginoo nga inyo Dios; dili ninyo pagpilasan ang inyo kaugalingon ukon kiskisan ang ulut sang inyo mga mata tungud sa patay.#Lev. 19:28; 21:5. 2Kay ikaw katawohan nga balaan sa Ginoo nga imo Dios, kag ang Ginoo nagpili sa imo nga mangin-iya katawohan nga kaugalingon,#Ex. 19:5-6; Deut. 4:20; 7:6; 26:18; Tito 2:14; 1 Ped. 2:9. labaw sa tanan nga mga katawohan nga yara sa kadaygan sang duta.
Ang Matinlo kag Dimatinlo nga Pagkaon
(Lev. 11:1-47)
3“Dili ka magkaon sing bisan ano nga butang nga kangil-aran. 4Ini amo ang mga sapat nga makaon ninyo: ang baka, ang carnero, ang kanding, 5ang usa nga lalaki, ang gacela, ang gamo, ang kanding nga talonon, ang pygargo, ang antilope, kag ang gamuza. 6Ang tagsa ka sapat nga may koko nga napihakpihak kag may koko nga napihak sa duha, kag nagapangusang, sa tunga sang mga sapat, ina makaon ninyo. 7Wala sing sapayan ini sila dili ninyo makaon sa mga nagapangusang ukon sa mga may koko nga napihak: ang camelyo, ang liebre, kag ang coney, bangud nga nagapangusang sila apang wala sing koko nga napihak, dimatinlo sila sa inyo. 8Kag ang baboy, bangud nga sia may koko nga napihakpihak apang wala nagapangusang, dimatinlo sia sa inyo. Dili kamo magkaon sang ila unud, kag dili kamo magtandug sang ila mga lawas nga patay.
9“Ini sila makaon ninyo sa tanan nga yara sa mga tubig: ang bisan ano nga may mga kapay kag may mga himbis makaon ninyo. 10Kag ang bisan ano nga wala sing mga kapay kag mga himbis dili ninyo makaon; dimatinlo ini sa inyo.
11“Ang tanan nga pispis nga matinlo makaon ninyo. 12Apang ini sila amo ang dili ninyo makaon: ang aguila, ang aguila nga manugboong sing tul-an, ang dapayan, 13ang tikwi, ang falcon, ang dapay sono sa iya sari; 14ang tagsa ka uwak sono sa iya sari; 15ang avestruz, ang morogmon, ang gabiota, ang banog sono sa iya sari; 16ang bukaw nga diotay kag ang bukaw nga daku, ang bukaw nga may sungaysungay, 17kag ang pelicano, ang buitre kag ang somorgojo, 18ang dugwak, ang tulabong sono sa iya sari; ang abubilla, kag ang kabog. 19Kag ang tanan nga butang nga pakpakan nga nagakamang dimatinlo sa inyo; dili pagkaonon sila. 20Ang tanan nga pispis nga matinlo makaon ninyo.
21“Ang bisan ano nga butang nga mapatay sa iya kaugalingon dili ninyo pagkaonon; mahatag ninyo ini sa manlulugayaw nga yara sa sulud sang imo mga gawang, agud nga makaon niya ini, ukon mabaligya mo ini sa dumuloong; kay ikaw katawohan nga balaan sa Ginoo nga imo Dios.
“Dili mo paglotoon ang tinday nga kanding sa gatas sang iya iloy.#Ex. 23:19; 34:26.
Ang Kasogoan nahanungud sa Ikapulo
22“Kuhaan mo gid sing ikapulo ang tanan nga patubas sang imo binhi,#Lev. 27:30-33; Num. 18:21. ang nagagikan sa uma tuigtuig. 23Kag magkaon ka sa atubangan sang Ginoo nga imo Dios, sa duug nga pilion niya, sa pagpapuyo didto sang iya ngalan, sang ikapulo sang imo uyas, sang imo bag-o nga alak, kag sang imo lana, kag sang mga panganay sang imo kabakahan kag sang imo panong; agud nga makatoon ka sa pagkahadluk sa Ginoo nga imo Dios sa gihapon. 24Kag kon tama ka layo sa imo ang dalanon, sa bagay nga indi mo sarang madala ini, bangud nga tama kalayo sa imo, ang duug nga pilion sang Ginoo nga imo Dios, sa pagbutang didto sang iya ngalan, kon ang Ginoo nga imo Dios magpakamaayo sa imo, 25niyan baylohon mo ini sa cuarta, kag ibugkos ang cuarta sa imo kamut, kag magkadto sa duug nga pilion sang Ginoo nga imo Dios, 26kag gamiton mo ang cuarta tungud sa bisan ano nga mailaan sang imo kalag, tungud sa mga baka, ukon sa mga carnero, ukon sa alak, ukon sa masingkal nga ilimnon, ukon sa bisan ano nga butang nga pangayoon sang imo kalag sa imo; kag kaonon mo didto sa atubangan sang Ginoo nga imo Dios kag magkasadya ka, ikaw kag ang imo panimalay. 27Kag dili mo pagpatumbayaan ang Levinhon nga yara sa sulud sang imo mga gawang, kay wala sia sing bahin ukon panublion kaupud nimo.
28“Sa katapusan sang tagutlo ka tuig dalhon mo ang tanan nga ikapulo sang imo patubas sa amo nga tuig, kag supton ini sa sulud sang imo mga gawang; 29kag magaabut ang mga Levinhon, bangud nga wala sia sing bahin ukon panublion kaupud nimo, kag ang manlulugayaw, ang ilo, kag ang balo nga babayi, nga yara sa sulud sang imo mga gawang, magakaon kag mabusug; agud nga ang Ginoo nga imo Dios magpakamaayo sa imo sa tanan nga buluhaton nga ginahimo sang imo kamut.
Currently Selected:
DEUTERONOMIO 14: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
