1 CORINTO 13
13
1Kon nagapamolong ako sang mga hambal sang mga tawo kag sang mga manugtunda, apang walay gugma, subong ako sang saway nga nagatonog ukon apiping nga nagatagsing. 2Kag kon may pagkamanalagna ako, kag makahibalo sang tanan nga tinago kag tanan nga pagkilala, kag kon may akon ako sang bug-os nga pagtoo, sa bagay nga makahalin sang mga bukid,#Mat. 17:20; 21:21; Mar. 11:23. apang walay gugma, wala ako sing kapuslanan. 3Kon ipanghatag ko ang tanan ko nga pagkabutang, kag kon itugyan ko ang akon lawas nga sonogon, apang wala sing gugma, wala ini sing kapuslanan sa akon.
4Ang gugma mapailubon kag malolo; ang gugma wala nagakahisa ukon nagapabugal; 5wala ini nagapahabok ukon nagagawi sing dinagakaigo. Ang gugma wala nagapangita sang iya kaugalingon; indi ini mainakigon ukon nagasapak sang kalautan; 6wala ini nagakalipay sa katikoan, kondi nagakalipay sa katarungan. 7Ang gugma nagabatas sang tanan nga butang, nagatoo sang tanan nga butang, nagalaum sang tanan nga butang, naga-antus sang tanan nga butang.
8Ang gugma wala nagauntat; kon nahanungud sa tagna, ini mataliwan; kon nahanungud sa mga hambal, magauntat sila; kon nahanungud sa pagkilala, mataliwan ini. 9Kay ang aton pagkilala dihimpit kag ang aton panagna dihimpit; 10apang kon ang himpit mag-abut, ang dihimpit mataliwan. 11Sang ako bata pa, naghambal ako subong sang bata, naghunahuna ako subong sang bata, nagbais ako subong sang bata; sang hamtong na ako, ginsikway ko ang binata nga mga butang. 12Kay karon nagatolok kita sing dimaathag sa salaming, apang ugaling sa guya kag guya. Karon nakakilala ako sa bahin; ugaling magahangup ako sing bug-os, subong nga ako man nahangup sing bug-os. 13Gani ang pagtoo, ang paglaum, ang gugma nagapadayon, ini sila nga tatlo; apang ang labing daku gid sini sa ila amo ang gugma.
Currently Selected:
1 CORINTO 13: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
