1 MGA CRONICA 9
9
Ang mga Nagbalik gikan sa Babilonia
(Neh. 11:1-24)
1Gani ang bug-os nga Israel gin-isip sono sa listahan sang mga kaliwatan; kag nasulat sila sa Tolon-an sang mga Hari sang Israel. Kag ang Juda gindala nga bihag sa Babilonia bangud sang ila paglalis. 2Karon ang nahaunang mga pumuluyo nga nagpuyo sa ila mga kaugalingon sa ila kabanwaanan amo ang mga Israelnon, ang mga sacerdote, ang mga Levinhon, kag ang mga Netinim. 3Kag sa Jerusalem nagpuyo ang katawohan sang Juda, sang Benjamin, sang Efraim, kag sang Manases:#Esd. 2:70; Neh. 7:73. 4si Utai lalaking anak ni Amihud, lalaking anak ni Omri, lalaking anak ni Imri, lalaking anak ni Bani, sa mga lalaking anak ni Perez nga lalaking anak ni Juda. 5Kag sa mga Silonhon: si Asaya nga panganay, kag ang iya mga lalaking anak. 6Sa mga lalaking anak ni Zara: si Jeuel kag ang ila mga utud, anum ka gatus kag kasiaman. 7Sa mga lalaking anak ni Benjamin: si Sallu lalaking anak ni Mesullam, lalaking anak ni Hodavias, lalaking anak ni Asenua, 8si Ibnias lalaking anak ni Jeroham, si Ela lalaking anak ni Uzi, lalaking anak ni Micri, kag si Mesullam lalaking anak ni Sepatias, lalaking anak ni Reuel, lalaking anak ni Ibnias; 9kag ang ila mga himata sono sa ila mga kaliwatan, siam ka gatus kag kalim-an kag anum. Ini tanan pangolo sang mga kabaranggayan sono sa ila mga kabaranggayan.
10Sa mga sacerdote: sila ni Jedaya, Joiarib, Jaquin, 11kag Azarias lalaking anak ni Helcias, lalaking anak ni Mesullam, lalaking anak ni Sadoc, lalaking anak ni Merayot, lalaking anak ni Ahitob, nga puno nga pangolo sang balay sang Dios; 12kag si Adaya lalaking anak ni Jeroham, lalaking anak ni Pasur, lalaking anak ni Malquias, kag si Masai lalaking anak ni Adiel, lalaking anak ni Jazera, lalaking anak ni Mesullam, lalaking anak ni Mesilemit, lalaking anak ni Imer; 13luwas sang ila mga himata, mga pangolo sang ila mga kabaranggayan, isa ka libo kag pito ka gatus kag kan-uman, sangkol gid nga mga tawo sa buluhaton sang pag-alagdan sang balay sang Dios.
14Sa mga Levinhon: si Semaya lalaking anak ni Hasub, lalaking anak ni Azricam, lalaking anak ni Hasabias, sa mga lalaking anak ni Merari; 15kag sila ni Bacbacar, Heres, Galal, kag Matania lalaking anak ni Mica, lalaking anak ni Zicri, lalaking anak ni Asaf; 16kag si Obadias lalaking anak ni Semaya, lalaking anak ni Galal, lalaking anak ni Jedutum, kag si Berequias lalaking anak ni Asa, lalaking anak ni Elcana, nga nagpuyo sa mga minoro sa mga Netopatnon.
17Ang mga manugbantay sang gawang: sila ni Sallum, Acub, Talmon, Ahiman, kag ang ila mga himata (si Sallum amo ang puno), 18nga tubtub karon nag-alagad sa gawang sang hari nayon sa sidlangan. Manugbantay sila sang mga gawang sa dologan sang mga anak ni Levi. 19Si Sallum lalaking anak ni Core, lalaking anak ni Abiasaf, lalaking anak ni Corah, kag ang iya mga himata gikan sa iya kabaranggayan, ang mga Corinhon, nagdumala sang buluhaton sang pag-alagdan, mga manugbantay sang mga atangan sang layanglayang, subong nga ang ila mga ginikanan nakadumala sang dologan sang Ginoo, mga manugbantay sang alagyan pasulud. 20Kag si Finees lalaking anak ni Eleazar pangolo nila anay; ang Ginoo upud sa iya. 21Si Zacarias lalaking anak ni Meselemias manugbantay sang ganhaan sang layanglayang nga tiliponan. 22Ini tanan, nga ginpili nga mga manugbantay sa mga atangan, duha ka gatus kag napulog duha. Ini sila gin-isip sono sa listahan sang kaliwatan sa ila mga minoro. Gintangdo ni David kag ni Samuel nga manugpanan-aw sa ila palangakoan nga salaligan. 23Gani sila kag ang ila mga lalaking anak may pagtatap sang mga gawang sang balay sang Ginoo, nga amo, ang balay sang layanglayang, subong nga mga bantay. 24Sa apat ka kilid may mga bantay sang gawang, nayon sa sidlangan, sa katundan, sa aminhan, kag sa bagatnan; 25kag ang ila mga himata sa ila mga minoro nga dapat magkari sa tagsa ka pito ka adlaw, sa tion kag tion sa pag-upud sa ila; 26kay ang apat ka pangolo nga manugbantay sang gawang, nga mga Levinhon, yara sa palangakoan nga salaligan kag nagatatap sang mga hulut kag sang mga bahandi sa balay sang Dios. 27Kag nagdayon sila sa palibut sang balay sang Dios; kay ila ang pagtatap sini, kag naigo sa ila ang pagbukas sini agaaga.
28Ang iban sa ila nagatatap sang mga gamit sang pag-alagdan, kay gin-isip sila sa pagpasulud kag gin-isip sila sa pagpagowa. 29Ang iban sa ila gintangdo sa pagtatap sang mga kasangkapan, kag sang tanan nga gamit sang santuario, sang harina nga mapino, sang alak, sang lana, sa incienso, kag sa mga pahumut. 30Ang iban sang mga lalaking anak sang mga sacerdote nag-aman sang sangkap sang mga pahumut, 31kag si Matatias, isa sang mga Levinhon, nga panganay ni Sallum nga Corinhon, may palangakoan nga salaligan sang mga butang nga linoto sa sartin. 32Ang iban man sang ila mga himata mga Coatnon nagtatap sang mga tinapay nga pahayag, sa pag-aman sini sa tagsa ka adlaw nga inugpahuway.
33Karon ini sila ang mga manug-amba, mga pangolo sang kabaranggayan sang mga Levinhon, nga nagapuyo sa mga hulut kag hilway sa iban nga pag-alagdan, kay yara sila sa ila hilikuton sa adlaw kag gab-i. 34Ini sila mga pangolo sang mga kabaranggayan sang mga Levinhon, sa bug-os nila nga mga kaliwatan, puno nga mga lalaki, nga nagpuyo sa Jerusalem.
Ang Lista sang Kaliwatan ni Saul
35Sa Gabaon nagpuyo ang amay ni Gabaon, si Jeiel, nga ang ngalan sang iya asawa si Maaca, 36kag ang iya anak nga panganay si Abdon, niyan sila ni Zur, Cis, Baal, Ner, Nadab, 37Gedor, Ahio, Zacarias, kag Miclot; 38kag si Miclot amay ni Simeam; kag sila man nagpuyo upud sa ila mga himata sa Jerusalem, sa atubang sang ila mga himata. 39Si Ner amay ni Cis, si Cis amay ni Saul, si Saul amay ni Jonatan, ni Malqui-sua, ni Abinadab, kag ni Es-baal; 40kag ang anak nga lalaki ni Jonatan si Merib-baal; kag si Merib-baal amay ni Mica. 41Ang mga anak nga lalaki ni Mica: sila ni Piton, Melec, Tarea, kag Acaz; 42kag si Acaz amay ni Jara, kag si Jara amay ni Alemet, ni Azmavet, kag ni Zimri; kag si Zimri amay ni Moza. 43Si Moza amay ni Binea; kag si Refaya iya anak nga lalaki, si Elasa iya anak nga lalaki, si Azel iya anak nga lalaki. 44Si Azel may anum ka anak nga lalaki nga ang mga ngalan nila amo ini: sila ni Azricam, Bocru, Ismael, Searya, Obadias, kag Hanan; ini sila mga lalaking anak ni Azel.
Currently Selected:
1 MGA CRONICA 9: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
