1 MGA CRONICA 4
4
Ang mga Kaliwatan ni Juda
1Ang mga anak nga lalaki ni Juda: si Perez, si Hezron, si Carmi, si Hur, kag si Sobal. 2Si Reaya nga anak ni Sobal amay ni Jahat, kag si Jahat amay ni Ahumai kag ni Lahad. Ini sila amo ang mga panimalay sang mga Zorahanon. 3Ini sila mga anak nga lalaki sang amay ni Etam: si Jezreel, si Isma, kag si Idbas; kag ang ngalan sang ila utud nga babayi si Hazelelponi, 4kag si Penuel amay ni Gedor, kag si Ezer amay ni Husa. Ini sila mga anak ni Hur, ang panganay ni Efrata nga amay ni Bet-lehem. 5Si Asur, nga amay ni Tecoa, may duha ka asawa, si Hela kag si Naara; 6sa iya si Naara nag-anak kay Ahuzam, kay Hefer, kay Temeni, kag kay Haahastari. Ini sila mga anak nga lalaki ni Naara. 7Ang mga anak nga lalaki ni Hela: si Zeret, si Ishar, kag si Etnan. 8Si Coz amay ni Anub, ni Zobeba, kag sang mga panimalay ni Aharhel nga anak nga lalaki ni Harum. 9Si Jabes labi ka dungganon sa iya mga utud; kag ginhingalanan sia sang iya iloy si Jabes, nga nagasiling, “Bangud nga gin-anak ko sia sa kasubo.” 10Si Jabes nagtawag sa Dios sang Israel, nga nagasiling, “O nga pakamaayohon mo gid ako kag palaparon ang akon ginsakpan, kag nga ang imo kamut magbuylog sa akon, kag bantayan mo ako gikan sa malaut agud nga ini indi magpasubo sa akon!” Kag gintugut sang Dios sa iya ang iya ginpangayo. 11Si Celub nga utud ni Suha amay ni Mehir, nga amay ni Eston. 12Si Eston amay ni Betrapa, ni Pasea, kag ni Tehina nga amay ni Ir-nahas. Ini sila amo ang mga lalaki sang Reca. 13Ang mga anak nga lalaki ni Kenas: si Otniel kag si Seraya; kag ang mga anak nga lalaki ni Otniel: si Hatat. 14Si Meonatai amay ni Ofra; kag si Seraya amay ni Joab nga amay sang mga Ge-harasimnon,#4:14 Kon sayoron Nalupyakan sang mga panday. kay mga panday sila. 15Ang mga anak nga lalaki ni Caleb nga anak ni Jefone: si Iru, si Ela, kag si Naam; kag ang mga anak ni Ela: si Kenas. 16Ang mga anak nga lalaki ni Jahalelel: si Zif, si Sifa, si Tirias, kag si Asarel. 17Ang mga anak nga lalaki ni Esra: si Jeter, si Mered, si Efer, kag si Jalon. Ang asawa ni Mered nag-anak kay Miriam, kay Samai, kag kay Isba nga amay ni Estemoa. 18Kag ang iya asawa nga Judiya nag-anak kay Jered nga amay ni Gedor, kay Heber nga amay ni Soco, kag kay Jecutiel nga amay ni Zanoa. Ini sila amo ang lalaki nga mga anak ni Bitia nga babayi nga anak ni Faraon, nga asawa ni Mered. 19Ang lalaki nga mga anak sang asawa ni Hodia, ang babayi nga utud ni Naham, mga amay ni Ceila nga Garminhon kag ni Estemoa nga Maacatnon. 20Ang mga anak nga lalaki ni Simon: si Amnon, si Rina, si Ben-hanan, kag si Tilon. Ang mga anak nga lalaki ni Isi: si Zohet kag si Ben-zohet. 21Ang mga anak nga lalaki ni Sela nga anak ni Juda: si Er nga amay ni Leca, si Laada nga amay ni Maresa, kag ang mga panimalay sang balay sang mga nagahabol sang lino nga mapino gikan sa panimalay ni Asbea; 22kag si Joquim, kag ang mga lalaki sang Cozeba, kag si Joas, kag si Saraf, nga may kagamhanan sa Moab kag sa Jasubilehem (karon ang mga polong dumaan). 23Ini sila mga maninihon kag mga pumuluyo sang Netaim kag Gedera; didto nagpuyo sila upud sa hari tungud sang iya buluhaton.
Ang mga Kaliwatan ni Simeon
24Ang mga anak nga lalaki ni Simeon: si Nemuel, si Jamin, si Jarib, si Zera, si Saul; 25si Sallum ang iya anak nga lalaki, si Mibsan nga iya anak nga lalaki, si Misma nga iya anak nga lalaki. 26Ang mga anak nga lalaki ni Misma: si Hamuel nga iya anak nga lalaki, si Zacur nga iya anak nga lalaki, si Simei nga iya anak nga lalaki. 27Si Semei may napulo kag anum ka anak nga lalaki kag anum ka anak nga babayi; apang ang iya mga utud wala sing madamu nga kabataan, kag ang bug-os nila nga mga panimalay wala magbuad kaangay sang mga anak ni Juda. 28Nagpuyo sila sa Beer-seba, sa Molada, sa Hazar-sual, 29sa Bilha, sa Esem, sa Tolad, 30sa Betuel, sa Horma, sa Siclag, 31sa Bet-marcabot, sa Hazar-susim, sa Bet-biri, kag sa Saaraim. Ini ila kabanwaanan tubtub sa paghari ni David. 32Kag ang ila mga minoro amo ang Etam, ang Ain, ang Rimon, ang Toquen, kag ang Asan, lima ka banwa, 33lakip ang tanan nila nga mga minoro sa palibut sa amo nga mga banwa tubtub sa Baal. Ini sila ila mga puluy-an, kag sila may listahan sang ila kaliwatan.#Jos. 19:2-8.
34Si Mesobab, si Jamlec, si Josa nga anak ni Amasias, 35si Joel, si Jehu nga anak ni Josibias, ang anak ni Seraya, ang anak ni Asiel, 36si Elioenai, si Jaacoba, si Jesohaya, si Asaya, si Adiel, si Jesimiel, si Benaya, 37si Ziza nga anak ni Sifi, ang anak ni Allon, ang anak ni Jedaya, ang anak ni Simri, ang anak ni Semaya— 38ini sila nga sinambit sa ngalan mga principe sa ila mga panimalay, kag ang ila mga kabaranggayan nagdugang sing daku. 39Nagkadto sila tubtub sa salamputan sang Gedor, tubtub gid sa nasidlangan nga kilid sang nalupyakan, sa pagpangita sing halalban nga sa ila mga panong, 40diin nakakita sila sing madabung kag maayo nga halalban, kag ang duta malapad, malinong, kag madaiton; kay ang mga nagpuyo didto sang una gikan kay Ham. 41Ini sila, nga nasulat sa ngalan, nag-abut sa mga adlaw ni Ezequias, nga hari sang Juda, kag ginguba ang ila mga layanglayang kag ang mga Meunim nga nakita didto, kag ginlaglag sila sing bug-os tubtub sini nga adlaw, kag nagpuyo sa tal-us nila, bangud nga may halalban didto nga sa ila mga panong. 42Kag ang pila sa ila, ang mga anak ni Simeon nga lima ka gatus ka tawo, nagkadto sa Bukid nga Seir, nga ang mga pangolo nila si Palatias, si Nearias, si Refaias, kag si Uziel, ang mga anak ni Isi; 43kag gindaug nila ang nabilin sang Amalecnon nga nagpalagyo, kag nagpuyo didto tubtub sini nga adlaw.
Currently Selected:
1 MGA CRONICA 4: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
