1 MGA CRONICA 26
26
Ang mga Manugbantay sang Gawang kag ang mga Manugtatap
1Nahanungud sa mga kinabon sang mga manugbantay sang ganhaan: gikan sa mga Corinhon, si Meselemias nga lalaking anak ni Core, gikan sa mga anak ni Asaf. 2Kag may mga lalaking anak si Meselemias: si Zacarias nga panganay, si Jediael nga ikaduha, si Zebadias nga ikatlo, si Jatniel nga ikap-at, 3si Elam nga ikalima, si Jehanan nga ikan-um, si Elioenai nga ikapito. 4Kag may mga lalaking anak si Obed-edom: si Semaya ang panganay, si Jozabad ang ikaduha, si Joa ang ikatlo, si Sacar ang ikap-at, si Nataniel ang ikalima, 5si Amiel ang ikan-um, si Isacar ang ikapito, si Peulletai ang ikawalo; kay ang Dios nagpakamaayo sa iya.#2 Sam. 6:11; 1 Cron. 13:14. 6Si Semaya man nga iya lalaking anak nangin-amay sang mga lalaking anak nga naggahum sa panimalay sang ila amay, kay sila gamhanan nga mga lalaki nga isganan. 7Ang mga lalaking anak ni Semaya: sila ni Otni, Rafael, Obed, kag Elzabad, ang ila mga utud isganan nga mga lalaki, si Eliu kag si Samaquias. 8Ini tanan gikan sa mga anak ni Obed-edom sila kag ang ila mga anak kag ang ila mga utud, mga tawong makasarang sa kusug sa pag-alagdan; kan-uman kag duha gikan kay Obed-edom. 9Kag si Meselemias may mga anak kag mga utud, mga tawong isganan, napulog walo. 10Si Hosa man, gikan sa mga anak ni Merari, may mga lalaking anak: si Simri nga puno (kay bisan sia indi panganay, apang ginhimo sia nga puno sang iya amay), 11si Helcias nga ikaduha, si Tebalias nga ikatlo, si Zacarias nga ikap-at: ang tanan nga anak ni Hosa kag ang ila mga utud napulog tatlo.
12Ining mga kinabon sang mga manugbantay sang gawang, sono sa ila mga tawong puno, may mga palangakuan, kaangay sang ila mga utud, sa pag-alagad sa balay sang Ginoo; 13kag nagpapalad sila ang mga magamay subong man ang dalagku, sono sa ila mga kabaranggayan, sa tagsa ka gawang. 14Ang kapalaran nayon sa sidlangan naholog kay Selemias. Niyan nahanungud kay Zacarias nga iya anak, manuglaygay nga maalam, nagpapalad sila, kag naggowa ang iya kapalaran nayon sa aminhan. 15Kay Obed-edom nayon sa bagatnan, kag sa iya mga lalaking anak ang damisagan. 16Kay Supim kag kay Hosa nayon sa katundan, sa luyo sang gawang sang Sallequet,#26:16 Kon sayoron Halabuyan. sa alagyan nga nagapaibabaw. Ang bantay sa atubangan sang bantay. 17Nayon sa sidlangan anum ka Levinhon, nayon sa aminhan apat sa isa ka adlaw, sa bagatnan apat sa isa ka adlaw, kag sa balay nga damisagan tagduhaduha; 18sa Parbar nayon sa katundan, apat sa alagyan, kag duha sa Parbar. 19Ini sila amo ang mga kinabon sang mga manugbantay sang gawang gikan sa mga anak sang mga Corinhon kag gikan sa mga anak ni Merari.
20Kag sa mga Levinhon, si Ahias nagtatap sang mga bahandi sang balay sang Dios kag sang mga bahandi sang balaan nga mga butang. 21Ang mga lalaking anak ni Ladan, ang mga lalaking anak sang mga Gersonhon nga iya ni Ladan, ang mga pangolo sang mga kabaranggayan nga iya ni Ladan nga Gersonhon: si Jehieli. 22Ang mga anak nga lalaki ni Jehieli, si Zetam kag si Joel nga iya utud nga lalaki, nagtatap sang mga bahandi sang balay sang Ginoo. 23Gikan sa mga Amramnon, sa mga Izharnon, sa mga Hebronhon kag sa mga Uzielnon— 24kag si Sebuel nga lalaking anak ni Gersom, lalaking anak ni Moises, amo ang manugdumala sa mga bahandi. 25Ang iya mga utud: gikan kay Eliezer ang iya lalaking anak nga si Rehabias, kag ang iya lalaking anak nga si Isaias, kag ang iya lalaking anak nga si Joram, kag ang iya lalaking anak nga si Sicri, kag ang iya lalaking anak nga si Selomot. 26Ini nga Selomot kag ang iya mga utud nagtatap sang tanan nga bahandi sang hinalad nga mga butang nga ginhalad sang hari nga si David, kag sang mga pangolo sang mga kabaranggayan, sang mga pangolo sang mga linibo kag mga ginatus, kag sang mga pangolo sang kasoldadosan. 27Gikan sa inagaw nga nadaug sa mga inaway naghalad sila sa pagpakaayo sang balay sang Ginoo. 28Kag ang tanan nga nahalad ni Samuel nga manugpanan-aw, kag ni Saul nga anak ni Cis, kag ni Abner nga anak ni Ner, kag ni Joab nga anak ni Sarvia—ang bisan sin-o nga nakahalad sing bisan ano nga butang ini sa idalum sang kamut ni Selomot kag sang iya mga utud.
29Gikan sa mga Izharnon, si Kenanias kag ang iya mga anak nga lalaki naigo sa luwas nga hilikuton sang Israel, nga mga manugdumala kag mga hukom. 30Gikan sa mga Hebronhon, si Hasabias kag ang iya mga utud, mga lalaki nga isganan, isa ka libo kag pito ka gatus, nagtatap sang Israel sa tabok sang Jordan nayon sa katundan tungud sa tanan nga hilikuton sang Ginoo kag tungud sa pag-alagdan sang hari. 31Gikan sa mga Hebronhon, si Jerias ang puno sang mga Hebronhon sono sa ila mga kaliwatan sono sa kabaranggayan. (Sa ikakap-atan nga tuig sang paghari ni David ginpangita sila kag nakita sa tunga nila ang gamhanan nga mga lalaki nga isganan sa Jazer sang Galaad.) 32Ang iya mga utud, mga lalaki nga isganan nga duha ka libo kag pito ka gatus, mga pangolo sang mga kabaranggayan, ginhimo ni Hari David nga mga manugtatap sang mga Rubenhon, sang mga Gadhanon, kag sang katunga nga kabikahan sang mga Manasinhon tungud sa tagsa ka butang nahanungud sa Dios kag tungud sa mga alatipanon sang hari.
Currently Selected:
1 MGA CRONICA 26: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
