1 MGA CRONICA 23
23
1Sang si David tigulang na kag busug sa kaadlawan, ginhimo niya si Salomon nga iya anak nga hari sa ibabaw sang Israel.#1 Hari 1:1-40.
Ang mga Binahin kag mga Katungdanan sang mga Levinhon
2Gintipon niya sing tingub ang tanan nga principe sang Israel pati ang mga sacerdote kag ang mga Levinhon. 3Gin-isip ang mga Levinhon kutub sa katlaon ka tuig pa ibabaw, kag ang kadamuon nila sa binilog, sa tinawo, katloan kag walo ka libo. 4Si David nagsiling, “Sa sini sa ila, duha ka pulo kag apat ka libo magatatap sang buluhaton sang balay sang Ginoo, ang anum ka libo mga manugdumala kag mga hukom, 5apat pa ka libo ang mga manugbantay sang gawang, kag apat ka libo magdayaw sa Ginoo nga may mga tulunggon nga nahimo ko sa pagdayaw.” 6Kag ginbahinbahin sila ni David sa kinabon sono sa mga lalaking anak ni Levi: si Gerson, si Coat, kag si Merari.
7Sa mga Gersonhon si Ladan kag si Simei. 8Ang mga lalaking anak ni Ladan: ang puno si Jehiel, kag si Zetan, kag si Joel, tatlo. 9Ang mga lalaking anak ni Simei: si Selomit, si Haziel, kag si Haran, tatlo. Ini sila mga pangolo sang mga kabaranggayan ni Ladan. 10Kag ang mga lalaking anak ni Simei: si Jahat, si Zina, si Jeus, kag si Berias. Ining apat mga anak ni Simei. 11Si Jahat amo ang puno, kag si Sisa ang ikaduha; apang si Jeus kag si Berias walay madamung anak nga lalaki, busa sila nahimo nga isa ka baranggay sa isa ka pag-isip.
12Ang mga lalaking anak ni Coat: si Amram, si Izhar, si Hebron, kag si Uziel, apat. 13Ang mga lalaking anak ni Amram: si Aaron kag si Moises. Si Aaron ginpain nga magpakabalaan sia sang labi gid ka balaan nga mga butang, sia kag ang iya mga lalaking anak sa gihapon sa pagsonog sing incienso sa atubangan sang Ginoo, sa pag-alagad sa iya kag sa pagpakamaayo sa iya ngalan sa gihapon.#Ex. 28:1. 14Apang nahanungud kay Moises nga tawo sang Dios, ang iya mga lalaking anak ginhingalanan sa kabikahan ni Levi. 15Ang mga lalaking anak ni Moises: si Gersom kag si Eliezer. 16Ang mga lalaking anak ni Gersom: si Sebuel ang puno. 17Ang mga lalaking anak ni Eliezer amo: si Rehabias ang puno; si Eliezer wala na iban nga mga lalaking anak, apang ang mga lalaking anak ni Rehabias tama kadamu. 18Ang mga lalaking anak ni Izhar: si Selomit ang puno. 19Ang mga lalaking anak ni Hebron: si Jeria ang puno, si Amarias ang ikaduha, si Jahaziel ang ikatlo, kag si Jecameam ang ikap-at. 20Ang mga lalaking anak ni Uziel: si Mica ang puno, kag si Isias ang ikaduha.
21Ang mga lalaking anak ni Merari: si Mali kag si Musi. Ang mga lalaking anak ni Mali: si Eleazar kag si Cis. 22Napatay si Eleazar nga wala mga lalaking anak, kondi mga anak nga babayi lamang; ang mga lalaking anak ni Cis, nga ila mga himata, nagpangasawa sa ila. 23Ang mga lalaking anak ni Musi: si Mali, si Eder, kag si Jeremot, tatlo.
24Ini sila amo ang mga lalaking anak ni Levi sono sa mga kabaranggayan, ang mga pangolo sang mga kabaranggayan sang mga gin-isip sa kadamuon sang mga ngalan sa binilog nga naghimo sang buluhaton nga sa pag-alagdan sang balay sang Ginoo, kutub sa duha ka pulo ka tuig kag paibabaw. 25Kay si David nagsiling, “Ang Ginoo, ang Dios sang Israel, naghatag sing kapahuwayan sa iya katawohan; kag sia nagapuyo sa Jerusalem sa gihapon. 26Kag ang mga Levinhon man wala na kinahanglan nga magdala pa sang kayangkayang kag sang tanan niyang gamit nga sa iya pag-alagdan”#Deut. 10:8.— 27kay sono sa katapusan nga mga polong ni David gin-isip ang mga anak ni Levi kutub sa duha ka pulo ka tuig kag pa ibabaw— 28“Apang ang ila palangakoan amo ang pag-alagad sa mga lalaking anak ni Aaron nga sa pag-alagdan sang balay sang Ginoo, sa mga luwang kag sa mga hulut, sa pagpatinlo sang tanan nga butang nga balaan, bisan ang buluhaton sang pag-alagdan sa balay sang Dios; 29sa mga tinapay nga pahayag man, sa harina nga mapino nga sa halad-nga-kalan-on, sa mga tinapay nga manipis nga walay tapay, sa naluto sa sartin, sa natusmog, kag sa tanan nga bagay sang sukub kag kadakuon. 30Kag sila magatindug sa tagsa ka aga sa pagpasalamat kag pagdayaw sa Ginoo, kag subong man sa kahaponon, 31kag sa paghalad sang tanan nga halad-nga-sinonog sa Ginoo sa mga inugpahuway, sa mga lati, kag sa mga piesta nga pinat-in, sa kadamuon sono sa pagsolondan nahanungud sa ila, sing dalayon sa atubangan sang Ginoo. 32Sa amo magbantay sila sang tinulin sa layanglayang nga tiliponan kag sang tinulin sa balaan nga duug, kag sang tinulin sang mga lalaking anak ni Aaron nga ila mga utud, nga sa pag-alagdan sang balay sang Ginoo.”#Num. 3:5-9.
Currently Selected:
1 MGA CRONICA 23: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
