Zacarias 5
5
Ang Palanan-awon Nahanungod sang Linukot nga Tulon-an nga Nagalupad
1Nagtan-aw ako liwat, kag sa sini nga tion nakita ko ang isa ka linukot nga tulon-an nga nagalupad. 2Ang anghel nagpamangkot sa akon kon ano ang nakita ko. Nagsabat ako, “Nakita ko ang nagalupad nga tulon-an nga traynta ka tapak ang kalabaon kag kinse ka tapak ang kasangkaron.”
3Dayon nagsiling sia sa akon, “Sa sini nga tulon-an nasulat ang pagpakamalaut nga magaabot sa bug-os nga duta. Sa pihak sang tulon-an nagasiling nga ang tagsa ka makawat pagadulaon sa duta, kag sa pihak nagasiling nga ang tagsatagsa nga nagasumpa sing binutig pagadulaon man. 4Ang Ginoo sang mga hangaway nagasiling nga magapadala sia sini nga pagpakamalaut, kag magasulod ini sa balay sang tagsa ka makawat kag sa balay sang tagsatagsa nga nagasumpa sing binutig. Magapabilin ini sa ila mga balay kag magalaglag sa ila sing bug-os.”
Ang Palanan-awon Nahanungod sang Babayi sa Sulod sang Tabig
5Ang anghel nagpakita liwat kag nagsiling, “Tan-awa! May ara pa nga nagapadulong!”
6Nagpamangkot ako, “Ano ina?”
Nagsabat sia, “Isa ka tabig, kag nagrepresentar ini sang sala#5:6 Ang iban nga dumaan nga mga pagbadbadsala; sa Hebreomata. sang bug-os nga kalibutan!”
7Ang tabig may takop nga nahimo sa tingga. Samtang nagatan-aw ako, ang takop gin-alsa kag didto sa sulod sang tabig may nagapungko nga isa ka babayi!
8Ang anghel nagsiling, “Ini nga babayi nagarepresentar sang kalautan!” Dayon gintum-ok niya ang babayi pasulod sa tabig kag gintakpan ini liwat. 9Nagtungkaaw ako kag nakita ko ang duha ka mga babayi nga nagalupad padulong sa akon kag may makusog nga mga pakpak kaangay sang dugwak. Gindagit nila ang tabig kag naglupad palayo.
10Ginpamangkot ko ang anghel, “Diin nila dalhon yadto?”
11Nagsabat sia, “Dalhon nila yadto sa Babilonia kag magapatindog sila sing templo para sa sina. Kon matapos na ini, ang tabig ibutang nila didto kag simbahon.”
Currently Selected:
Zacarias 5: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
