Sirac 7
7
Dugang nga mga Laygay
1-2Indi ka maghimo sing malain kag ang malain indi mag-abot sa imo.
Likawi ang sala, kag magalikaw ini sa imo.
3Anak ko, indi ka magsab-og sa inaradohan sang pagkadi-matarong,
kay basi kon anihon mo ini sing makapito.
4Indi ka magpangayo sa Ginoo sing mataas nga palangakuan,
ukon sa hari sing lugar sang kadungganan.
5Indi ka magpahamtang sa atubang sang Ginoo sang imo pagkamatarong
ukon magpakitakita sang imo kaalam sa atubang sang hari.
6Indi ka magtinguha nga mangin-isa ka hukom,
luas kon may ikasarang ka sa pagtapna sang pagkadi-matarong,
kay basi nga mapadaladala ka sa isa ka gamhanan nga tawo
kag basi mabutang sa alang-alang ang imo pagkasinsero.
7Indi ka maghimo sing sala batok sa katilingban
kay sa sini ginapakanubo mo ang imo kaugalingon sa atubang sang mga tawo.
8Indi pagsalampawa ang imo mga sala
kay wala sing sala nga indi pagsilutan.
9Indi ka magsiling, “Ang Dios madala sang akon madamo nga mga dulot.
Kon maghatag ako sing mga dulot sa Dios nga Labing Mataas pagabatunon niya ini.”
10Indi ka magkataka sa pagpangamuyo,
kag indi ka mag-untat sa paghatag sa mga imol.
11Indi gid pagkadlawi ang tawo nga nagapangasubo
kay ang nagpasubo sa iya makalipay man sa iya.
12Indi ka magpatupato sing butig nga mga panumbongon batok sa imo utod
kag indi man paghimua ini sa imo abyan.
13Indi ka gid magsugid sing binutig,
kay wala gid ikaw sing makuha nga maayo.
14Indi ka magsagad wakal sa pagtinipuntipon sang mga katigulangan
kag indi magsulitsulit sang imo mga pangamuyo.
15Indi paglikawi ang mabug-at nga obra ukon pagpanguma,
kay ginbuot ini sang Labing Mataas.
16Indi pagpadamua ang katilingban sang mga makasasala paagi sa imo pagbuylog.
Dumdoma nga sa indi madugay magaabot ang silot.
17Magpaubos ka gid sing matuod,
tungod kay ang silot sang mga di-diosnon amo ang kalayo kag ang mga ulod.
18Indi pag-ibaylo ang isa ka abyan agod makaganansya,
ukon ang isa ka matuod nga utod para sa tanan nga bulawan sang kalibutan.
19Indi pagkontraha ang isa ka maalam kag maayo nga asawa,
kay ang iya katahom mas mahal pa sang sa bulawan.
20Indi pagpintasi ang ulipon nga nagaobra sing maayo
ukon ang isa ka sinuholan nga suloguon nga nagaobra sing matutom para sa imo.
21Palanggaa#Exo. 21:2; Deut. 15:12-15. ang maalam nga ulipon pareho sang imo kaugalingon,
kag indi sia pagdumilii sang iya kahilwayan.
Mga Kabataan
22May mga kabakahan bala ikaw? Tatapa sila.
Kon nagahatag sila sa imo sing kaayuhan, hupti sila.
23May mga anak bala ikaw nga lalaki?
Disiplinaha sila, kag tudloi sila sa labing temprano pa.
24May mga anak bala ikaw nga babayi? Pat-ura nga manginputli sila,
kag indi sila pagpagustohi.
25Pabanahi ang imo mga anak nga babayi kag matapos ang imo daku nga katungdanan.
Pero ipaasawa sia sa isa ka maayo nga tawo.
26Kon may asawa ikaw nga ginapalangga, indi sia pagbulagi,
pero indi ka magsalig sa imo asawa nga wala mo maluyagi.
Mga Ginikanan
27Pasidunggi#Exo. 20:12. ang imo amay sa bug-os mo nga tagipusoon
kag indi pagkalimti ang mga pagpasakit sang imo iloy sang ikaw nabun-ag.
28Dumdoma nga ang imo mga ginikanan amo ang nagbun-ag sa imo.
Sa ano bala ikaw makabalos sang ila ginhimo para sa imo?
Mga Pari
29Tahura ang Ginoo sa bug-os mo nga tagipusoon
kag magtahod ka sa iya mga pari.
30Higugmaa ang imo Manunuga sa bug-os mo nga kusog
kag indi pagpabay-i ang iya mga alagad.
31Tahura ang Ginoo kag pasidunggi ang pari
kag hatagi sia sang bahin, suno sa ginmando sa imo:
ang nahauna nga mga bunga, ang halad tungod sa paglapas, kag ang abaga sang ginahalad nga sapat,
ang halad sa pagkabalaan, kag ang nahauna nga mga bunga sang balaan nga mga butang.
Ang mga Imol kag ang mga Nagaantos
32Magmaalwan ka sa mga imol,
agod manginbug-os ang imo kaayuhan.
33Magmaalwan ka sa paghatag sa tanan nga nagakabuhi,
indi pagpunggi ang imo kaalwan bisan sa mga patay.
34Indi pagtalikdi ang mga nagakalisod,
kundi mag-unong ka sa mga nalisdan.
35Indi ka magpangduhaduha sa pagduaw sa mga nagamasakit,
kay sa imo pagduaw pagapalanggaon ka nila.
36Sa bisan ano nga imo pagahimuon, dumdoma ang katapusan sang imo kabuhi,
agod indi ka magpakasala.
Currently Selected:
Sirac 7: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 7
7
Dugang nga mga Laygay
1-2Indi ka maghimo sing malain kag ang malain indi mag-abot sa imo.
Likawi ang sala, kag magalikaw ini sa imo.
3Anak ko, indi ka magsab-og sa inaradohan sang pagkadi-matarong,
kay basi kon anihon mo ini sing makapito.
4Indi ka magpangayo sa Ginoo sing mataas nga palangakuan,
ukon sa hari sing lugar sang kadungganan.
5Indi ka magpahamtang sa atubang sang Ginoo sang imo pagkamatarong
ukon magpakitakita sang imo kaalam sa atubang sang hari.
6Indi ka magtinguha nga mangin-isa ka hukom,
luas kon may ikasarang ka sa pagtapna sang pagkadi-matarong,
kay basi nga mapadaladala ka sa isa ka gamhanan nga tawo
kag basi mabutang sa alang-alang ang imo pagkasinsero.
7Indi ka maghimo sing sala batok sa katilingban
kay sa sini ginapakanubo mo ang imo kaugalingon sa atubang sang mga tawo.
8Indi pagsalampawa ang imo mga sala
kay wala sing sala nga indi pagsilutan.
9Indi ka magsiling, “Ang Dios madala sang akon madamo nga mga dulot.
Kon maghatag ako sing mga dulot sa Dios nga Labing Mataas pagabatunon niya ini.”
10Indi ka magkataka sa pagpangamuyo,
kag indi ka mag-untat sa paghatag sa mga imol.
11Indi gid pagkadlawi ang tawo nga nagapangasubo
kay ang nagpasubo sa iya makalipay man sa iya.
12Indi ka magpatupato sing butig nga mga panumbongon batok sa imo utod
kag indi man paghimua ini sa imo abyan.
13Indi ka gid magsugid sing binutig,
kay wala gid ikaw sing makuha nga maayo.
14Indi ka magsagad wakal sa pagtinipuntipon sang mga katigulangan
kag indi magsulitsulit sang imo mga pangamuyo.
15Indi paglikawi ang mabug-at nga obra ukon pagpanguma,
kay ginbuot ini sang Labing Mataas.
16Indi pagpadamua ang katilingban sang mga makasasala paagi sa imo pagbuylog.
Dumdoma nga sa indi madugay magaabot ang silot.
17Magpaubos ka gid sing matuod,
tungod kay ang silot sang mga di-diosnon amo ang kalayo kag ang mga ulod.
18Indi pag-ibaylo ang isa ka abyan agod makaganansya,
ukon ang isa ka matuod nga utod para sa tanan nga bulawan sang kalibutan.
19Indi pagkontraha ang isa ka maalam kag maayo nga asawa,
kay ang iya katahom mas mahal pa sang sa bulawan.
20Indi pagpintasi ang ulipon nga nagaobra sing maayo
ukon ang isa ka sinuholan nga suloguon nga nagaobra sing matutom para sa imo.
21Palanggaa#Exo. 21:2; Deut. 15:12-15. ang maalam nga ulipon pareho sang imo kaugalingon,
kag indi sia pagdumilii sang iya kahilwayan.
Mga Kabataan
22May mga kabakahan bala ikaw? Tatapa sila.
Kon nagahatag sila sa imo sing kaayuhan, hupti sila.
23May mga anak bala ikaw nga lalaki?
Disiplinaha sila, kag tudloi sila sa labing temprano pa.
24May mga anak bala ikaw nga babayi? Pat-ura nga manginputli sila,
kag indi sila pagpagustohi.
25Pabanahi ang imo mga anak nga babayi kag matapos ang imo daku nga katungdanan.
Pero ipaasawa sia sa isa ka maayo nga tawo.
26Kon may asawa ikaw nga ginapalangga, indi sia pagbulagi,
pero indi ka magsalig sa imo asawa nga wala mo maluyagi.
Mga Ginikanan
27Pasidunggi#Exo. 20:12. ang imo amay sa bug-os mo nga tagipusoon
kag indi pagkalimti ang mga pagpasakit sang imo iloy sang ikaw nabun-ag.
28Dumdoma nga ang imo mga ginikanan amo ang nagbun-ag sa imo.
Sa ano bala ikaw makabalos sang ila ginhimo para sa imo?
Mga Pari
29Tahura ang Ginoo sa bug-os mo nga tagipusoon
kag magtahod ka sa iya mga pari.
30Higugmaa ang imo Manunuga sa bug-os mo nga kusog
kag indi pagpabay-i ang iya mga alagad.
31Tahura ang Ginoo kag pasidunggi ang pari
kag hatagi sia sang bahin, suno sa ginmando sa imo:
ang nahauna nga mga bunga, ang halad tungod sa paglapas, kag ang abaga sang ginahalad nga sapat,
ang halad sa pagkabalaan, kag ang nahauna nga mga bunga sang balaan nga mga butang.
Ang mga Imol kag ang mga Nagaantos
32Magmaalwan ka sa mga imol,
agod manginbug-os ang imo kaayuhan.
33Magmaalwan ka sa paghatag sa tanan nga nagakabuhi,
indi pagpunggi ang imo kaalwan bisan sa mga patay.
34Indi pagtalikdi ang mga nagakalisod,
kundi mag-unong ka sa mga nalisdan.
35Indi ka magpangduhaduha sa pagduaw sa mga nagamasakit,
kay sa imo pagduaw pagapalanggaon ka nila.
36Sa bisan ano nga imo pagahimuon, dumdoma ang katapusan sang imo kabuhi,
agod indi ka magpakasala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012