Sirac 8
8
Kaalam kag Paghangop
1Indi ka magpakigsumpong batok sa gamhanan nga tawo,
kay basi mahulog ka sa iya gahom.
2Indi ka magpakig-away sa manggaranon nga tawo,
kay mahamhaman niya ang mga tawo sa pagkontra sa imo.
Ang kwarta amo ang kabangdanan sang pagkalaglag sang madamo
kag nagpatalang sang mga panghunahuna sang mga hari.
3Indi ka magpakigbais sa palahambal nga tawo,
kag indi paggatungi ang iya kalayo.
4Indi paglahuglahogi ang wala sing batasan nga tawo,
kay basi mabatian mo ang pagpasipala sa imo mga katigulangan.
5Indi pag-akigi ang tawo nga nagahinulsol na,
dumdoma nga kita tanan nakasala.
6Indi pagtamaya ang tawo tungod sang iya pagkatigulang,
ang iban sa aton nagatigulang man.
7Indi pagkadlawi ang kamatayon sang isa ka tawo,
dumdoma nga kita tanan magakalamatay.
8Indi pagpasipakpaki ang hambal sang mga maalam,
kundi hibalua ang ila ginatudlo,
tungod sini makatuon ka sang mga paagi,
kon ano ang pag-alagad sa mga prinsipe.
9Indi pagpasipakpaki ang ginasiling sang imo mga katigulangan,
kay sila mismo nakatuon sa ila mga ginikanan.
Sila makatudlo sa imo sa paghangop
kag kon ano ang pagsabat sa nagakaigo nga tion.
10Indi pagdabuki ang baga sang makasasala,
kay basi masunog ka sa dabdab sang iya kalayo.
11Indi ka magpadaladala sa hambog nga tawo,
kay basi masiod niya ikaw sa imo mga ginahambal.
12Indi ka magpahulam sa tawo nga mas gamhanan pa sang sa imo,
kon himuon mo ini, kabiga na lang ang imo ginpahulam nga wala na.
13Indi ka magpiyansa labaw sa imo masarangan,
kag kon magpiyansa ka, maghanda ka sa pagbayad.
14Indi ka mag-asunto sa isa ka hukom,
kay tungod sa iya palangakuan magadaog sia.
15Indi ka magbiyahe upod sa dasudaso nga tawo,
kay mabudlayan gid ikaw sa iya.
Himuon niya ang nagaabot sa iya hunahuna,
kag mapatay kamo nga duha tungod sa iya kabuangan.
16Indi ka magpakigbais sa mainiton nga tawo
kag indi ka mag-upod sa iya sa baw-ing nga lugar,
kay wala sia mahadlok sa pagpatay,
kag kon wala sing may matabang sa imo patyon ka niya.
17Indi ka magpangayo sang laygay sa isa ka buangbuang,
kay indi sia makatago sang sekrito.
18Indi ka maghimo sa atubang sang isa ka dumoluong sang butang nga dapat taguon,
kay indi ka makahibalo kon ano ang himuon niya nahanungod sini.
19Indi pag-isugid sa tanan nga mga tawo ang yara sa imo hunahuna,
kag indi ka magpangayo sing bulig sa ila.
Currently Selected:
Sirac 8: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 8
8
Kaalam kag Paghangop
1Indi ka magpakigsumpong batok sa gamhanan nga tawo,
kay basi mahulog ka sa iya gahom.
2Indi ka magpakig-away sa manggaranon nga tawo,
kay mahamhaman niya ang mga tawo sa pagkontra sa imo.
Ang kwarta amo ang kabangdanan sang pagkalaglag sang madamo
kag nagpatalang sang mga panghunahuna sang mga hari.
3Indi ka magpakigbais sa palahambal nga tawo,
kag indi paggatungi ang iya kalayo.
4Indi paglahuglahogi ang wala sing batasan nga tawo,
kay basi mabatian mo ang pagpasipala sa imo mga katigulangan.
5Indi pag-akigi ang tawo nga nagahinulsol na,
dumdoma nga kita tanan nakasala.
6Indi pagtamaya ang tawo tungod sang iya pagkatigulang,
ang iban sa aton nagatigulang man.
7Indi pagkadlawi ang kamatayon sang isa ka tawo,
dumdoma nga kita tanan magakalamatay.
8Indi pagpasipakpaki ang hambal sang mga maalam,
kundi hibalua ang ila ginatudlo,
tungod sini makatuon ka sang mga paagi,
kon ano ang pag-alagad sa mga prinsipe.
9Indi pagpasipakpaki ang ginasiling sang imo mga katigulangan,
kay sila mismo nakatuon sa ila mga ginikanan.
Sila makatudlo sa imo sa paghangop
kag kon ano ang pagsabat sa nagakaigo nga tion.
10Indi pagdabuki ang baga sang makasasala,
kay basi masunog ka sa dabdab sang iya kalayo.
11Indi ka magpadaladala sa hambog nga tawo,
kay basi masiod niya ikaw sa imo mga ginahambal.
12Indi ka magpahulam sa tawo nga mas gamhanan pa sang sa imo,
kon himuon mo ini, kabiga na lang ang imo ginpahulam nga wala na.
13Indi ka magpiyansa labaw sa imo masarangan,
kag kon magpiyansa ka, maghanda ka sa pagbayad.
14Indi ka mag-asunto sa isa ka hukom,
kay tungod sa iya palangakuan magadaog sia.
15Indi ka magbiyahe upod sa dasudaso nga tawo,
kay mabudlayan gid ikaw sa iya.
Himuon niya ang nagaabot sa iya hunahuna,
kag mapatay kamo nga duha tungod sa iya kabuangan.
16Indi ka magpakigbais sa mainiton nga tawo
kag indi ka mag-upod sa iya sa baw-ing nga lugar,
kay wala sia mahadlok sa pagpatay,
kag kon wala sing may matabang sa imo patyon ka niya.
17Indi ka magpangayo sang laygay sa isa ka buangbuang,
kay indi sia makatago sang sekrito.
18Indi ka maghimo sa atubang sang isa ka dumoluong sang butang nga dapat taguon,
kay indi ka makahibalo kon ano ang himuon niya nahanungod sini.
19Indi pag-isugid sa tanan nga mga tawo ang yara sa imo hunahuna,
kag indi ka magpangayo sing bulig sa ila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012