Sirac 6
6
1Indi ka magmanginkaaway kon mahimo man lang nga mangin-isa ikaw ka abyan.
Kay ang malain nga ngalan nagadala sing kahuloy-an kag kapahamakan,
subong sang nagakahanabo sa butigon nga makasasala.
2Indi magpadala sa nagasilabo nga balatyagon,
sungayon sini ang imo kalag kaangay sang isa ka toro nga baka,
3halabon sini ang imo mga dahon, laglagon ang imo mga bunga,
kag bayaan ka subong sang isa ka laya nga kahoy.
4Ang malain nga balatyagon nagalaglag sang tawo nga nagahupot sini,
kag pagakadlawan sia sang iya mga kaaway.
Ang Pag-abyanay
5Ang maayo nga paghambal nagapadamo sang mga abyan,
kag ang matinahuron nga paghambal ginasabat sang maayo nga paghambal.
6Magpangamigo ka sing madamo,
pero ang imo manuglaygay isa lang sa isa ka libo.
7Sa wala pa ikaw magapakig-abyan sa isa ka tawo, tilawan mo anay sia,
kag indi ka magdasudaso sa pagsalig sa iya.
8Ang iban nagapakig-abyan lamang kon may makuha sila
pero sikwayon ka nila sa tion sang imo kabudlayan.
9May iban nga mga abyan nga manginkaaway
kag dayon nagapakahuya sa imo paagi sa pagpanugidsugid sini.
10May yara nga abyan nga nagasalo upod sa imo sa lamisa
pero indi mag-unong sa adlaw sang imo kabudlayan.
11Kon yara ka sa kauswagan sia gid ang malapit sa imo,
kag nagapagusto lang sia sugo sa imo mga suloguon.
12Pero kon yara ka na sa kamusmosan,
pagakontrahon ka niya kag indi mo na gid sia makita liwat.
13Magpalayo ka sa imo mga kaaway,
kag mag-andam ka sa imo mga abyan.
14Ang masaligan nga abyan isa ka malig-on nga dalangpan,
ang nakakita sini nakakita sing pinasahi nga manggad.
15Ang masaligan nga abyan indi mabakal,
ang iya bili indi matumbasan.
16Ang masaligan nga abyan nagapalawig sang kabuhi,
makita lamang ini sang mga nagatahod sa Ginoo.
17Ang tawo nga nagatahod sa Ginoo nagapatubas sang maayo nga mga abyan,
kay kon ano sia amo man ang iya mga abyan.
Ang Pagtuon sa Kaalam
18Anak ko, magpatudlo ka samtang pamatan-on ka pa,
kag bisan bukay na ang imo buhok magapadayon ka sa pag-agom sang Kaalam.
19Patuboa#San. 5:7-8. ini kaangay sang isa ka mangungoma nga nagaarado kag nagasab-og,
kag maghulat ka sang isa ka bugana nga pag-ani,
kon saguron mo ini, magapangabudlay ka sa malip-ot nga tion,
pero sa indi madugay magakaon ka sang iya mga patubas.
20Daw ano kasakit sini para sa mga wala madisiplina!
Ang buangbuang indi makaagwanta sini sing malawig,
21kaangay sang isa ka bato, mabug-atan sia sang kaalam
kag sa indi madugay ihaboy niya ini.
22Ang Kaalam takos gid sa iya ngalan,
kag indi sia malambot sang kadam-an.
23Magpamati ka, anak ko, tandai ang akon paandam,
kag indi pagsikwaya ang akon laygay:
24pahigti ang imo mga tiil sa kadena sang Kaalam
kag isuok ang imo liog sa iya gota.
25Itaya ang imo abaga sa iya palas-anon,
kag magpasunod ka kon diin butongon ang iya renda.
26Handuma sia sa bug-os mo nga tagipusoon,
kag tinguhai sa bug-os mo nga masarangan nga indi ka maglisa sa iya mga dalanon.
27Sunda kag pangitaa sia kag ipakilala niya ang iya kaugalingon sa imo,
kon maangkon mo na sia, indi na pagbuy-i.
28Sa ulihi maagom mo ang kapahuwayan nga iya ginahatag,
manginkalipayan sia para sa imo.
29-30Ang iya mga kadena manginmalig-on mo nga tagpangapin,
kag ang iya gota mangin-imo kapa sang kadungganan.
Ang iya gota isa ka bulawan nga adorno
kag ang iya mga renda purpora nga mga laso.
31Isuksok mo sia kaangay sang kapa sang kadungganan
kag isuklob mo sia kaangay sang korona sang kadungganan.
32Kon luyag mo, anak ko, makaangkon ka sang kaalam,
kon bug-oson mo ang imo hunahuna sa iya, manginmaabtik ka,
33kon naluyag ka magpamati, makatuon ka,
kon magpamati ka, magaalam ka.
34Mag-upod ka sa pagtilipon sang mga katigulangan,
kon may isa nga maalam sa ila, magpakig-abyan ka sa iya.
35Magpamati ka sing maayo sa tagsa ka sugilanon nga diosnon,
kag pat-ura nga wala sing maalam nga hulobaton nga makaligad sa imo.
36Kon may nahibal-an ka nga isa ka maalam nga tawo, duawa sia sing temprano.
Inasa sang imo mga tiil ang alagyan sa iya pwertahan.
37Pamalandongi#Jos. 1:8; Sal. 1:2. ang mga kasugoan sang Ginoo,
kag tun-i ang iya mga sugo sa tanan nga tion.
Pabakuron niya ang imo hunahuna
kag hatagan niya ikaw sang imo ginahandom nga kaalam.
Currently Selected:
Sirac 6: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 6
6
1Indi ka magmanginkaaway kon mahimo man lang nga mangin-isa ikaw ka abyan.
Kay ang malain nga ngalan nagadala sing kahuloy-an kag kapahamakan,
subong sang nagakahanabo sa butigon nga makasasala.
2Indi magpadala sa nagasilabo nga balatyagon,
sungayon sini ang imo kalag kaangay sang isa ka toro nga baka,
3halabon sini ang imo mga dahon, laglagon ang imo mga bunga,
kag bayaan ka subong sang isa ka laya nga kahoy.
4Ang malain nga balatyagon nagalaglag sang tawo nga nagahupot sini,
kag pagakadlawan sia sang iya mga kaaway.
Ang Pag-abyanay
5Ang maayo nga paghambal nagapadamo sang mga abyan,
kag ang matinahuron nga paghambal ginasabat sang maayo nga paghambal.
6Magpangamigo ka sing madamo,
pero ang imo manuglaygay isa lang sa isa ka libo.
7Sa wala pa ikaw magapakig-abyan sa isa ka tawo, tilawan mo anay sia,
kag indi ka magdasudaso sa pagsalig sa iya.
8Ang iban nagapakig-abyan lamang kon may makuha sila
pero sikwayon ka nila sa tion sang imo kabudlayan.
9May iban nga mga abyan nga manginkaaway
kag dayon nagapakahuya sa imo paagi sa pagpanugidsugid sini.
10May yara nga abyan nga nagasalo upod sa imo sa lamisa
pero indi mag-unong sa adlaw sang imo kabudlayan.
11Kon yara ka sa kauswagan sia gid ang malapit sa imo,
kag nagapagusto lang sia sugo sa imo mga suloguon.
12Pero kon yara ka na sa kamusmosan,
pagakontrahon ka niya kag indi mo na gid sia makita liwat.
13Magpalayo ka sa imo mga kaaway,
kag mag-andam ka sa imo mga abyan.
14Ang masaligan nga abyan isa ka malig-on nga dalangpan,
ang nakakita sini nakakita sing pinasahi nga manggad.
15Ang masaligan nga abyan indi mabakal,
ang iya bili indi matumbasan.
16Ang masaligan nga abyan nagapalawig sang kabuhi,
makita lamang ini sang mga nagatahod sa Ginoo.
17Ang tawo nga nagatahod sa Ginoo nagapatubas sang maayo nga mga abyan,
kay kon ano sia amo man ang iya mga abyan.
Ang Pagtuon sa Kaalam
18Anak ko, magpatudlo ka samtang pamatan-on ka pa,
kag bisan bukay na ang imo buhok magapadayon ka sa pag-agom sang Kaalam.
19Patuboa#San. 5:7-8. ini kaangay sang isa ka mangungoma nga nagaarado kag nagasab-og,
kag maghulat ka sang isa ka bugana nga pag-ani,
kon saguron mo ini, magapangabudlay ka sa malip-ot nga tion,
pero sa indi madugay magakaon ka sang iya mga patubas.
20Daw ano kasakit sini para sa mga wala madisiplina!
Ang buangbuang indi makaagwanta sini sing malawig,
21kaangay sang isa ka bato, mabug-atan sia sang kaalam
kag sa indi madugay ihaboy niya ini.
22Ang Kaalam takos gid sa iya ngalan,
kag indi sia malambot sang kadam-an.
23Magpamati ka, anak ko, tandai ang akon paandam,
kag indi pagsikwaya ang akon laygay:
24pahigti ang imo mga tiil sa kadena sang Kaalam
kag isuok ang imo liog sa iya gota.
25Itaya ang imo abaga sa iya palas-anon,
kag magpasunod ka kon diin butongon ang iya renda.
26Handuma sia sa bug-os mo nga tagipusoon,
kag tinguhai sa bug-os mo nga masarangan nga indi ka maglisa sa iya mga dalanon.
27Sunda kag pangitaa sia kag ipakilala niya ang iya kaugalingon sa imo,
kon maangkon mo na sia, indi na pagbuy-i.
28Sa ulihi maagom mo ang kapahuwayan nga iya ginahatag,
manginkalipayan sia para sa imo.
29-30Ang iya mga kadena manginmalig-on mo nga tagpangapin,
kag ang iya gota mangin-imo kapa sang kadungganan.
Ang iya gota isa ka bulawan nga adorno
kag ang iya mga renda purpora nga mga laso.
31Isuksok mo sia kaangay sang kapa sang kadungganan
kag isuklob mo sia kaangay sang korona sang kadungganan.
32Kon luyag mo, anak ko, makaangkon ka sang kaalam,
kon bug-oson mo ang imo hunahuna sa iya, manginmaabtik ka,
33kon naluyag ka magpamati, makatuon ka,
kon magpamati ka, magaalam ka.
34Mag-upod ka sa pagtilipon sang mga katigulangan,
kon may isa nga maalam sa ila, magpakig-abyan ka sa iya.
35Magpamati ka sing maayo sa tagsa ka sugilanon nga diosnon,
kag pat-ura nga wala sing maalam nga hulobaton nga makaligad sa imo.
36Kon may nahibal-an ka nga isa ka maalam nga tawo, duawa sia sing temprano.
Inasa sang imo mga tiil ang alagyan sa iya pwertahan.
37Pamalandongi#Jos. 1:8; Sal. 1:2. ang mga kasugoan sang Ginoo,
kag tun-i ang iya mga sugo sa tanan nga tion.
Pabakuron niya ang imo hunahuna
kag hatagan niya ikaw sang imo ginahandom nga kaalam.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012