Bugna 2
2
Ang Mensahe para sa Efeso
1“Sa anghel sang iglesia sa Efeso, isulat ini:
“Amo ini ang mensahe halin sa nagauyat sang pito ka mga bituon sa iya tuo nga kamot, nga amo man ang nagalakat sa tunga sang pito ka mga kandelirohan nga bulawan. 2Nahibaluan ko ang imo mga binuhatan. Nahibaluan ko kon daw ano ang imo pagpangabudlay, kag kon daw ano ang pagpailob mo. Nahibaluan ko nga indi ka makapabaya sang malaut nga mga tawo kag ginatilawan mo ang mga nagapakaapostoles, pero indi sila mga apostoles, kag imo nasapwan nga mga butigon sila. 3Mapainulobon ka, nag-antos ka sang mga kabudlayan tungod sa akon, kag wala ka magbiya sa pagsunod sa akon. 4Pero amo ini ang nasawayan ko sa imo: wala ka na nagahigugma sa akon subong sang imo paghigugma sa akon sang una. 5Dumdoma kon daw ano kataas sang imo nahulogan! Mag-untat ka sa pagpakasala kag himua ang imo ginhimo sang una. Kon indi ka mag-untat sa pagpakasala, kadtuan ko ikaw kag kuhaon ko ang imo kandelirohan sa iya lugar. 6Pero amo ini ang kinaayo sa imo: ginadumtan mo ang ginahimo sang mga Nicolaita subong sang akon pagdumot.
7“Gani,#Gen. 2:9; Bug. 22:2; Ezeq. 28:13; 31:8 (LXX). ang may mga dulonggan, magpamati sa ginasiling sang Espiritu sa mga iglesia!
“Sa mga nagdalaog, tugotan ko sa pagkaon sang bunga sang kahoy sang kabuhi nga nagatubo sa Hardin sang Dios.
Ang Mensahe para sa Smirna
8“Sa#Isa. 44:6; 48:12; Bug. 1:17; 22:13. anghel sang iglesia sa Smirna, isulat ini:
“Amo ini ang mensahe halin sa iya nga amo ang ginsugoran kag ang katapusan, nga napatay kag nabuhi liwat. 9Nahibaluan ko ang imo mga pag-antos kag ang imo kaimulon, pero ang matuod nga manggaranon ka! Nahibaluan ko ang malaut nga mga butang nga ginpanghambal batok sa imo sang mga nagapaka-Judio, pero indi sila mga Judio, kundi mga sinakpan ni Satanas! 10Indi ka magkahadlok sa bisan ano nga madali mo na lang pagaantuson. Pamatii ini! Pagatilawan kamo sang Yawa paagi sa pagpabilanggo sang iban sa inyo. Ang inyo mga pag-antos magalawig sing napulo ka adlaw. Magmatutom ka sa akon, bisan nagakahulogan ini sang kamatayon, kag pagahatagan ko ikaw sang korona sang kabuhi.
11“Gani,#Bug. 20:14; 21:8. ang may mga dulonggan, magpamati sa ginasiling sang Espiritu sa mga iglesia!
“Ang mga nagdalaog indi mahalitan sang ikaduha nga kamatayon.
Ang Mensahe para sa Pergamo
12“Sa anghel sang iglesia sa Pergamo, isulat ini:
“Amo ini ang mensahe halin sa nagauyat sang matalom nga espada nga duha sing sulab. 13Nahibaluan ko kon diin ka nagaestar. Dira ka nagaestar sa lugar sa diin yara ang trono ni Satanas. Mainunongon ka sa akon, kag wala ka magbiya sang imo pagtuo sa akon bisan pa sadtong tion nga si Antipas, ang akon matutom nga saksi, ginpatay dira sa lugar sa diin nagaestar si Satanas. 14#Num. 22:5, 7; 31:16; Deut. 23:4; Num. 25:1-3. may pila ka mga butang nga nasawayan ako sa imo: may yara dira sa imo nga nagasunod sang pagtulon-an ni Balaam, nga nagtudlo kay Balak kon paano masulay ang mga Israelinhon sa pagpakasala, paagi sa paghaylo sa ila sa pagkaon sang mga kalan-on nga ginhalad sa mga diosdios kag sa pagpakighilawas. 15Subong man, may mga tawo dira sa imo nga nagasunod sang pagtulon-an sang mga Nicolaita. 16Gani untati ang imo pagpakasala! Kon indi ka, kadtuan ko ikaw sa labing madali, kag awayon yadto nga mga tawo paagi sa espada nga nagagwa sa akon baba.
17“Gani#Exo. 16:14-15; 16:33-34; Juan 6:48-50; Isa. 62:2; 65:15. ang may mga dulonggan, magpamati sa ginasiling sang Espiritu sa mga iglesia!
“Sa mga nagdalaog hatagan ko sang mana nga tinago. Hatagan ko man ang kada-isa sa ila sang puti nga bato, nga nasulatan sang bag-o nga ngalan, nga wala sing may nakahibalo, kundi ang nakabaton lamang sini.
Ang Mensahe para sa Tiatira
18“Sa anghel sang iglesia sa Tiatira, isulat ini:
“Amo ini ang mensahe halin sa Anak sang Dios, nga ang iya mga mata nagasiga subong sang kalayo, kag ang iya mga tiil nagaidlak subong sang ginpahining nga bronsi. 19Nahibaluan ko ang imo ginahimo. Nahibaluan ko ang imo paghigugma, ang imo katutom, ang imo pag-alagad, kag ang imo pagpailob. Nahibaluan ko nga labi pa ang imo ginahimo karon sang sa imo ginhimo sang una. 20Pero#1 Hari 16:31; 2 Hari 9:22, 30. amo ini ang mga nasawayan ko sa imo: ginapabay-an mo inang babayi nga si Jezebel, nga nagapakapropeta sang Dios. Nagapanudlo sia kag nagapatalang sang akon mga alagad, sa pagpakighilawas kag sa pagkaon sang mga kalan-on nga nahalad sa mga diosdios. 21Ginhatagan ko sia sing tion sa paghinulsol sang iya mga sala, pero indi sia magbiya sa iya pagpakighilawas. 22Gani, pamasakiton ko sia, sa katre sa diin sia kag ang mga nagapakighilawas sa iya magaantos sing tama gid. Himuon ko ini gilayon kon indi pa sila maghinulsol sang mga kalautan nga ila nahimo upod sa iya. 23Pamatyon#Sal. 7:9; Jer. 17:10; Sal. 62:12. ko man ang iya mga sumolunod, agod mahibaluan sang tanan nga mga iglesia nga ako nakahibalo sang mga hunahuna kag mga handom sang mga tawo. Balusan ko ang tagsatagsa sa inyo suno sa inyo mga binuhatan.
24“Pero ang iban sa inyo sa Tiatira wala magsunod sining malaut nga pagtudlo. Wala ninyo mahibaloi ang ginatawag sang iban nga ‘indi matungkad nga mga sekrito ni Satanas.’ Nagasiling ako sa inyo nga indi ko na pagdugangan ang inyo mga palas-anon. 25Pero dapat ninyo huptan sing malig-on ang yara sa inyo, tubtob sa akon pag-abot. 26-28Sa#Sal. 2:8-9 (LXX). mga nagadaog kag nagapadayon sa pagtuman sang akon ginasugo tubtob sa katapusan, pagahatagan ko sila sing amo man nga awtoridad nga akon nabaton halin sa akon Amay: sa paggahom sang mga pungsod, sa pagdumala sa ila nga may bug-os nga awtoridad kag wala luoyluoy, kag sa pagdugmok sa ila subong sang mga kolon. Ihatag ko man sa ila ang kabugwason.
29“Gani, ang may mga dulonggan, magpamati sa ginasiling sang Espiritu sa mga iglesia!
Currently Selected:
Bugna 2: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
