Mga Salmo 91
91
Ang Dios Aton Mangangapin
1Ang bisan sin-o nga nagakabuhi sa idalom sang pag-apin sang Labing Mataas,
ang bisan sin-o nga ginatipigan sang Makagagahom,
2makasiling sa iya,
“Ikaw ang akon palalipdan kag mangangapin!
Ikaw ang akon Dios, sa imo nagasalig ako.”
3Sia magaluwas sa imo sa tago nga mga katalagman,
kag sa tanan nga makamamatay nga mga balatian.
4Sia magatabon sa imo sang iya mga pakpak,
indi ikaw maano sa idalom sang iya pagtatap,
ang iya pagkatutom magaamlig kag magaapin sa imo kaangay sang taming.
5Indi ka magkahadlok sang mga katalagman sa kagab-ihon,
ukon sang hinali nga pagpanalakay sa kaadlawon,
6ukon sang mga kalalat-an nga nagaabot sa kadudulman,
ukon sang kalautan nga nagapamatay sa kaudtohon.
7Ayhan ang isa ka libo mapukan sa imo tupad,
napulo ka libo sa palibot mo,
pero ikaw imo indi gid maano.
8Magatan-aw ka kag makita mo
kon paano ginasilutan ang malaut nga mga tawo.
9Tungod kay ginhimo mo ang Ginoo nga imo mangangapin,
ang Labing Mataas nga imo palalipdan,
10wala sing kalaglagan nga magaabot sa imo,
wala sing kalalat-an nga magpalapit sa imo balay.
11Ang#Mat. 4:6; Luc. 4:10. Dios magapadala sang iya mga anghel sa pagbantay sa imo,
sa pag-apin sa imo bisan diin ikaw makadto.
12Hakwaton#Mat. 4:6; Luc. 4:11. ka nila sang ila mga kamot,
agod indi masamad ang imo mga tiil sa mga bato.
13Pagatapakon#Luc. 10:19. mo ang mga leon kag mga man-og,
ang mabangis nga mga leon kag dalitan nga mga man-og.
14Ang Dios nagasiling, “Luwason ko ang mga nagahigugma sa akon,
kag apinan ko ang mga nakakilala sa akon subong nga Ginoo.
15Kon magpanawag sila sa akon, ako magasabat sa ila,
kon yara sila sa kalisod, ako magaupod sa ila.
Luwason kag pasidunggan ko sila.
16Pagapadyaan ko sila sang malawig nga kabuhi,
kag pagaluwason ko gid sila.”
Currently Selected:
Mga Salmo 91: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
