Mga Salmo 90
90
IKAP-AT NGA SALMO
(Mga Salmo 90–106)
Nahanungod sa Dios kag sa Tawo#TITULO SA HEBREO: Pangamuyo ni Moises, ang tawo sang Dios.
1O Ginoo, ikaw ang amon ilistaran halin sang una.
2Sa wala pa nimo matuga ang mga bukid,
ukon mahimo ang kalibutan,
ikaw Dios sa gihapon nga wala
sing ginsugoran kag wala sing katapusan.
3Ginamanduan mo ang mga tawo sa pagbalik sa ila ginhalinan,
ginahimo mo sila liwat nga yab-ok.
4Ang#2 Ped. 3:8. isa ka libo ka tuig para sa imo subong lang sang isa ka adlaw,
kaangay lang sila sang kahapon nga nagligad na,
subong sang isa ka malip-ot nga takna sa kagab-ihon.
5Ginaanod mo ang mga tawo subong sang baha,
subong sila sang damgo nga wala nagadugay.
Subong sila sang hilamon nga nagaulhot kon aga,
6nagatubo kag nagalagtom,
pero pagkahapon nagakalaya kag nagakapatay.
7Ginalaglag kami sang imo kaakig,
ginakugmat kami sang imo kasingkal.
8Ginapahamtang mo sa imo atubang ang amon mga sala,
ang amon tinago nga mga sala agod imo ini makita.
9Ang amon kabuhi ginapalip-ot tungod sang imo kaakig,
ang amon kabuhi ginatapos subong sang isa ka hutik.
10Ang#Sir. 18:8-9. kalawigon sang amon kabuhi setenta ka tuig,
kon mabakod kami, nagalambot sa otsenta ka tuig;
pero ang ila ginadala sa amon kalisdanan kag palaligban gid lang,
sa indi madugay ang kabuhi magataliwan, kag wala na kami.
11Sin-o gid bala ang nakahibalo sang bug-os nga gahom sang imo kaakig?
Sin-o ang nakahibalo sang kahadlok nga madala sang imo kasingkal?
12Tudloi kami kon daw ano kalip-ot sang amon kabuhi,
agod ang imo kaalam manginyara sa amon mga tagipusoon.
13O Ginoo, tubtob pa bala san-o ikaw malugpayan?
Kaluoyi man ang imo mga alagad!
14Pun-a kami sa tagsa ka aga sang imo mapinadayunon nga gugma,
agod magkanta kag magkalipay kami sa bug-os namon nga kabuhi.
15Hatagi kami karon sing tuman nga kalipay subong sang ginhatag mo sa amon nga kalisod,
sa sadtong mga tinuig nga kami nagaantos.
16Ipakita sa amon nga imo mga alagad ang imo gamhanan nga mga buhat,
sa amon mga kaliwat ipakita ang imo mahimayaon nga gahom.
17 Ginoo nga amon Dios, kabay nga bendisyunan mo kami, kag hatagi kami sing kadalag-an sa tanan nga amon ginahimo!
Huo, hatagi kami sing kauswagan sa tanan nga amon ginahimo!
Currently Selected:
Mga Salmo 90: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
