Mga Salmo 87
87
Sa Pagdayaw sang Jerusalem#TITULO SA HEBREO: Salmo sang barangay ni Core; ambahanon.
1Ang Ginoo nagpatindog sang iya siudad sa ibabaw sang balaan nga bukid,#87:1 BALAAN NGA BUKID: Tan-awa ang 2:6.
2ginahigugma niya ang siudad sang Jerusalem
labaw sa tanan nga mga lugar sa Israel.
3Pamatii, O siudad sang Dios,
ang makakulonyag nga mga butang nga ginasiling niya nahanungod sa imo:
4“Kon ako maglista sang mga kapungsoran nga nagatuman sa akon,
ilakip ko ang Ehipto kag Babilonia,
kag magasiling ako nahanungod sa Filistia, Tiro, kag Etiopia,
nga sila mga sakop man sang Jerusalem.”
5Nahanungod sa Sion amo ini ang igasiling
nga iya ang tanan nga mga kapungsoran,
kag ang Labing Mataas magapabakod sa iya.
6Ang Ginoo magalista sang tanan nga mga katawhan,
kag ilakip niya sila tanan subong mga pumoluyo sang Jerusalem.
7Magasaot sila kag magakanta,
“Nagagikan sa Sion ang tanan namon nga mga pagpakamaayo.”
Currently Selected:
Mga Salmo 87: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
