Mga Salmo 85
85
Ang Pangamuyo para sa Kaayuhan sang Pungsod#TITULO SA HEBREO: Salmo sang barangay ni Core.
1O Ginoo, nanginmaayo ka sa imo duta,
ginpauswag mo liwat ang Israel.
2Ginpatawad mo ang mga sala sang imo mga tawo
kag ginpasaylo mo ang ila tanan nga mga sayop.
3Wala na ikaw nagakaakig sa ila
kag ginpaiway mo ang imo kasingkal.
4Pabalika kami, O Dios nga amon manluluwas,
kag indi ka na magkaakig sa amon!
5Magakaakig bala ikaw sing dayon sa amon?
Indi na gid bala mag-untat ang imo kaakig?
6Pabaskuga kami liwat,
kag kami nga imo mga tawo, magadayaw sa imo.
7Ipakita sa amon ang imo mapinadayunon nga gugma, O Ginoo,
kag luwasa kami.
8Nagapamati ako sa ginasiling sang Dios nga Ginoo,
nagasaad sia sing paghidait sa aton nga iya mga tawo,
kon kita indi magbalik sa aton binuang nga mga dalanon.
9Matuod gid nga handa sia sa pagluwas sang mga nagapasidungog sa iya,
kag ang iya pagtatap magapabilin sa aton duta.
10Ang gugma kag katutom magaupdanay,
ang pagkamatarong kag paghidait magakitaay.
11Ang katutom sang tawo magalambot sa ibabaw halin sa duta,
kag ang pagkamatarong sang Dios magatamod halin sa langit.
12Ang Ginoo magapauswag sa aton,
kag ang aton duta magapatubas sing bugana.
13Ang pagkamatarong magauna sa Ginoo,
kag magaaman sing alagyan para sa iya.
Currently Selected:
Mga Salmo 85: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
