Mga Salmo 24
24
Ang Gamhanan nga Hari#TITULO SA HEBREO: Salmo ni David.
1Ang#1 Cor. 10:26. kalibutan kag ang tanan nga yara sa sini, iya sang Ginoo,
iya man ang duta kag ang tanan nga nagakabuhi sa duta.
2Iya ini gintukod sa madalom nga mga tubig sa idalom sang duta,
kag ginpasad niya ang mga sadsaran sini sa kadadalman sang dagat.
3Sin-o bala ang makataklad sa bukid sang Ginoo?#24:3 BUKID SANG GINOO: Ang bukid sa Jerusalem sa diin ginpatindog ang Templo.
Sin-o bala ang makasulod sa iya balaan nga Templo?
4Sila#Mat. 5:8. nga may matinlo nga binuhatan kag panghunahuna,
nga wala nagasimba sa mga diosdios,
kag wala nagasaad sang kabutigan.
5Pagabendisyunan sila sang Ginoo, kag luwason sila,
ang Dios magapakilala sa ila nga wala sila sang sala.
6Amo ina ang mga tawo nga nagapalapit sa Dios,
nga nagapalapit sa atubang sang Dios ni Jacob.
7Abrihi sing daku ang mga gawang,
buksi ang dumaan nga mga pwertahan,
kay magasulod ang Hari nga gamhanan!
8Sin-o bala ining Hari nga gamhanan?
Sia amo ang Ginoo nga makusog kag makagagahom,
ang Ginoo nga nagadaog sa inaway.
9Abrihi sing daku ang mga gawang,
buksi ang dumaan nga mga pwertahan,
kag magasulod ang Hari nga gamhanan.
10Sin-o bala ining Hari nga gamhanan?
Sia amo ang Ginoo sang mga hangaway, ang Hari nga gamhanan!
Currently Selected:
Mga Salmo 24: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
