Isaias 9

1Wala#Mat. 4:15. sila sing palagyuhan sining tion sang kagamo.

Ang Palaabuton nga Hari

Ang kadutaan sang mga tribo ni Zabulon kag ni Neftali sang una ginpakahuy-an, pero ang palaabuton magadala sang kadungganan sa sini nga kadutaan halin sa Mediteraneo, pakadto sa sidlangan sa duta sa tabok sang Jordan, pa Galilea, sa diin nagaestar ang mga dumoluong.

2Ang#Mat. 4:16; Luc. 1:79. mga tawo nga nagalakat sa kadudulman

nakakita sing daku nga kapawa.

Nagaestar sila sa duta sang mga landong,

pero karon ang kapawa nagasilak sa ila.

3O Ginoo, ginhatagan mo sila sing daku nga kalipay,#9:3 ginhatagan mo sila sing daku nga kalipay: Sa Hebreoginpadamo mo ang mga katawhan.

ginhimo mo nga magmalipayon sila.

Magahugyaw sila sa imo ginhimo,

subong sang paghinugyaw sang mga tawo nga nagaani,

ukon sang mga tawo nga nagapartida sang inagaw nga mga manggad.

4Kay ginbali mo ang gota nga nagapabug-at sa ila

kag ang baston nga naghanot sang ila mga abaga.

Ikaw ang naglutos sang pungsod

nga nagpigos kag nagpamintaha sang imo mga tawo,

subong sang imo paglutos sadto anay sang mga hangaway sang Midian.

5Ang mga botas sang nagpanggubat nga mga hangaway,

kag ang tanan nila nga mga bayu nga nabulit sang dugo

pagasunogon sa kalayo.

6Ang isa ka bata matawo sa aton!

Ang isa ka anak nga lalaki ginhatag sa aton!

Kag sia ang aton manginpangulo.

Pagatawgon sia, “Maalam#9:6 Maalam: ukonMakatilingala. nga Manuglaygay,”

“Gamhanan nga Dios,” “Amay nga wala sing Katubtoban,”

“Prinsipe sang Paghidait.”

7Ang#Luc. 1:32-33. iya harianon nga gahom magadugang,

ang iya ginharian malinong sa gihapon.

Sia ang magapanubli sang trono ni Haring David,

magagahom sia sa katarungan kag sa pagkamatarong,

halin karon tubtob sa katubtoban.

Ang Ginoo sang mga hangaway, nagpat-od nga magahimo sini tanan.

Ang Ginoo Magasilot sang Israel

8Ang Ginoo naghukom sa ginharian sang Israel, sa mga kaliwatan ni Jacob. 9Ang tanan nga mga tawo sa Israel, ang tagsatagsa nga nagaestar sa siudad sang Samaria, makahibalo nga ang Ginoo amo ang nagahimo sini. Karon nagapabugal sila kag nagapahambog. Nagasiling sila, 10“Ang mga balay nga tisa narumpag, pero islan namon ini sing mga balay nga bato. Ang mga balayan nga kahoy nga sikomoro ginpang-utod, pero islan namon ini sing labing maayo nga sedro.”

11Ang Ginoo nagsudyot sang ila mga kaaway#9:11 ila mga kaaway: Sa Hebreomga kaaway ni Rezin. sa pagsalakay sa ila. 12Ang Siria sa sidlangan kag ang Filistia sa nakatundan nagnganga sang ila mga baba sa paghalunhon sang Israel. Wala sapayan sini ang kaakig sang Ginoo wala pa mag-ugdaw, kundi ang iya mga kamot nabayaw pa sa pagsilot.

13Ang mga Israelinhon wala maghinulsol, bisan ang Ginoo sang mga hangaway nagsilot sa ila, wala sila magbalik sa Ginoo. 14Sa isa lang ka adlaw ang Ginoo magasilot sa mga pangulo sang Israel kag sang iya mga tawo. Subong sila sang sapat nga pagautdan niya sing ulo kag ikog. 15Ang ulo amo ang tigulang kag dungganon nga mga tawo, kag ang ikog amo ang mga propeta nga ang ila mga pagtudlo kabutigan! 16Ang nagapangulo sini nga mga tawo nagpatalang kag nagpasalangisag sa ila. 17Gani, indi pag-itugot sang Ginoo nga makapalagyo ang pamatan-on nga mga lalaki kag indi sia magkaluoy sa mga balo kag mga ilo, tungod kay ang tanan nga mga tawo malaut kag indi diosnon, kag ang tanan nga ila ginasiling kabuangan. Wala sapayan sini ang kaakig sang Ginoo indi pa mag-ugdaw, kundi ang iya kamot nabayaw pa sa pagsilot sa ila.

18Ang kalautan sang mga tawo nagadabdab kaangay sang kalayo nga nagasunog sang mga talungon kag mga sapinit. Nagaharahara ini kaangay sang nasunog nga talon nga ang ila madamol nga aso nagatub-ok. 19Tungod sang kaakig sang Ginoo sang mga hangaway, ang iya silot nagadabdab kaangay sang kalayo sa bug-os nga duta kag nagalaglag sang mga pumoluyo, kag ang tagsa ka tawo magaluwas sang iya kaugalingon. 20Bisan diin lang sa pungsod ang mga tawo magaagaw kag magasabnit sang kalan-on nga ila makita, pero ang ila kagutom indi maumpawan. Kaunon nila bisan pa ang ila kaugalingon nga mga kabataan! 21Ang mga pumoluyo sang Manases kag ang mga pumoluyo sang Efraim magasalakay sa isa kag isa, kag dayon magatingob sila sa pagsalakay sang Juda. Wala sapayan sini ang kaakig sang Ginoo wala mag-ugdaw, kundi ang iya kamot nabayaw pa sa pagsilot sa ila.

Currently Selected:

Isaias 9: MBBHIL12

Highlight

Copy

Compare